Fáiltíonn an tAire Heydon roimh thorthaí diúltacha tástála ó shamplaí éanlaithe i Muineachán

“Tá feirmeoirí éanlaithe clóis ar fud na tíre buartha, agus a n-ábhar acu, faoi bhagairt fhliú na n-éan. Is féidir liom a dheimhniú go bhfuil toradh diúltach ar thástáil d’fhliú na n-éan ar shamplaí a tógadh ó ealta éanlaithe i Muineachán ar an Déardaoin. Bíodh is gur ábhar mór faoisimh é seo d’fheirmeoirí éanlaithe clóis go háitiúil, agus go deimhin d’earnáil éanlaithe clóis na hÉireann ar fad, is meabhrúchán tráthúil é freisin ar an ngá atá le gach céim is féidir a ghlacadh chun ár n-éanlaith chlóis a chosaint. Ba mhaith liom buíochas a ghabháil le gach duine a bhí bainteach le freagairt chomh héifeachtach sin don eachtra seo, lena n-áirítear an feirmeoir a thuairiscigh é, an cleachtóir tréidliachta a thug fógra faoi, agus oifigigh na Roinne san Oifig Tréidliachta Réigiúnach agus sna Saotharlanna.”

“Is í an bhithshlándáil an bealach aonair is éifeachtaí chun an víreas a chosc ó leathnú ó éin fhiáine isteach in éanlaith chlóis, nó idir ealtaí éanlaithe clóis. Ní mór don té a bhfuil éanlaith chlóis nó éin ar coimeád aige réamhchúraimí dochta a thógáil agus na caighdeáin bhithshlándála is airde a chur i bhfeidhm chun do chuid ealtaí a chosaint ó bhagairt an fhliú éanúil, agus chun an earnáil éanlaithe clóis in Éirinn a chosaint.” Éilíonn an t-ordú tithíochta a thug mé isteach, a bhí i bhfeidhm ón Luan 17 Feabhra, go gcuirfí éanlaith chlóis agus éin ar coimeád taobh istigh agus cuireann sé cosc ar bhailiú éan, chun iad a chosaint.”