Ráiteas ón bhFoireann Náisiúnta Éigeandála Sláinte Poiblí - Dé Céadaoin, an 11 Márta

Tugadh fógra don Ionad Faireachais um Chosaint Sláinte inniu go bhfuil othar in Éirinn ar diagnóisíodh go raibh COVID-19 uirthi tar éis bás a fháil. Chónaigh an t-othar in oirthear na tíre agus bhí bunriocht leighis uirthi.

Dúirt an Dr Tony Holohan, Príomhoifigeach Míochaine sa Roinn Sláinte:

Tugadh fógra don Ionad Faireachais um Chosaint Sláinte freisin faoi naoi gcás dheimhnithe nua de COVID-19 in Éirinn:

Ceathrar fear a chónaíonn i ndeisceart na tíre. Baineann na cásanna sin leis an taisteal

Bean amháin a chónaíonn i ndeisceart na tíre. Baineann an cás sin le teagmháil le cás deimhnithe

Fear amháin a chónaíonn i ndeisceart na tíre. Baineann an cás sin le teagmháil le cás deimhnithe

Triúr fear a chónaíonn in oirthear na tíre. Baineann dhá cheann de na cásanna sin leis an taisteal agus baineann an ceann eile le teagmháil le cás deimhnithe

Tá 43 chás dheimhnithe de COVID-19 ann in Éirinn anois.

Tá Feidhmeannacht na Seirbhíse Sláinte (FSS) ag obair go tapa anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.

Dhearbhaigh an Eagraíocht Dhomhanda Sláinte gur paindéim í an ráig de COVID-19.

Táimid ag bogadh anois i dtreo ár mbearta um shrianadh a bhreisiú. Tá trí chéim i gceist leis na bearta sin:

Moltar duit, mar dhuine den phobal:

• cloí le gnáthbhearta coisctheacha amhail ní láimhe agus dea-bhéasa casachta/sraotha
• breithniú a dhéanamh ar an dóigh ar féidir leat srian a chur le do chaidreamh sóisialta, agus spásanna plódaithe laistigh á seachaint agat
• croitheadh láimhe agus dlúth-theagmháil phearsanta a sheachaint
• dlúth-theagmháil le daoine atá tinn a sheachaint. Moltar duit bheith ar an eolas faoi na siomptóim a bhaineann le COVID-19

Táthar ag iarraidh ar gach oibrí cúram sláinte innéacs an amhrais a ardú i leith COVID-19.

Cuirfidh Feidhmeannacht na Seirbhíse Sláinte go mór lena hacmhainn rianú teagmhála agus faireachais thar na laethanta atá le teacht.

CRÍOCH

Nótaí don Eagarthóir:

Tagann na háiteanna seo a leanas faoin sainiú cáis ón bhFoireann Náisiúnta Éigeandála Sláinte Poiblí: an tSeapáin, Singeapór, Hong Cong, an Chóiré Theas, an Iaráin, ceithre réigiún i dtuaisceart na hIodáile (an Lombaird, Veneto, Emilia-Romagna agus Píodmant) agus mórthír na Síne.

• Aon duine a bhí i réigiún atá thíos leis an víreas (mórthír na Síne, an Chóiré Theas, an tSeapáin, Singeapór, Hong Cong, an Iaráin agus na ceithre réigiún lena mbaineann i dtuaisceart na hIodáile) sna 14 lá seo a chuaigh thart AGUS a bhfuil siomptóim air/uirthi, ba cheart dó/di é/í féin a leithlisiú agus glao a chur ar a lia-chleachtóir ginearálta lom láithreach
• Aon duine a bhí i ndlúth-theagmháil le cás deimhnithe COVID-19 sna 14 lá seo a chuaigh thart AGUS a bhfuil siomptóim air/uirthi, ba cheart dó/di é/í féin a leithlisiú agus glao a chur ar a lia-chleachtóir ginearálta lom láithreach
• Aon duine a bhí i réigiún atá thíos leis an víreas (an tSín, an tSeapáin, Singeapór, Hong Cong, an Chóiré Theas, an Iaráin agus na ceithre réigiún lena mbaineann i dtuaisceart na hIodáile) sna 14 lá seo a chuaigh thart agus a bhfuil an tsláinte aige/aici, ba cheart dó/di dul chuig www.HSE.ie chun comhairle a fháil

Is féidir go rachaidh suas le 14 lá thart sula mbeidh siomptóim COVID-19 (Coróinvíreas) le brath.

Is féidir go n-áireofar iad seo a leanas leis na siomptóim sin:

• casacht
• giorra anála
• deacrachtaí análaithe
• fiabhras (ardteocht)

Is féidir le COVID-19 (Coróinvíreas) a bheith ina chúis le tinnis níos troime freisin, lena n-áirítear niúmóine.

Áirítear iad seo a leanas leis na nithe is féidir leat a dhéanamh chun tú féin a chosaint ar COVID-19 (Coróinvíreas):

• nigh do lámha i gceart agus go rialta
• cumhdaigh do bhéal nó do shrón le ciarsúr páipéir nuair a dhéanann tú casacht nó sraoth

Nigh do lámha i gceart agus go rialta le gallúnach agus uisce nó le glóthach láimhe alcólbhunaithe:

• tar éis duit casacht nó sraoth a dhéanamh
• tar éis duit an leithreas a úsáid
• sula n-íosfaidh tú
• sula réiteoidh tú bia agus tar éis duit bia a réiteach