Comhairliúchán Poiblí ar an 4ú ceann de Phlean Náisiúnta Gníomhaíochta Bithéagsúlachta (PNGB) na hÉireann

Tá an ceathrú ceann de Phlean Náisiúnta Gníomhaíochta Bithéagsúlachta (PNGB) na hÉireann á fhorbairt ó mhí Dheireadh Fómhair 2021. Leagfar amach sa phlean an clár oibre náisiúnta bithéagsúlachta don tréimhse 2023-2027 agus is é is aidhm leis an bplean na hathruithe claochlaitheacha atá de dhíth a chur ar fáil do na bealaí ina bhfuil meas againn ar an dúlra agus ina gcosnaíonn muid an dúlra.

Tá rannpháirtíocht na bpáirtithe leasmhara mar chuid lárnach den dréacht seo den cheathrú ceann de Phlean Náisiúnta Gníomhaíochta Bithéagsúlachta na hÉireann a fhorbairt. Is mar gheall ar an rannpháirtíocht fhorleathan le páirtithe leasmhara, chomh maith le comhairliúchán leis an bpobal i gcoitinne a neartófar na gníomhartha atá molta agus a chuideofar le cur chuige ‘uile-Rialtais’, ‘uile-shochaí’ i leith na géarchéime bithéagsúlachta a chinntiú. Tá tacaíocht agus ceannach isteach ó na príomhpháirtithe leasmhara agus ón bpobal i gcoitinne ríthábhachtach chun an Plean a chur i bhfeidhm go sásúil.

Tá próiseas rannpháirtíochta na bpáirtithe leasmhara do Dhréacht an PNGB leagtha amach chun trí chéim éagsúla a thabhairt isteach, agus dírítear i ngach ceann ar ghrúpa difriúil na bpáirtithe leasmhara. Go dtí seo, tá dhá cheann de na trí chéim sin curtha i gcrích. Is éard atá i gceist leis an tríú céim atá ann faoi láthair de rannpháirtíocht na bpáirtithe leasmhara ná an comhairliúchán poiblí seo.

Ba mhaith linn cuireadh a thabhairt do pháirtithe leasmhara (e.g. daoine aonair, grúpaí nó eagraíochtaí) tuairimí a thabhairt agus aighneachtaí a dhéanamh ar an 4ú Plean Náisiúnta Gníomhaíochta Bithéagsúlachta. Tá trí bhealach ann páirt a ghlacadh:

1. Comhlíon an suirbhé ar líne trí chliceáil anseo.

Tá an suirbhé á óstáil ag EUSurvey, ardán suirbhé arna thacú ag an gCoimisiún Eorpach. Úsáid na brabhsálaithe Chrome/Edge/Safari/Firefox chun an suirbhé ar líne a chomhlíonadh. Ní gá duit gach ceist sa suirbhé a fhreagairt. Sa chás go bhfuil réimse spéise ar leith agat, is féidir leat freagra a thabhairt ar an ábhar sin amháin.

2. Seol aon tuairim ar ríomhphost chuig: NBAPConsultation@housing.gov.ie

3. Seol aon tuairim ar an bpost chuig:

An ceathrú Plean Comhairliúcháin Náisiúnta Gníomhaíochta Bithéagsúlachta,

Beartas Bithéagsúlachta,

An tSeirbhís Páirceanna Náisiúnta agus Fiadhúlra

An Roinn Tithíochta, Rialtais Áitiúil agus Oidhreachta

90 Sráid an Rí Thuaidh

Baile Átha Cliath 7 D07 N7CV.

Is é an 9 Samhain an dáta deiridh a nglacfar le hiarratais.

Cuirfear eolas ar fáil don 4ú ceann de Phlean Náisiúnta Gníomhaíochta Bithéagsúlachta na hÉireann leis an eolas a chuir na freagróirí ar fáil.

Tabhair ar aird le do thoil go bhféadfar aighneachtaí a gheofar a chur ar fáil (gan faisnéis phearsanta san áireamh) ar láithreán gréasáin na Roinne agus is féidir sin a roinnt de réir mar atá leagtha amach sa Ráiteas Príobháideachais. In aon chás, beidh gach aighneacht a fuarthas faoi réir fhorálacha an Achta um Shaoráil Faisnéise agus na reachtaíochta Cosanta Sonraí.

Tá gach aighneacht agus tuairim a cuireadh ar aghaidh chuig an Roinn don chuspóir sin faoi réir eisiúint faoin Acht um Shaoráil Faisnéise, 2014 agus Rialacháin na gComhphobal Eorpach (Rochtain ar Fhaisnéis faoin gComhshaol), 2007-2014. Tá aighneachtaí faoi réir na reachtaíochta Cosanta Sonraí freisin. Níor chóir faisnéis phearsanta, faoi rún nó atá íogair ó thaobh tráchtála a áireamh i d’aighneacht agus glacfar leis gur féidir an fhaisnéis go léir atá tugtha agat i d’aighneacht a scaoileadh faoin Acht um Shaoráil Faisnéis, 2014. Breathnaigh freisin ar an Ráiteas Príobháideachais.

Plean Gníomhaíochta Náisiúnta na hÉireann um Bithéagsúlacht 2023–2030