Scéimeanna Ceannaigh ag Tionóntaí do Thionóntaí Údaráis Áitiúil

Más tionónta thú i dteach údaráis áitiúil, b’fhéidir go mbeifeá in ann do theach a cheannach ón údarás áitiúil ar ráta lascainithe faoi réir critéir na scéime sin a chomhlíonadh.

Tá 3 scéim ann faoi láthair a chabhróidh leat é sin a dhéanamh. Is iad seo:

• Scéim Ceannaigh Incriminteach ag Tionóntaí do thithe údaráis áitiúil atá ann cheana, 2016
• Scéim Ceannaigh Incriminteach ag Tionóntaí do thithe nuathógtha, 2010
• Scéim Ceannaigh Árasán ag Tionóntaí, 2012

Má tá tú i do thionónta údaráis áitiúil a chónaíonn i dteach údaráis áitiúil atá san áireamh sa scéim is féidir leat iarratas a dhéanamh chun an teach a cheannach.

Is féidir eolas níos sainiúla maidir leis an scéim seo a fháil ag an nasc seo: Scéim Ceannaigh Incriminteach ag Tionóntaí do thithe údaráis áitiúil atá ann cheana

Tá an scéim seo oscailte do thionóntaí agus do theaghlaigh atá ann cheana agus a ndearna an t-údarás tithíochta measúnú orthu mar thionóntaí atá incháilithe agus a bhfuil gá acu le tacaíocht tithíochta sóisialta. Déanann an t-údarás áitiúil cinneadh ar na tithe atá le cur san áireamh faoin scéim. Seans nach mbeidh iontu ach tithe nuathógtha.

Is féidir tuilleadh eolais faoin scéim seo a fháil ag an nasc seo: Scéim Ceannaigh Incriminteach ag Tionóntaí do thithe nuathógtha

Ligeann an scéim seo do thionóntaí árasán i gcoimpléisc údaráis áitiúil atá ainmnithe ag an gcomhairle lena gceannach ag tionóntaí a gcóiríocht a cheannach ar lascaine. Beidh gá le struchtúr úinéireachta a mbeidh cuideachta bainistíochta a bhfuil gach úinéir árasáin ina bhall di mar chuid de.

Is féidir tuilleadh eolais faoin scéim seo a fháil ag an nasc seo: Scéim Ceannaigh Árasán ag Tionóntaí (TPAS)