Ráiteas ón bhFoireann Náisiúnta Éigeandála Sláinte Poiblí - Dé Luain an 12 Lúil 2021
- Foilsithe: 12 Iúil 2021
- An t-eolas is déanaí: 11 Aibreán 2025
Cuireadh 600* cás deimhnithe de COVID-19 in iúl don Ionad Faireachais um Chosaint Sláinte inniu.
Amhail 8am inniu, tá 64 othar COVID-19 san ospidéal, agus tá 16 acu sin san aonad dianchúraim.
Dúirt an Dr. Tony Holohan, Príomhoifigeach Leighis, an Roinn Sláinte:
“Amárach beidh 500 lá ann ó tuairiscíodh an chéad chás de COVID-19 in Éirinn. Tá an-dul chun cinn déanta againn le chéile ar an aistear deacair seo agus rinneamar íobairt mhór inár scaipeadh an ghalair seo a theorannú.
“Agus beagnach 5 mhilliún dáileog den vacsaín COVID-19 tugtha, tá dóchas mór againn don todhchaí. Tá ár gclár vacsaínithe ag obair, tá na leibhéil chosanta sa phobal i gcoinne an víris ag méadú gach lá agus ba cheart go mbeadh na daoine sin atá vacsaínithe ag brath go hiomlán sábháilte a gcuid teagmhálacha sóisialta a mhéadú agus leas a bhaint as saoirsí nua, agus leanúint ar aghaidh ag déanamh roghanna dearfacha sláinte poiblí ina ngnáthamh laethúil.
“Tá an-dul chun cinn déanta againn go dtí seo, agus tá a fhios agam go bhfuil sé deacair leanúint de bheith ag cloí leis na bearta sláinte poiblí, ach tá ár n-iarracht leanúnach aonair riachtanach chun riosca an athraitheora Delta a laghdú. Is cineál an-intarchurtha é atá ina bhagairt shuntasach dóibh siúd nach bhfuil vacsaín faighte acu nó nach bhfuil ach vacsaín amháin faighte acu.
“Tá méadú ag teacht ar líon na gcásanna laethúla, go háirithe san aoisghrúpa 16-29 agus is ábhar imní é sin. Mura bhfuil vacsaín faighte agat nó mura bhfuil faighte agat ach ceann amháin, ní mór duit a bheith an-chúramach i do ghníomhaíochtaí an samhradh seo. Tá sé riachtanach duit sluaite a sheachaint, do theagmhálacha a bhainistiú go cúramach, do masc a chaitheamh, achar sábháilte a choinneáil ó dhaoine eile agus an vacsaín a ghlacadh nuair a thairgtear í."
CRÍOCH
- D'fhéadfadh líon na gcásanna laethúla athrú de bharr bailíochtú sonraí sa todhchaí.