Ráiteas ón bhFoireann Náisiúnta Éigeandála Sláinte Poiblí - Céadaoin 27 Bealtine

Cuireadh in iúl don Ionad Faireachais um Chosaint Sláinte inniu go bhfuil 17 duine le COVID-19 tar éis bás a fháil.

Tá 1,631 básaithe de thoradh COVID-19 in Éirinn anois*.

Amhail meán oíche Dé Máirt an 25 Bealtaine, cuireadh 73 cás nua deimhnithe de COVID-19 in iúl don HPSC. Tá 24,803 cás deimhnithe de COVID-19 in Éirinn anois.

Tá FSS ag obair chun aon teagmhálacha a d’fhéadfadh a bheith ag na hothair a aithint chun faisnéis agus comhairle a sholáthar dóibh chun scaipeadh breise a chosc.

Seo a leanas mar a léiríonn sonraí an HPSC inniu, amhail meán oíche, Dé Luain an 25 Bealtaine (24,730 cás):

• is mná iad 57% agus fir iad 43% díobh
• 48 aois airmheánach na gcásanna deimhnithe
• cuireadh 3,251 cás (13%) san ospidéal
• díobh siúd a cuireadh san ospidéal, tógadh 399 cás isteach san ICU
• baineann 7,891 cás le hoibrithe cúram sláinte
• tá an líon is mó cásanna ag Baile Átha Cliath ag 11,961 (48% de na cásanna go léir) agus Corcaigh ina dhiaidh sin le 1,451 cás (6%) agus ansin Chill Dara le 1,408 cás (6%)
• díobh siúd a bhfuil a stádas tarchuir ar eolas: is ionann tarchur pobail agus 40%, is ionann dlúth-theagmháil agus 58%, is ionann taisteal thar lear agus 2%

Dúirt an Dr. Tony Holohan, Príomhoifigeach Leighis, an Roinn Sláinte; “Go dtí seo, tá biseach tagtha ar 90% de na cásanna a ndearnadh diagnóis orthu le COVID-19. Ach ní féidir linn stop a chur leis an obair chrua a bhaineann leis an víreas seo a chur faoi chois.

“Is galar nua é COVID-19. Tuigeann Éire agus an domhan níos mó faoin víreas anois ná mar a thuigeamar ag tús na géarchéime seo. Tá a fhios againn anois n-oibríonn níochán lámh, scaradh sóisialta agus fios maidir le cathain ba chóir féin-aonrú.

“Is iad na bearta seo an uirlis is éifeachtaí atá againn chun an víreas seo a chur faoi chois agus an ráta téarnaimh seo a choinneáil suas. Tá a fhios againn go dtuigeann formhór mór de mhuintir na hÉireann é seo, agus go bhfuil siad ag leanúint orthu go dtí an deireadh chun líon na gcásanna a choinneáil chomh híseal agus is féidir."

Dúirt an Dr. Siobhán Kennelly, Comhairleoir Cliniciúil Náisiúnta FSS agus Ceannaire Grúpa do Dhaoine Scothaosta: “Tá tionchar ag COVID-19 ar gach duine in Éirinn. Tuigimid go bhféadfadh daoine a bheith imníoch de réir mar a athosclaíonn an tír i gcéimeanna. Má chloímid le scaradh sóisialta, má nímid ár lámha go maith agus go minic agus má bhíonn a fhios againn cathain ba chóir féin-aonrú, is féidir linn an víreas seo a choinneáil faoi chois le chéile. "

Dúirt an Dr. Ronan Glynn, Leas-Phríomhoifigeach Leighis, an Roinn Sláinte: “Tá éifeacht dhíreach ag an méid a dhéanaimid inniu ar an lá amárach. D’fhonn cosc a chur ar an dara hionsaí de COVID-19, ní mór dúinn a bheith airdeallach agus aireach. An bealach is fearr chun na daoine is leochailí atá againn a chosaint anois agus sa todhchaí is ea príomhchomhairle sláinte poiblí a leanúint."

CRÍOCH

Mar thoradh ar bhailíochtú sonraí ag an HPSC dí-fhógraíodh 1 bhás. Léiríonn an figiúr de 1,631 bás an méid sin.

Léiríonn taighde Amárach ar thuairimí poiblí a rinneadh thar ceann na Roinne Sláinte, a foilsíodh Dé Luain an 25 Bealtaine, an méid seo a leanas:

• go gcreideann formhór na ndaoine fásta in Éirinn go bhfuil an t-eolas atá acu maidir leis an gcaoi le leathadh COVID-19 a chosc ‘an-mhaith’
• go gcreideann 61% de dhaoine fásta 'gur dócha nó go bhfuil gach seans ann' go mbeidh an dara ionsaí d’ionfhabhtuithe COVID-19 in Éirinn