Osclaíonn Scéim Leasa Mairteola Déiríochta den Phlean Straitéiseach CBT roimh iarratasóirí nua

D’fhógair an tAire Talmhaíochta, Bia agus Mara, Martin Heydon TD, inniu athoscailt na Scéime Leasa Mairteola Déiríochta (DBWS) den Phlean Straitéisigh CBT d’iarratasóirí nua. Tá buiséad €25 milliún ag an DBWS thar cheithre bliana (2024 – 2027) agus tá sé cómhaoinithe ag an Aontas Eorpach mar chuid de Phlean Straitéiseach an Chomhbheartais Talmhaíochta.

Ag labhairt dó ar athoscailt na scéime, dúirt an tAire Heydon:

Is beart pórúcháin é an DBWS a thugann tacaíocht d’fheirmeoirí déiríochta chun sláinte agus leas ainmhithe an tréada déiríochta náisiúnta a fheabhsú trí leas a bhaint as aithreacha mairteola atá níos fearr ó thaobh na géinitice de chun laonna mairteola déiríochta a phórú. Ceanglaítear ar rannpháirtithe soip inseamhnaithe shaorga nó tairbh thréada, a bhfuil rátáil trí réalta ar a laghad acu ar an Innéacs Mairteola Déiríochta (DBI) de chuid Chónaidhm Phórú Eallaigh na hÉireann (ICBF) agus ar fho-innéacs mairteola an DBI a úsáid.

Seo an dara bliain den scéim mar chuid de Phlean Straitéiseach an Chomhbheartais Talmhaíochta agus íocaíochtaí €4.73 milliún eisithe an mhí seo caite do thart ar 7,612 feirmeoir a rinne iarratas ar bheith rannpháirteach sa scéim in 2024. Ní gá d’iarratasóirí ar an scéim in 2024 iarratas a dhéanamh arís ar an scéim mar beidh a n-iarratas á leanúint ar aghaidh go huathoibríoch go dtí 2025.

Mhaígh an tAire:

Mar fhocal scoir, chuir an tAire i gcuimhne d’fheirmeoirí: “Má rinne tú iarratas ar an Scéim Leasa Mairteola Déiríochta in 2024 ní gá duit iarratas a dhéanamh arís mar go leanfaidh do rannpháirtíocht sa scéim ar aghaidh go huathoibríoch.”

Gheobhaidh feirmeoirí a chomhlíonann riachtanais na scéime íocaíocht €20 in aghaidh an lao incháilithe suas le huasmhéid 50 lao in aghaidh an ghabháltais.

Féadfaidh iarratasóirí nua, nó an comhairleoir FAS atá údaraithe chun gníomhú ar a son, a n-iarratas a chur isteach chuig Scéim Leasa Mairteola Déiríochta an CSP ar líne trí Agfood.ie go dtí 23.59 uair an 15 Bealtaine 2025. [link broken]

DEIREADH

Is comhpháirtíocht é comhbheartas talmhaíochta an Aontais Eorpaigh (CBT) idir an tsochaí agus an earnáil talmhaíocht a chinntíonn soláthar seasmhach beatha, a chosnaíonn ioncam na bhfeirmeoirí, a chosnaíonn an timpeallacht agus a choinníonn ceantair thuaithe beo bríomhar. Cuireann tíortha an Aontais Eorpaigh an CBT i bhfeidhm ar leibhéal náisiúnta le Plean Straitéiseach CBT don tréimhse 2023-2027.

Tá an Scéim Leasa Mairteola Déiríochta tugtha isteach chun tacaíocht a thabhairt d’fheirmeoirí déiríochta chun sláinte agus leas ainmhithe an tréada náisiúnta a fheabhsú, trí aithreacha mairteola lena mbaineann fiúntas géiniteach níos fearr a úsáid. Mairfidh an scéim ar feadh ceithre bliana ó 2024 go 2027. Is í an íocaíocht ná €20 in aghaidh an lao incháilithe, suas go dtí uasmhéid de 50 lao, do gach bliain scéime ina bhfuil an t-iarratasóir ina rannpháirtí gníomhach.

Beidh rannpháirtithe gníomhacha a rinne iarratas in 2024 incháilithe le haghaidh íocaíochta do gach ceann de cheithre bliana na scéime, faoi réir téarmaí agus coinníollacha na scéime a chomhlíonadh. Beidh feirmeoirí a dhéanann iarratas ar an scéim in 2025 incháilithe le haghaidh íocaíochta do 2025, 2026 agus 2027, beidh feirmeoirí a dhéanann iarratas ar an scéim in 2026 incháilithe le haghaidh íocaíochta do 2026 agus 2027, agus beidh feirmeoirí a dhéanann iarratas in 2027 incháilithe le haghaidh íocaíochta in 2027 amháin, faoi réir téarmaí agus coinníollacha na scéime a chomhlíonadh.

Déanfar íocaíochtaí le rannpháirtithe incháilithe i mí an Mhárta tar éis dheireadh bhliain na scéime, e.g. déanfar íocaíochtaí do Bhliain na Scéime 2 (01 Eanáir 2025 go 31 Nollaig 2025) i Márta 2026 le hiarratasóirí incháilithe.