Ráiteas ón bhFoireann Náisiúnta Éigeandála Sláinte Poiblí - Déardaoin an 6 Bealtaine 2021
- Foilsithe: 6 Bealtaine 2021
- An t-eolas is déanaí: 11 Aibreán 2025
Cuireadh in iúl don Ionad Faireachais um Chosaint Sláinte inniu go bhfuil ochtar le COVID-19 tar éis bás a fháil.
Bhásaigh triúr díobh sin i mí Bealtaine, beirt i mí an Mhárta, agus triúr i mí Feabhra nó níos luaithe.
79 aois airmheánach na ndaoine a bhásaigh agus 55 - 97 an raon aoise.
4,921* duine san iomlán atá básaithe de thoradh COVID-19 in Éirinn go dtí seo.
Amhail meán oíche, Dé Céadaoin an 5 Bealtaine, cuireadh 393 cás nua deimhnithe de COVID-19 in iúl don HPSC. 251,474** cás de COVID-19 a deimhníodh in Éirinn go dtí seo.
As na cásanna a cuireadh in iúl inniu;
- Is fir iad 175 / is mná iad 211 díobh
- Tá 79% faoi bhun 45 bliain d’aois
- 28 aois airmheánach na ndaoine
- 173 i mBaile Átha Cliath, 42 i gCorcaigh, 34 i gCill Dara, 26 i nDún na nGall, 15 sa Mhí agus tá na 103 cás eile scaipthe ar fud 20 contae eile***.
Amhail 8am inniu, tá 131 othar COVID-19 san ospidéal, agus tá 36 acusan san aonad dianchúraim. Cuireadh 16 in ospidéal le 24 uair an chloig anuas.
Amhail Dé Máirt 4 Bealtaine, tugadh 1,655,866 dáileog den vacsaín COVID-19 in Éirinn:
- Bhí a gcéad dáileog faighte ag 1,201,373 duine
- Bhí a dara dáileog faighte ag 454,493 duine
Dúirt an Dr Tony Holohan, Príomhoifigeach Leighis, an Roinn Sláinte:
“Táimid go léir ag iarraidh go mbeidh maolú na srianta an tseachtain seo chugainn mar chor cinniúnach suntasach sa phaindéim seo. D'oibríomar chomh crua chun scaipeadh an ghalair seo a laghdú. Tá dáileog amháin de vacsaín COVID-19 faighte ag níos mó ná 30% de dhaoine fásta in Éirinn anois agus tá sé thar am a bheith dóchasach agus tosú ag pleanáil don samhradh.
“Tá na roghanna a dhéanaimid anois ríthábhachtach chun minicíocht COVID-19 a íoslaghdú i rith mhí na Bealtaine agus an Mheithimh. Déan iarracht a bheith amuigh agus seachain sluaite. Bíodh na siomptóim ar eolas agat - féin-aonraigh láithreach agus cuir glaoch ar do dhochtúir teaghlaigh má tá siad agat. Trí tú féin a chosaint, tá tú ag cosaint gach duine a bhfuil aithne agat orthu ó ionfhabhtú."
Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal lena n-áirítear sonraí laethúla maidir le Clár Vacsaínithe COVID-19 na hÉireann.
CRÍOCH
- Mar thoradh ar bhailíochtú sonraí ag an HPSC dí-fhógraíodh 2 bhás. Léiríonn an figiúr 4,921 bás deimhnithe é seo.
**Mar thoradh ar bhailíochtú sonraí ag an HPSC dí-fhógraíodh 6 chás deimhnithe. Léiríonn an figiúr de 251,474 cás deimhnithe é seo.
***Ba cheart sonraí contae a mheas go sealadach toisc gur córas dinimiciúil é an Córas Ríomhaireachta Idirnáisiúnta um Ghalair Thógálacha (CIDR) agus tá sonraí cáis á mbailíochtú agus á nuashonrú i gcónaí.
Cásanna an lae inniu, meán gluaiseachta 5 lá de chásanna nua, ráta minicíochta 14 lá in aghaidh gach 100,000 den daonra agus cásanna nua le 14 lá anuas (amhail meán oíche an 5 Bealtaine 2021) (ráta minicíochta bunaithe ar dhaonra contae Dhaonáireamh 2016)
| Contae | Cásanna an lae inniu (go meán oíche 05 Beal 2021) | Meán gluaiseachta 5 lá (go meán oíche 05 Beal 2021) | Ráta minicíochta 14 lá in aghaidh gach 100,000 den daonra (22 Aib 2021 go 05 Beal 2021) | Cásanna Nua le 14 lá anuas (22 Aib 2021 go 05 Beal 2021) |
| Éire | 393 | 410 | 129.7 | 6,178 |
| Dún na nGall | 26 | 27 | 270.1 | 430 |
| Cill Dara | 34 | 34 | 260.2 | 579 |
| An Iarmhí | 7 | 11 | 200.5 | 178 |
| Baile Átha Cliath | 173 | 171 | 183.5 | 2,472 |
| Tiobraid Árann | 12 | 13 | 148.5 | 237 |
| An Mhí | 15 | 17 | 143.6 | 280 |
| An Cabhán | <5 | 10 | 139.2 | 106 |
| Uíbh Fháilí | <5 | 6 | 129.6 | 101 |
| Luimneach | 13 | 14 | 125.2 | 244 |
| An Longfort | <5 | 2 | 115 | 47 |
| Lú | 7 | 12 | 114.1 | 147 |
| Ros Comáin | 9 | 7 | 111.6 | 72 |
| Cill Mhantáin | <5 | 7 | 95.5 | 136 |
| Muineachán | 5 | 3 | 91.2 | 56 |
| Liatroim | <5 | 2 | 87.4 | 28 |
| Ceatharlach | 6 | 3 | 86.1 | 49 |
| Gaillimh | 9 | 11 | 84.9 | 219 |
| Corcaigh | 42 | 33 | 81.1 | 440 |
| Port Láirge | <5 | 5 | 71.4 | 83 |
| Laois | 5 | 3 | 53.1 | 45 |
| Maigh Eo | 0 | 4 | 45.2 | 59 |
| An Clár | 5 | 3 | 43.8 | 52 |
| Cill Chainnigh | <5 | 3 | 39.3 | 39 |
| Loch Garman | 5 | 4 | 28.7 | 43 |
| Sligeach | 0 | 1 | 25.9 | 17 |
| Ciarraí | <5 | 2 | 12.9 | 19 |
~Soláthraíonn an meán gluaiseachta 5 lá de líon na gcásanna nua táscaire iomchuí ar líon na gcásanna laethúla reatha laistigh de chontae. Áirítear aon bhailíochtú cásanna a tharla sna laethanta roimhe seo agus réitíonn sé luaineachtaí laethúla/deireadh seachtaine i líon na gcásanna.
- Ráta minicíochta 7 lá 66
- Meán gluaiseachta 5 lá 410