Ráiteas ón bhFoireann Náisíunta Shláinte Phoiblí Éigeandála - Dé Máirt 1 Meán Fómhair 2020

Níor tuairiscíodh aon bhás nua don Ionad Faireacháin um Chosaint Sláinte (HPSC) inniu.

Tá 1,777 duine básaithe de bharr COVID-19 in Éirinn go dtí seo.

Ó bhí meánoíche ann ar Dé Luain 31 Lúnasa, deimhníodh 217 cás nua don HPSC. Tá 29,025* cás den ghalar COVID-19 deimhnithe go dtí seo in Éirinn.

Maidir leis na cásanna a tuairiscíodh inniu:

• tá 103 fear ionfhabhtaithe agus tá 113 bean ionfhabhtaithe
• tá 70% faoi bhun 45 bliain d’aois
• tá sé deimhnithe gur bhain 51% dóibh le ráigeanna den ghalar nó le gartheagmháil le duine ionfhabhtaithe
• bhain 19 gcás le scaipeadh sa phobal
• 103 i mBaile Átha Cliath, 25 i gCill Dara, 17 i Luimneach, 17 i Tiobraid Árann, 7 i bPort Láirge, 7 i gCill Mhantáin, 6 sa Chlár, 5 sa Lú agus tá an 30 cás eile i gCeatharlach, sa Chabhán, i Corcaigh, i nDún na nGall, i gCill Cheannaigh, sa Mhí, i Muineachán, in Uíbh Fháilí, i Ros Comáin, san Iarmhí agus i Loch Garman

Tá an HSE i mbun oibre chun daoine a raibh teagmháil acu leis na hothair a aithint agus chun eolas agus comhairle a chur ar fáil dóibh d’fhonn bac a chur ar tuilleadh scaipthe.

Tá eolas suas-le-dáta maidir le príomhtháscairí COVID-19 sa phobal ar fáil ar an Deais COVID-19.

“Cé gur fograíodh an líon cásanna is airde ó bhí mí na Bealtaine ann, tá an meán gluaiseach 5 lá seasta, ag 115 cás in aghaidh an lae”, arsa Dr Ronan Glynn, An Príomh-Dhochtúir Oifigiúil Gníomhach, An Roinn Sláinte. “In ainneoin sin, líon suntasach cásanna is ea sin agus impím ar gach duine a n-iarrachtaí a mhéadú faoi dhó anois – glan do lámha go minic, déan deimhin de go bhfuil scaradh sóisialta ann idir tú féin agus daoine eile, caith clúdach éadain más iomchuí, fán amach ó áiteanna gnóthacha, bí ar an airdeall maidir leis na siomptóim, déan leithlisiú agus déan teagmháil le do GP má tá aon imní ort.

“Lean le do theagmhálaithe sóisialta a laghdú chun an deis scaipthe a bhaint ón víreas.”

CRÍOCH