Deimhníonn an tAire McConalogue go bhfuil tús curtha le €47.8m in íocaíochtaí faoin gClár um Éifeachtúlacht Carbóin Bó Diúil

Thug an tAire Talmhaíochta, Bia agus Mara, Charlie McConalogue TD, le fios inniu go bhfuil tús curtha le híocaíochtaí do bhliain scéime a dó den Chlár um Éifeachtúlacht Carbóin Bó Diúil (SCEP). Táthar tar éis tosú ag eisiúint os cionn €47.8 milliún san iomlán do thart ar 14,943 feirmeoir rannpháirteach.

Cuireann SCEP tacaíocht ar fáil d'fheirmeoirí mairteola chun inbhuanaitheacht comhshaoil an tréada mairteola náisiúnta a fheabhsú. Is é seo an dara bliain de SCEP mar chuid den CBT agus tógann sé ar an méid a baineadh amach le blianta beaga anuas tríd an gClár Sonraí Mairteola agus Géanómaíochta (BDGP), agus an Clár Éifeachtúlachta Comhshaoil Mairteola (BEEP) trí fhiúntas géiniteach thréad Bó Diúil na hÉireann a fheabhsú.

Dúirt an tAire:

Ba chóir d’fheirmeoirí a thabhairt faoi deara go bhféadfadh sé go dtógfadh sé cúig lá ar íocaíochtaí dul isteach ina gcuntais. Meabhraítear do rannpháirtithe SCEP aon doiciméadú atá fós gan réiteach a chur faoi bhráid na Roinne nó an ICBF a luaithe is féidir ionas gur féidir aon íocaíochtaí gan íoc a phróiseáil.

DEIREADH

Nótaí d’Eagarthóirí

Is comhpháirtíocht é comhbheartas talmhaíochta an Aontais Eorpaigh (CBT) idir an tsochaí agus an earnáil talmhaíocht a chinntíonn soláthar seasmhach beatha, a chosnaíonn ioncam na bhfeirmeoirí, a chosnaíonn an timpeallacht agus a choinníonn ceantair thuaithe beo bríomhar. Cuireann tíortha an AE an CBT i bhfeidhm ar leibhéal náisiúnta le Plean Straitéiseach CBT saincheaptha don tréimhse 2023-2027.

Tá an Clár um Éifeachtúlacht Carbóin Bó Diúil cómhaoinithe ag an AE agus ag an Roinn Talmhaíochta, Bia agus Mara faoi Phlean Straitéiseach CBT na hÉireann 2023-2027.

Chun tuilleadh eolais a fháil, téigh chuig Item was unpublished or removed