Scéim Scaipthe Sciodair Íseal-Astaíochtaí

Tabharfaidh an Scéim Scaipthe Sciodair Íseal-Astaíochtaí deis d'fheirmeoirí trealamh SSSÍA a cheannach ar mhaithe le sciodar a scaipeadh. Is teicneolaíocht thábhachtach d'inbhuanaitheacht na timpeallachta é SSSÍA a chabhróidh le hÉire a spriocanna aeráide a bhaint amach trí laghdú a dhéanamh ar an líon amóinia agus astaíochta Nítrigine imoibríocha a scaoiltear san ithir. Is éard atá i gceist leis an gcleachtas ná go ndéantar aisghabháil chothaitheach níos fearr ó sciodar agus go n-úsáidtear cothaitheach ar bhealach níos éifeachtaí go hindíreach, chomh maith le spleáchas ar leasacháin cheimiceacha a laghdú.

Tá an Scéim oscailte d'fheirmeoirí a bhfuil 5 heicteár de thalamh ina seilbh, nó ar cíos faoin Scéim Íocaíochta Bhunúsach (SÍB) nó an Tacaíocht Ioncaim Bhunúsach ar mhaithe le hInbhuanaitheacht (TIBI) sula ndéantar an t-iarratas TAMS 3 nó a chomhionann i mbliain an iarratais nó an bhliain roimhe, nó má tá baint acu le pórú, tógáil agus ramhrú muc agus go bhfuil 60 aonad táirgthe ar a laghad acu, i gcomhréir le Ceangail D;.

Íocfar maoiniú SSSÍA ar chaiteachas deimhnithe, críochnaithe agus incháilithe agus íoctar é ar ráta de 60% suas go dtí an uasteorainn infheistíochta a leagtar amach san alt thíos.

Is í an uasteorainn infheistíochta do mhaoiniú SSSÍA faoin Scéim ná €40,000 in aghaidh an ghabháltais. Sa chás go bhfuil comhiarratas déanta ag dhá pháirtí feirme incháilithe nó níos mó faoi chomhpháirtíocht chláraithe, méadófar an uasteorainn infheistíochta go dtí €60,000. Níl an uasteorainn infheistíochta faoin scéim seo faoi réir an uasteorainn infheistíochta TAMS 3 de €90,000 in aghaidh an ghabháltais. Is féidir cúpla iarratas a dhéanamh in aghaidh an sciara. Ach is é €2,000 in aghaidh an iarratais an t-íosmhéid infheistíochta atá cáilithe le haghaidh formheas faoin Scéim seo.”