“Tá mé meáite ar áiteanna maireachtála agus oibre níos sábháilte a dhéanamh d’fheirmeacha na hÉireann. Tá sé mar thosaíocht agam leathnú ar na liúntais chaipitil luathaithe a chinntiú do raon níos leithne infheistíochtaí sábháilteachta feirme. I measc na n infheistíochtaí a bheidh incháilithe do liúntais chaipitil luathaithe tá aonaid feistithe láimhseála caorach, gabhlaigh agus cosáin eallaigh, geataí breithe laonna, tuilsoilse, monatóirí beostoic agus doirse sleamhnáin nó rollála. Cuirfidh sin tuilleadh tacaíochta ar fáil d’fheirmeoirí chun infheistíocht a dhéanamh i saoráidí agus i dtrealamh a chuidíonn ní amháin le sábháilteacht feirme a fheabhsú, ach a chuidíonn freisin le héifeachtúlachtaí ar an bhfeirm a fheabhsú. Tá fonn ollmhór ar fheirmeoirí infheistíocht a dhéanamh i sábháilteacht feirme le 30% d’iarratais faoi TAMS 3 go dtí seo déanta ar an Scéim Infheistíochta Caipitil um Shábháilteacht Feirme.”

“Tá buiséad €21.6 milliún daingnithe agam le haghaidh taighde in 2025. Tá an eolaíocht lárnach in earnáil talmhaíochta na hÉireann, agus tá sé ríthábhachtach go leanfaimid ar aghaidh ag infheistiú i dtaighde, ag forbairt na n uirlisí d’fheirmeoirí na hÉireann chun fanacht ar thús cadhnaíochta maidir le héifeachtacht agus inbhuanaitheacht.

“Tá léirithe ag taighde an acmhainn a bhaineann le breiseáin bheatha chun astaíochtaí meatáin ó bheostoc a laghdú, tá na chéad mheastóireachtaí géanómaíocha náisiúnta ar domhan maidir le hastaíochtaí meatáin in eallach mairteola na hÉireann déanta leis an taighde sin, agus tá léirithe gur féidir le báinseacha ilspeiceas riachtanais leasacháin nítrigine a laghdú. Tá an cineál sin taighde atá dírithe ar leas an phobail ina chúis le hathruithe ar chleachtas feirme anois agus tá sé ag cur le feabhsú inbhuanaitheacht thalmhaíocht agus tháirgeadh bia na hÉireann.”

“Táim bródúil as bheith in ann leanúint leis an infheistíocht seo sa taighde trí Bhuiséad 2025. Tabharfaidh na hacmhainní a leithdháileadh deis do mo Roinn gairm náisiúnta nua ar thaighde téamach a eisiúint, páirt a ghlacadh i raon tionscnamh taighde Eorpach cómhaoinithe i réimsí amhail agra-éiceolaíocht, sláinte agus leas ainmhithe, agus córais bhia inbhuanaithe, agus tacú le raon tionscnamh taighde eile, amhail an chéad chéim eile den Ionad Taighde VistaMilk atá maoinithe ag Taighde Éireann agus RTBM”.

“Tacóidh an maoiniú seo le hobair an Bhoird Bia chun cabhrú le deiseanna margaidh a fhorbairt sa bhaile agus thar lear. Tá sé ríthábhachtach go ndéanaimid infheistíocht i bhforbairt margaidh nua a luaithe a bheidh rochtain ar an margadh daingnithe. Tá táirgí agraibhia na hÉireann san iomaíocht i margadh domhanda iomaíoch agus tá sé níos tábhachtaí ná riamh ár láidreachtaí uathúla maidir le sábháilteacht, inbhuanaitheacht agus caighdeán a chur in iúl agus muid ag iarraidh luach ár n onnmhairí bia a mhéadú.”