Ráiteas ón bhFoireann Náisiúnta Éigeandála Sláinte Poiblí - Dé Céadaoin an 8 Aibreán
- Foilsithe: 8 Aibreán 2020
- An t-eolas is déanaí: 8 Aibreán 2020
Tugadh fógra don Lárionad Faire um Chosaint Sláinte inniu go bhfuil 25 othar in Éirinn ar diagnóisíodh go raibh COVID-19 orthu tar éis bás a fháil.
- tá 13 básaithe san oirthear, 8 sa tuaisceart, 2 sa deisceart agus 2 in iarthar na tíre
- bhí 10 bean agus 15 fear san áireamh sna daoine
- 80 aois airmheánach na mbásanna a tuairiscíodh inniu
- tuairiscíodh go raibh fadhbanna eile sláinte ag 18 duine
Tá 235 básaithe de thoradh COVID-19 in Éirinn anois.
Tugadh fógra don Lárionad Faire um Chosaint Sláinte go bhfuil 365 cás nua deimhnithe de COVID-19 in Éirinn, amhail 1pm, an 8 Aibreán.
Tá 6,074 cás deimhnithe de COVID-19 in Éirinn anois.
Tá FSS ag obair chun aon teagmhálacha a d’fhéadfadh a bheith ag na hothair a aithint chun faisnéis agus comhairle a sholáthar dóibh chun scaipeadh breise a chosc.
Thug an Fhoireann Náisiúnta Éigeandála Sláinte Poiblí ar aird treoir ón Lárionad Eorpach um Ghalair a Chosc agus a Rialú (ECDC) inniu go meastar go bhfuil an riosca go dtarlódh galar trom a bhaineann le COVID-19 san AE agus sa Ríocht Aontaithe measartha don daonra i gcoitinne agus an-ard do ghrúpaí leochaileacha.
Chuir an ECDC in iúl freisin go bhfuil sé ró-luath faoi láthair tús a chur le bearta um scaradh pobail agus fisiceach a chur ar ceal agus gur cheart do Bhallstáit leanúint de chur chuige bunaithe ar shláinte phoiblí maidir le tástáil agus rianú teagmhála a ghlacadh.
Dúirt an Dr. Tony Holohan, Príomhoifigeach Leighis, an Roinn Sláinte:
"Leanann Éire ag leanúint treoir ECDC maidir le tástáil, rianú teagmhála agus bearta pobail a chur i bhfeidhm ar nós fadú fisiceach agus cocúnú. Is é seo an bealach is éifeachtaí atá againn le scaipeadh an víris seo a mhoilliú agus beatha daoine a shábháil.
“Tá athbhreithniú leanúnach á dhéanamh ar ár dtreoir sláinte poiblí agus tiocfaidh an Fhoireann Náisiúnta Éigeandála Sláinte Poiblí le chéile arís maidin Dé hAoine chun tionchar na mbeart leanúnach a athbhreithniú."
Dúirt an Dr. Ronan Glynn, Leas-Phríomhoifigeach Leighis, an Roinn Sláinte:
"Dúirt an ECDC go bhfuil an dóchúlacht go leanfaidh scaipeadh COVID-19 an-ard. Tá an baol go sárófar acmhainn an chórais sláinte ard fiú i dtíortha mar Éirinn inar cuireadh srianta suntasacha sláinte poiblí i bhfeidhm.
“Is ar na cúiseanna seo a leanaimid orainn ag iarraidh ar dhaoine fanacht sa bhaile agus comhairle sláinte poiblí a leanúint. Cé go bhfuil a fhios againn go bhfuil na bearta seo deacair go háirithe agus muid ag druidim le deireadh seachtaine saoire bainc grianmhar, tá tionchar ag na hiarrachtaí atá á ndéanamh ag an bpobal agus tá difríocht dáiríre á déanamh."
Miondealú ar na 235 bás COVID-19 in Éirinn
As na 235 bás COVID-19 in Éirinn:
- tharla 168 cás (72%) i dtimpeallacht ospidéil
- bhí 27 cás (12%) in Aonaid Dianchúraim (ICU)
- bhí fadhbanna sláinte eile ag 190 (81%) cás
- bhí 148 fear agus 67 bean i gceist
- 81 aois airmheánach na ndaoine
Cásanna amhail Dé Luain an 8 Aibreán 2020
Tugadh fógra don Lárionad Faire um Chosaint Sláinte go bhfuil 365 cás nua deimhnithe de COVID-19 in Éirinn, amhail 1pm, an 8 Aibreán.
Tá 6,074 cás deimhnithe de COVID-19 in Éirinn anois.
Tá FSS ag obair chun aon teagmhálacha a d’fhéadfadh a bheith ag na hothair a aithint chun faisnéis agus comhairle a sholáthar dóibh chun scaipeadh breise a chosc.
Seo a leanas mar a léiríonn sonraí an HPSC inniu, amhail meán oíche, an 6 Aibreán (5,981 cás):
- is fir iad 46% agus is mná iad 53% díobh, agus baineann 1,288 cás le 299 cnuasach
- 48 aois airmheánach na gcásanna deimhnithe
- cuireadh 1,472 cás (25%) san ospidéal
- díobh siúd a cuireadh san ospidéal, tógadh 224 cás isteach san ICU
- tá baint ag 1,568 cás le hoibrithe cúram sláinte
- tá an líon is mó cásanna i mBaile Átha Cliath le 3,268 cás, (55% de na cásanna go léir) agus i gCorcaigh ina dhiaidh sin le 431 cás (7%)
- díobh siúd a bhfuil a stádas tarchuir ar eolas: is ionann tarchur pobail agus 67%, is ionann dlúth-theagmháil agus 23%, is ionann taisteal thar lear agus 10%
Is féidir leat na sonraí is déanaí a fheiceáil ar Deais COVID-19 (Coróinvíreas).
CRÍOCH
Staitisticí ospidéil
| Líon iomlán na gcásanna | 5981 |
| Líon iomlán san ospidéal | 1472 |
| Líon iomlán a tugadh isteach san ICU | 224 |
| Líon iomlán na mbásanna | 223 |
| Líon iomlán na n-oibrithe cúram sláinte | 1568 |
| Líon na gcnuasach curtha in iúl | 299 |
| Aois airmheánach | 48 |
- Tomhaiseadh na staitisticí go léir ag meán oíche Dé Luain an 6 Aibreán.
Inscne na n-othar
| Inscne | Líon | mar % den Iomlán |
| Baineann | 3154 | 52.7 |
| Fireann | 2757 | 46.1 |
| Anaithnid | 70 | 1.2 |
| Iomlán | 5981 |
- Tomhaiseadh na staitisticí go léir ag meán oíche Dé Luain an 6 Aibreán.
Raon aoise lena mbaineann
| Aoisghrúpa | Líon | mar % den Iomlán |
| <1 | 12 | 0.2 |
| 1 - 4 | 18 | 0.3 |
| 5 - 14 | 42 | 0.7 |
| 15 - 24 | 364 | 6.1 |
| 25 - 34 | 1010 | 16.9 |
| 35 - 44 | 1111 | 18.6 |
| 45 - 54 | 1118 | 18.7 |
| 55 - 64 | 847 | 14.2 |
| 65+ | 1442 | 24.1 |
| Anaithnid | 17 | 0.3 |
- Tomhaiseadh na staitisticí go léir ag meán oíche Dé Luain an 6 Aibreán.
An chaoi a bhfuil COVID-19 ag scaipeadh
| Tarchur pobail | 67% |
| Dlúth-theagmháil le cás deimhnithe | 23% |
| Taisteal Thar Lear | 10% |
- Tomhaiseadh na staitisticí go léir ag meán oíche Dé Luain an 6 Aibreán.
Tabhair ar aird:
Sa chás go bhfaigheann duine toradh deimhneach ar a dtástáil le haghaidh COVID-19 agus nach raibh sé/sí thar lear nó nach raibh teagmháil aige/aici le cás deimhnithe eile in Éirinn, tugtar tarchur pobail air sin.
Sa chás gur féidir duine toradh deimhneach do COVID-19 a nascadh le cás deimhnithe eile in Éirinn, tugtar tarchur logánta air sin.
Cásanna san ospidéal de réir aoisghrúpa
| Aoisghrúpa | Líon na gcásanna | Céatadán den iomlán |
| <5 | 7 | 0.5 |
| 5 - 14 | 4 | 0.3 |
| 15 - 24 | 37 | 2.5 |
| 25 - 34 | 102 | 6.9 |
| 35 - 44 | 127 | 8.6 |
| 45 - 54 | 224 | 15.2 |
| 55 - 64 | 230 | 15.6 |
| 65+ | 739 | 50.2 |
| Anaithnid | 2 | 0.1 |
- Tomhaiseadh na staitisticí go léir ag meán oíche Dé Luain an 6 Aibreán.
Cásanna de réir contae
| Ceatharlach | 15 | 0.3% |
| An Cabhán | 129 | 2.2% |
| An Clár | 66 | 1.1% |
| Corcaigh | 431 | 7.2% |
| Dún na nGall | 120 | 2% |
| Baile Átha Cliath | 3268 | 54.6% |
| Gaillimh | 134 | 2.2% |
| Ciarraí | 122 | 2% |
| Cill Dara | 233 | 3.9% |
| Cill Chainnigh | 88 | 1.5% |
| Laois | 34 | 0.6% |
| Liatroim | 20 | 0.3% |
| Luimneach | 160 | 2.7% |
| Longfort | 35 | 0.6% |
| Lú | 96 | 1.5% |
| Maigh Eo | 130 | 2.2% |
| An Mhí | 183 | 3.1% |
| Muineachán | 62 | 1% |
| Uíbh Fhailí | 77 | 1.3% |
| Ros Comáin | 22 | 0.4% |
| Sligeach | 28 | 0.5% |
| Tiobraid Árann | 137 | 2.3% |
| Port Láirge | 52 | 0.9% |
| An Iarmhí | 134 | 2.2% |
| Loch Garman | 24 | 0.4% |
| Cill Mhantáin | 181 | 3% |
- Tomhaiseadh na staitisticí go léir ag meán oíche Dé Luain an 6 Aibreán.
Ciallaíonn ≤ 'níos lú ná nó cothrom le'.