An Scéim Dreasachta Curaíochta

Is beart tacaíochta í an Scéim Dreasachta Curaíochta (TIS) d'fheirmeoirí chun an méadú ar na barra curaíochta incháilithe in 2022 a spreagadh chun an spleáchas ar ábhar beatha allmhairithe a laghdú.

Is féidir le feirmeoirí ullmhú don scéim trí na barra incháilithe - eorna, cruithneacht, coirce, seagal, ráib, arbhar Indiach, biatas - a dhearbhú ar a n-iarratas ar líne faoi Scéim na hÍocaíochta Bunúsaí 2022. Scríobhfaidh an Roinn chuig feirmeoirí incháilithe i mí an Mheithimh 2022 ag tabhairt cuireadh dóibh iarratas a dhéanamh ar an scéim.

Tá dhá phríomhriachtanas incháilitheachta ann:

• Ní mór méadú a bheith ann ar iomlán na mbarr curaíochta a bheidh á bhfás ar an ngabháltas in 2022 i gcomparáid le 2021.

• Ní mór go raibh an talamh ar a bhfástar na barra incháilithe breise don scéim seo i dtalamh féaraigh nó i gceann de na barra neamh-churaíochta eile a liostaítear thíos in 2021.

Roghnaítear sampla d'iarratasóirí scéime le haghaidh cigireachta gach bliain.

Ní mór duit coinníollacha na Scéime Dreasachta Curaíochta a chomhlíonadh.

Íocfar €400 leat le haghaidh gach heicteár incháilithe.

Táthar ag súil gcuirfear tús le híocaíochtaí i mí na Nollag 2022.

Mura gcomhlíonann tú coinníollacha uile na scéime, d'fhéadfá íocaíocht laghdaithe a fháil nó gan íocaíocht ar bith.

Caithfidh tú na téarmaí agus na coinníollacha a léamh