An Beart um Bháinseach Ilspeicis

Tá sé mar aidhm ag An Beart um Bháinseach Ilspeicis feirmeoirí a spreagadh chun báinseacha ilspeicis (MSS) a chur. Faoin mbeart seo déanfar íocaíocht leis na Comharchumainn/Miondíoltóirí Talmhaíochta rannpháirteacha chun cabhrú le feirmeoirí leis an gcostas a bhaineann le meascáin shíolta ilspeicis a cheannach. Cabhróidh sé seo le bunú na mbáinseacha seo.

Tá torthaí dearfacha léirithe ag obair thaighde a rinneadh ar bháinseacha ilspeicis ar cheapacha le hionchur íseal nítrigine. D’fhéadfadh na báinseacha seo córas táirgthe atá níos neamhdhíobhálaí don chomhshaol a sholáthar a cheadódh ceapadh carbóin méadaithe agus ag an am céanna astaíochtaí ocsaíd nítriúil a laghdú, ar gás ceaptha teasa cumhachtach é.

Chun a bheith incháilithe don Bheart um Bháinseach Ilspeicis, ní mór duit:

• Iarratas ar BPS a bheith curtha isteach agat i 2021/2022

• Déan iarratas ar líne ag agfood.ie faoin spriocdháta, meán oíche an 14ú Aibreán 2022.

• Tar éis ceadú a fháil, ceannaigh an meascán Síolta Ilspeicis ainmnithe ón Miondíoltóir Talmhaíochta/Comharchumann ainmnithe faoin 31ú Lúnasa 2022.

• Ní mór an bháinseach ilspeicis a bhunú ar thailte atá dearbhaithe mar bháinseacha ilspeicis ar iarratas BPS 2022 an iarrthóra ceadaithe.

Nuair a bheidh iarrthóir faofa faoin mBeart um Bháinseach Ilspeicis déanfar íocaíocht de €50 in aghaidh an mhála 12kg de shíol ilspeicis a cheannaítear (suas go dtí an t-uasmhéid ceadaithe) leis an gComharchumann/Miondíoltóir Talmhaíochta. Ní mór é seo a bhaint as an bpraghas iomlán a ghearrfadh an miondíoltóir de ghnáth. Tá rannpháirtíocht deonach agus tá sé oscailte do gach réigiún agus fiontar talmhaíochta.

Is féidir leatsa, nó do chomhairleoir ar do shon, iarratas a dhéanamh chun páirt a ghlacadh ar agfood.ie . Ní mór iarratais a bheith faighte faoin dáta deiridh, 4ú Aibreán. Má fhaightear níos mó iarratas ná an méid síl atá ar fáil is féidir laghdú pro rata ar an méid síolta a chur i bhfeidhm.

Caithfidh tú na Téarmaí agus Coinníollacha a léamh

Dírítear d’aird ar an bhFógra Cosanta Sonraí ar láithreán gréasáin na Roinne ag Fógraí Príobháideachta um Chosaint Sonraí.