Aip le haghaidh Gluaiseacht Chothaitheach

Is mian leis an Roinn Talmhaíochta, Bia agus Mara feirmeoirí agus a ngníomhairí a chur ar an eolas faoi eisiúint a hAip nua maidir le Gluaiseacht Cothaitheach Orgánach (Organic Nutrient Movements).

Tá aip á seoladh i gcomhthráth le hoscailt an tséasúir leata sciodair i gcodanna áirithe den tír, agus cuideoidh sí le feirmeoirí gluaiseachtaí cothaitheach orgánach idir gabháltais a dhearbhú agus/nó a fhíorú.

Is féidir an Aip a íoslódáil ón gcód QR seo a leanas ar fhón cliste nó ar ghléas táibléid:

Agus an Aip á seoladh aici, is mian leis an Roinn aitheantas a thabhairt don ionchur a fuarthas ó pháirtithe leasmhara, lena n-áirítear eagraíochtaí feirme agus an tSeirbhís Chomhairleach Feirme, a d'éascaigh forbairt na hAipe le húsáideoirí deiridh san áireamh. Cabhróidh an Aip le feirmeoirí an fráma ama nua 4 lá atá i bhfeidhm ó thús na bliana a chomhlíonadh chun onnmhairiú cothaitheach orgánach ón ngabháltas a dhearbhú.

Tá lámhleabhar úsáideora don Aip nua agus tuilleadh treorach maidir le gluaiseachtaí cothaitheach orgánacha a dhearbhú agus a fhíorú ar fáil ag: Item was unpublished or removed

Is féidir le feirmeoirí agus gníomhairí rogha a dhéanamh fós onnmhairiú a dhearbhú agus/nó allmhairiú cothaitheach orgánach a fhíorú laistigh de na frámaí ama riachtanacha, ag baint úsáid as an rannóg Nítrigine agus Fosfair dá gcuntas www.agfood.ie .

I gcásanna teoranta, gluaiseacht a bhaineann le hionadaí tréadúinéara a fuair bás, mar shampla, féadfar glacadh le Taifead páipéir 3 do ghluaiseacht cothaitheach orgánach fós, ar choinníoll go bhfuil sé críochnaithe go hiomlán agus curtha isteach laistigh de 4 lá tar éis don onnmhairithe tarlú, trí ríomhphost a chur chuig: nitrates@agriculture.gov.ie nó tríd an bpost chuig: An Rannóg Níotráití, Rannán Cháilíocht an Uisce agus Aeir, An Roinn Talmhaíochta, Bia agus Mara, Caisleán Bhaile Sheáin, Loch Garman, Y35 PN52. Is é an t-aon chruthúnas ar phostas a nglactar leis le haghaidh foirmeacha den sórt sin ná Admháil do Phost Cláraithe.

Is féidir ceisteanna a sheoladh chuig nitrates@agriculture.gov.ie nó trí ghlaoch a chur ar 053 9163425.

Meabhrúchán faoi phríomhdhátaí

Is mian leis an Roinn a mheabhrú d'fheirmeoirí freisin nach mór don onnmhaireoir gluaiseacht cothaitheach orgánach a thaifeadadh ar líne agus a fhíorú ar líne laistigh de na creataí ama seo a leanas, de réir mar is cuí:

• Ní mór don allmhaireoir gluaiseachtaí cothaitheach orgánach a tharla in 2024 a fhíorú faoi 23:59 an 14 Eanáir 2025.

• Le héifeacht ón 1 Eanáir 2025, ní mór don onnmhaireoir gluaiseachtaí cothaitheach orgánach a dhearbhú laistigh de 4 lá tar éis don ghluaiseacht tarlú.

• Ní mór gluaiseachtaí cothaitheach orgánach a dhéantar idir an 1 Eanáir agus an 30 Meitheamh 2025 a fhíorú tráth nach déanaí ná an 14 Iúil 2025.

• Ní mór gluaiseachtaí cothaitheach orgánach a dhéantar idir an 1 Iúil agus an 31 Nollaig 2025 a fhíorú tráth nach déanaí ná an 14 Eanáir 2026.

Tá an aip ar fáil le híoslódáil freisin ag: https://nitrates-exports-ui.apps.services.agriculture.gov.ie/

Níl sé ar fáil ar an siopa App mar gur cruthaíodh é ag baint úsáid as creat ar a dtugtar Aip Ghréasáin Forásach (PWA).