Ráiteas ón bhFoireann Náisiúnta Éigeandála Sláinte Poiblí - Dé Máirt an 24 Márta

Tugadh fógra don Ionad Faireachais um Chosaint Sláinte inniu go bhfuil othar in Éirinn ar diagnóisíodh go raibh COVID-19 air tar éis bás a fháil.

Chónaigh an t-othar in oirthear na tíre agus bhí bunriocht leighis air.

Tá seacht mbás a bhaineann le COVID-19 ann in Éirinn anois.

Tugadh fógra don Ionad Faireachais um Chosaint Sláinte faoi 204 chás dheimhnithe nua de COVID-19 in Éirinn amhail 1pm, Dé Máirt an 24 Márta.

Tá 1,329 gcás dheimhnithe de COVID-19 ann in Éirinn anois.

Tá Feidhmeannacht na Seirbhíse Sláinte (FSS) ag obair anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.

Rinneadh 17,992 thástáil i saotharlanna ar fud na tíre faoi mheán oíche aréir.

Nochtar an méid seo a leanas sna sonraí a d’eisigh an tIonad Faireachais um Chosaint Sláinte inniu, mar a bhí an scéal ag meán oíche, Dé Domhnaigh an 22 Márta (965 chás):

• baineann 55% de chásanna le fir agus baineann 45% díobh le mná, agus 44 bhraisle ann a chuimsíonn 243 chás
• is é aois airmheánach na gcásanna deimhnithe ná 45 bliana d’aois
• cuireadh 277 gcás (29%) san ospidéal
• díobh sin a cuireadh san ospidéal, ligeadh 36 chás isteach san Aonad Dianchúraim
• baineann 247 gcás (26%) le hoibrithe cúram sláinte
• ba i mBaile Átha Cliath a chonacthas an líon ab airde cásanna, agus é cothrom le 535 chás (55% de na cásanna uile). Ba i gCorcaigh (123 chás) a chonacthas an dara líon ab airde cásanna (13% de na cásanna uile)
• maidir leis na cásanna sin a bhfuil a stádas tarchuir ar eolas: tá tarchur pobail freagrach as 47% díobh, tá dlúth-theagmháil freagrach as 23% díobh agus tá taisteal thar lear freagrach as 31% díobh

Sheol an Roinn Sláinte Deais Faisnéise COVID-19 inniu, rud ar a soláthraítear faisnéis atá cothrom le dáta faoi chásanna den víreas. Tá sí ar fáil ag [nasc seachtrach: www.gov.ie/covid19dashboard | www.gov.ie/dashboard. ]

Tháinig an Fhoireann Náisiúnta Éigeandála Sláinte Poiblí le chéile aréir (Dé Luain an 23 Márta) agus ar maidin (Dé Máirt an 24 Márta) chun athbhreithniú a dhéanamh ar fhreagairt na hÉireann d’ullmhacht do COVID-19.

Rinne an Fhoireann Náisiúnta Éigeandála Sláinte Poiblí roinnt moltaí, ar ghlac an Rialtas iad inniu. De réir na moltaí sin:

• ghlac Éire an sainiú cáis ón Eagraíocht Dhomhanda Sláinte do COVID-19, is é sin: othar ar a bhfuil fiabhras agus ag a bhfuil comhartha amháin ar a laghad a ghabhann le galar riospráide, e.g. casacht, giorra anála
• ba cheart do dhaoine aonair obair ón mbaile ach amháin i gcás go mbeidh dearbhghá ann le freastal ar an áit oibre
• dúnfaidh asraonta miondíola neamhriachtanaí do dhaoine den phobal. Cuirfidh asraonta miondíola riachtanaí dianbhearta um scaradh fisiciúil chun feidhme
• cuirfear gach imeacht spóirt ar ceal, lena n-áirítear iad sin a sheoltar gan lucht féachana
• dúnfar gach clós súgartha, gach páirc shaoire agus gach páirc carbhán
• ní sheolfar aon imeachtaí eagraithe sóisialta laistigh ná amuigh faoin spéir, is cuma cén mhéid atá iontu
• oibreoidh gach caifé agus bialann ar bhonn ‘beir leat’ nó ar bhonn seachadta. Cloífidh daoine le dianbhearta um scaradh fisiciúil agus iad ag ciúáil don tseirbhís sin
• níor cheart do dhaoine an t-iompar poiblí a úsáid ach amháin i gcás go mbeidh dearbhghá ann le déanamh amhlaidh

Tá liosta cuimsitheach de na bearta nua [nasc inmheánach: 71891 | ar fáil anseo. ]

Dúirt an Dr Tony Holohan, Príomhoifigeach Míochaine sa Roinn Sláinte:

Dúirt an Dr Ronan Glynn, Leas-Phríomhoifigeach Míochaine sa Roinn Sláinte:

Dúirt an Dr Colm Henry, Príomhoifigeach Cliniciúil, Feidhmeannacht na Seirbhíse Sláinte:

Léiríodh in anailís ar an rianú teagmhála sláinte poiblí gur laghdaigh an meánlíon daoine a raibh gach cás deimhnithe i ndlúth-theagmháil leo ó níos mó ná 20 duine go thart ar chúigear. Is fianaise é sin go mbíonn daoine den phobal ag cloí le comhairle sláinte agus go mbíonn an líon daoine a dtéann siad i dteagmháil leo á theorannú go gníomhach acu.

Tiocfaidh an Fhoireann Náisiúnta Éigeandála Sláinte Poiblí le chéile an athuair Déardaoin an 26 Márta chun athbhreithniú a dhéanamh ar ullmhacht leanúnach agus freagairt na hÉireann do COVID-19.

CRÍOCH

• Tomhaiseadh na staitisticí uile ag meán oíche, Dé Domhnaigh an 22 Márta.

• Tomhaiseadh na staitisticí uile ag meán oíche, Dé Domhnaigh an 22 Márta.

• Tomhaiseadh na staitisticí uile ag meán oíche, Dé Domhnaigh an 22 Márta.

• Tomhaiseadh na staitisticí uile ag meán oíche, Dé Domhnaigh an 22 Márta.

Tabhair faoi deara:

I gcás go dtaispeánfaidh toradh tástála go bhfuil COVID-19 ar dhuine agus nach raibh an duine sin thar lear nó nach raibh aon teagmháil aige/aici le cás deimhnithe eile in Éirinn, cuirfear an cás i leith tarchur pobail.

I gcás go dtaispeánfaidh toradh tástála go bhfuil COVID-19 ar dhuine agus go mbeifear in ann é sin a nascadh le cás deimhnithe eile in Éirinn, cuirfear an cás i leith tarchur áitiúil.

• Tomhaiseadh na staitisticí uile ag meán oíche, Dé Domhnaigh an 22 Márta.

• Tomhaiseadh na staitisticí uile ag meán oíche, Dé Domhnaigh an 22 Márta.

• Tomhaiseadh na staitisticí uile ag meán oíche, Dé Domhnaigh an 22 Márta.

Ciallaíonn ≤ 'níos lú ná nó cothrom le'.