Deimhníonn an tAire Heydon go bhfuil tús curtha le €4.7m d’íocaíochtaí faoin Scéim Náisiúnta Leasa Mairteola Déiríochta
- Foilsithe: 21 Márta 2025
- An t-eolas is déanaí: 12 Aibreán 2025
Dhearbhaigh an tAire Talmhaíochta, Bia agus Mara, Martin Heydon TD, inniu go bhfuil tús curtha le híocaíochtaí faoin gcéad bhliain den Scéim Leasa Mairteola Déiríochta de chuid Phlean Straitéiseach CBT (CSP). Táthar tar éis íocaíochtaí, arb fhiú breis is €4.73 milliún san iomlán iad, a eisiúint do 7,612 feirmeoir rannpháirteach.
Tugtar tacaíocht d’fheirmeoirí déiríochta faoin Scéim Leasa Mairteola Déiríochta CSP chun feabhas a chur ar shláinte agus ar leas ainmhithe sa tréad náisiúnta déiríochta, trí aithreacha mairteola lena mbaineann fiúntas géiniteach níos fearr a úsáid. Is é seo an chéad bhliain den scéim mar chuid de Phlean Straitéiseach CBT agus tá íocaíochtaí á n-eisiúint le haghaidh na laonna incháilithe a rugadh ar ghabháltais an iarratasóra idir an 01 Eanáir 2024 agus an 31 Nollaig 2024.
Dúirt an tAire Heydon:
“Le buiséad €25 milliún thar ceithre bliana, is céim thábhachtach í Scéim Leasa Mairteola Déiríochta CSP i bhforbairt na hearnála déiríochta mairteola in Éirinn. Ba anuraidh an chéad bhliain den scéim agus is léir ón rath a bhí uirthi go dtí seo go n-aithníonn feirmeoirí na buntáistí atá le baint as na tréada mairteola agus déiríochta lena dtacaíonn an scéim seo a chomhtháthú níos fearr.”
Dúirt an tAire Heydon:
“Glacfar le hiarratais ó iarratasóirí nua ar Scéim Leasa Mairteola Déiríochta CSP arís i mí Aibreáin 2025, ach ní chaithfidh feirmeoirí a chuir isteach ar an Scéim in 2024 iarratas a chur isteach arís toisc go mbeidh siad rannpháirteach fós sa scéim go huathoibríoch”.
Íocfar €20 in aghaidh an lao incháilithe (suas le huasmhéid 50 lao in aghaidh an tréada) le rannpháirtithe incháilithe. Beidh na híocaíochtaí seo le feiceáil i gcuntais bhainc na bhfeirmeoirí sna laethanta amach romhainn.
Is féidir le feirmeoirí ar mian leo teagmháil a dhéanamh leis an Roinn maidir lena n-íocaíochtaí faoin Scéim Leasa Mairteola Déiríochta CSP, glaoch a chur ar an Líne Chabhrach um Íocaíochtaí Díreacha ar 057-8674422 nó ríomhphost a chur chuig dairybeef@agriculture.gov.ie
CRÍOCH
Plean Straitéiseach CBT na hÉireann
Is comhpháirtíocht é comhbheartas talmhaíochta an Aontais Eorpaigh (CBT) idir an tsochaí agus an earnáil talmhaíocht a chinntíonn soláthar seasmhach beatha, a chosnaíonn ioncam na bhfeirmeoirí, a chosnaíonn an timpeallacht agus a choinníonn ceantair thuaithe beo bríomhar. Cuireann tíortha an AE an CBT i bhfeidhm ar leibhéal náisiúnta le Plean Straitéiseach CBT saincheaptha don tréimhse 2023-2027.
Tá Plean Straitéiseach CBT á chómhaoiniú ag an Aontas Eorpach agus ag Rialtas na hÉireann 2023-2027. Chun tuilleadh eolais a fháil, téigh chuig Item was unpublished or removed
Scéim Leasa Mairteola Déiríochta CSP Miondealú ar na hÍocaíochtaí de réir Contae
| Contae | Líon na Rannpháirtithe | Glanmhéid Iomlán |
| CEATHARLACH | 65 | €43,623.60 |
| AN CABHÁN | 235 | €140,529.40 |
| AN CLÁR | 231 | €126,475.80 |
| CORCAIGH | 2056 | €1,296,308.40 |
| DÚN NA NGALL | 129 | €78,441.00 |
| BAILE ÁTHA CLIATH | 10 | €6,863.00 |
| GAILLIMH | 257 | €161,831.80 |
| CIARRAÍ | 523 | €262,462.80 |
| CILL DARA | 38 | €28,291.60 |
| CILL CHAINNIGH | 375 | €244,970.40 |
| LAOIS | 258 | €165,189.60 |
| LIATROIM | 15 | €5,577.20 |
| LUIMNEACH | 511 | €316,024.00 |
| AN LONGFORT | 95 | €54,458.80 |
| AN LÚ | 93 | €60,565.40 |
| MAIGH EO | 130 | €69,780.80 |
| AN MHÍ | 265 | €179,029.00 |
| MUINEACHÁN | 252 | €134,868.20 |
| UÍBH FHAILÍ | 217 | €131,955.00 |
| ROS COMÁIN | 64 | €37,845.60 |
| SLIGEACH | 67 | €38,810.00 |
| TIOBRAID ÁRANN | 800 | €534,823.60 |
| PORT LÁIRGE | 373 | €254,064.40 |
| AN IARMHÍ | 139 | €86,066.00 |
| LOCH GARMAN | 305 | €198,544.60 |
| CILL MHANTÁIN | 109 | €75,324.20 |
| Iomláin | 7612 | €4,732,724.20 |