Spreagann an tAire Burke daoine iad féin a chosaint ar 'fhliú agus COVID-19 i rith an gheimhridh seo
- Foilsithe: 13 Nollaig 2024
- An t-eolas is déanaí: 12 Aibreán 2025
Tá an tAire Sláinte Poiblí, Folláine agus na Straitéise Náisiúnta Drugaí, Colm Burke ag impí ar dhaoine iad féin a chosaint ar an bhfliú agus COVID-19, trí choinneáil suas lena vacsaíní, dea-chleachtas riospráide a chleachtadh agus fanacht sa bhaile nuair a bhíonn siad tinn. 'Tá vacsaíní fliú agus COVID-19 ar fáil ó dhochtúirí teaghlaigh agus cógaslanna rannpháirteacha agus tá siad ar fáil freisin d'oibrithe cúraim sláinte ag clinicí vacsaínithe in go leor áiteanna oibre.
Dúirt an tAire Colm Burke:
"Ós rud é gur féidir leat na vacsaíní 'fliú agus COVID-19' a fháil le chéile, is bealach tapa agus éasca é do dhaoine a sláinte a chosaint. Is é an bealach is fearr chun muid féin agus daoine eile a choinneáil sábháilte ná vacsaín a fháil, go háirithe na daoine is leochailí inár measc. Trí vacsaín a fháil, táimid ag cabhrú le scaipeadh an fhliú agus COVID-19 inár bpobail a chosc, agus ba cheart go laghdódh sé sin an t-ualach ar ár seirbhísí sláinte i rith an gheimhridh."
Tá leanaí idir dhá bhliain agus seacht mbliana déag incháilithe don vacsaín fliú spraeála sróine '. Is bealach sábháilte, tapa agus saor ó phian é seo chun leanaí a chosaint ar 'fhliú sa gheimhreadh. Laghdaíonn an vacsaín freisin an baol go scaipfear ionfhabhtú ó leanaí chuig daoine eile, lena n-áirítear daoine níos sine agus níos leochailí.
Beidh vacsaín in-insteallta ar fáil do ghrúpaí incháilithe eile, lena n-áirítear iad siúd atá 60 bliain d'aois agus os a chionn, daoine a bhfuil riochtaí sláinte áirithe orthu agus oibrithe cúraim sláinte.
Dúirt an tAire Burke freisin:
"Tá páistí óga go háirithe soghabhálach i leith tinneas trom de bharr an 'fhliú. Dá bhrí sin, molaim do thuismitheoirí machnamh ceart a dhéanamh maidir lena gcuid leanaí a vacsaíniú. Tugtar an vacsaín fliú do leanaí mar sprae sróine, atá tapa agus saor ó phian.
"Tá sé tábhachtach freisin tabhairt faoi dhea-chleachtas riospráide, agus leanaí a spreagadh an rud céanna a chleachtadh trí lámha a ní go rialta le gallúnach agus uisce, nó díghalrán lámh a úsáid nuair nach bhfuil gallúnach agus uisce ar fáil; casacht nó sraothartach a dhéanamh isteach in aghaidh ciarsúir pháipéir, nó d'uillinne nuair nach bhfuil rochtain agat ar chiarsúr páipéir; agus fanacht sa bhaile nuair a bhíonn tú tinn."
Tháinig ardú 67% ar líon na gcásanna den fhliú ('fliú') a fógraíodh go 277 cás i seachtain 48 (ó 166 i seachtain 47). Tá cásanna 'fliú ag an ráta is airde i measc daoine idir 1- 4 bliana d'aois, agus iad siúd atá 80+ bliain d'aois ina dhiaidh sin.
Nótaí:
Chun tuilleadh eolais a fháil maidir le céard iad na vacsaíní a mholtar duit, téigh anseo.
Téigh chuig suíomh gréasáin FSS chun liosta de chógaslanna agus dochtúirí teaghlaigh rannpháirteacha a fháil.
Is féidir leat vacsaín fliú saor in aisce a fháil má tá tú:
- 60 bliain d'aois agus os a chionn
- Idir 2 agus 17 mbliana d'aois
- Má tá tú i d’oibrí cúraim sláinte
- Má tá tú torrach
- Mar chónaitheoir i dTeach Altranais nó áis fhadchónaitheach eile;
- Má bhíonn tú taobh le muca, héanlaith nó héin uisce go rialta
- I do dhuine a bhfuil riocht sláinte air/uirthi a chuireann i mbaol níos airde thú in aghaidh an fhliú (6 mhí d'aois agus níos sine)
- I do chónaí le duine a bhfuil riocht sláinte air/uirthi a chuireann i mbaol níos airde iad in aghaidh an fhliú
- I do chúramóir do dhuine a bhfuil riocht sláinte air/uirthi a chuireann i mbaol níos airde iad in aghaidh an fhliú
Is féidir leat teanndáileog COVID-19 saor in aisce a fháil má tá tú:
- 60 bliain d'aois agus os a chionn
- Idir 18 agus 59 mbliana d'aois agus i do chónaí i saoráid cúraim fhadtéarmaigh
- 6 mhí d'aois go 59 bliain le córas imdhíonachta lag
- 6 mhí d'aois go 59 bliain d'aois le riocht sláinte a chuireann tú i mbaol mór do thinneas tromchúiseach ó COVID-19
- Má tá tú i d’oibrí cúraim sláinte
- Má tá tú torrach
Is féidir leo siúd atá 6 mhí d'aois - 59 bliain d'aois atá sláintiúil, tar éis plé a dhéanamh ar na cúiseanna atá acu lena soláthraí cúraim sláinte (m.sh., dochtúir teaghlaigh, cógaiseoir nó vacsaíneoir FSS), vacsaíniú a iarraidh.