Seoladh scéime chun tacú le Feirmeoirí Óga Seanbhunaithe

I ndiaidh an tsuirbhé a rinneadh i mí na Bealtaine 2025, tá an scéim chun tacú le Feirmeoirí Óga Fadbhunaithe oscailte le haghaidh iarratais ar líne ar 22 Iúil 2025.

Leithdháileadh €5 mhilliún ar an Roinn i mBuiséad 2025 chun tacaíocht a chur ar fáil don ghrúpa seo. Is féidir iarratais ar líne a chur isteach go dtí 5.30i.n. ar an 13 Lúnasa 2025.

Is grúpa é na Feirmeoirí Óga Seanbhunaithe, ar a dtugtar Feirmeoirí Dearmadta go coitianta, a shainmhínítear mar fheirmeoirí óga a bhí faoi bhun 40 bliain d'aois in 2015, a thosaigh sa talmhaíocht roimh 2008, nach bhfuair Cúnamh Suiteála d'fheirmeoirí óga agus nach raibh incháilithe do thacaíochtaí d'fheirmeoirí óga faoin CBT ó 2015 mar gheall ar an dáta ar thosaigh siad sa talmhaíocht den chéad uair.

Tá tuilleadh sonraí, lena n-áirítear treoir maidir le conas an t-iarratas ar líne a chomhlánú, ar fáil ar shuíomh gréasáin na Roinne ag: Scéim chun Tacú le Feirmeoirí Óga Seanbhunaithe.