Comhairliúchán Poiblí ar Ráiteas Tionchair Natura agus Measúnacht Straitéiseach Timpeallachta do Chúigiú Dhréacht-Chlár Gníomhaíochta na hÉireann um Níotráití
-
Ó: An Roinn Tithíochta, Rialtais Áitúil agus Oidhreachta; An Roinn Talmhaíochta, Bia agus Mara
- Foilsithe: 14 Nollaig 2021
- oscailte le haghaidh aighneachtaí ó: 14 Nollaig 2021
- Dúnadh na haighneachtaí: 26 Eanáir 2022
- An t-eolas is déanaí: 9 Meitheamh 2022
Consultation is closed
Tugann an tAire Tithíochta, Rialtais Áitiúil agus Oidhreachta, Darragh O’Brien, TD, cuireadh d’aighneachtaí, barúlacha agus tráchtanna ar Ráiteas Tionchair Natura (NIS) agus ar Mheasúnacht Straitéiseach Timpeallachta (SEA) do Chúigiú Dhréacht-Chlár Gníomhaíochta na hÉireann um Níotráití.
Tugtar éifeacht le Clár Gníomhaíochta Níotráití na hÉireann ón Rialacháin na gComhphobal Eorpach (Dea-Chleachtas Talmhaíochta chun Uiscí a Chosaint) 2017 (I.R Uimh. 605 de 2017), arna leasú. Tá bearta sonracha sna rialacháin chun uiscí dromchla agus screamhuisce a chosaint ó thruailliú cothaitheach a eascraíonn as foinsí talmhaíochta. Forbraíodh an Dréacht-Chlár Gníomhaíochta um Níotráití tar éis comhairliúcháin phoiblí tosaigh a tionóladh go déanach in 2020 agus dara tréimhse comhairliúcháin a tháinig chun críche i mí Mheán Fómhair 2021.
Cén fáth a bhfuil comhairliúchán poiblí á sheoladh againn?
Ullmhaíodh an NIS seo chun bonn eolais a chur faoin bpróiseas um Measúnú Cuí (AA) a éilítear faoin Treoir um Ghnáthóga agus faoi Rialacháin na gComhphobal Eorpach (Éin agus Gnáthóga Nádúrtha) 2011. Is é cuspóir foriomlán an phróisis AA a chinntiú nach mbeidh aon éifeachtaí díobhálacha ar shláine aon láithreán Eorpach mar thoradh ar an NAP i bhfianaise a chuspóirí caomhnaithe agus chun mionsonraí a thabhairt ar bhearta maolaithe atá beartaithe chun éifeachtaí dóchúla ar Láithreán Eorpach nó éifeachtaí díobhálacha ar shláine Láithreáin Eorpaigh a sheachaint, a laghdú nó a dhíchur.
Is é aidhm na Tuarascála SEA seo ná bonn eolais a thabhairt d’fhorbairt an NAP, cur síos agus meastóireacht a dhéanamh ar na héifeachtaí suntasacha dóchúla a bhaineann le cur chun feidhme an NAP agus a roghanna malartacha réasúnta, agus iad seo a shainaithint; agus deis a thabhairt do na húdaráis reachtúla agus don phobal tuairimí a thabhairt ar aon ghné trí chomhairliúchán.
Bhí na próisis NIS agus SEA atriallach, agus leanann siad orthu de bheith atriallach, agus rannchuidíonn siad leis an NAP deiridh a neartú trí chúinsí comhshaoil níos leithne a chomhtháthú go hiomlán sa chlár.
Conas a bheith páirteach
Tá an Roinn ag tabhairt cuireadh d'aon pháirtithe leasmhara aighneachtaí a dhéanamh chun cuidiú leis an bpróiseas reachtach a threorú.
Más mian leat a bheith páirteach, seol do chuid tuairimí nó barúlacha trí ríomhphost faoin 26 Eanáir 2022 maidir le:
- Measúnacht Straitéiseach Timpeallachta chuig wau@housing.gov.ie
- Ráiteas Tionchair Natura chuig eau@housing.gov.ie
Chun cabhrú leat, is féidir teacht ar dhoiciméid ábhartha trí chliceáil ar an nasc thíos dar teideal 'Cáipéisí'. Ina measc seo tá an páipéar comhairliúcháin agus naisc le doiciméid agus reachtaíocht ghaolmhar.
Cáipéisí
Téarmaí agus Coinníollacha
Tá gach aighneacht agus tuairimí faoi bhráid na Roinne chun na críche seo faoi réir ag scaoileadh faoin Acht um Shaoráil Faisnéise (AFS) 2014 na gComhphobal Eorpach (Rochtain ar fhaisnéis maidir leis an gcomhshaol) 2007 go 2014. Tá aighneachtaí faoi réir na reachtaíochta um Chosaint Sonraí freisin.
Níor chóir faisnéis phearsanta, rúnda nó tráchtála íogair a chur san áireamh i d'aighneacht agus glacfar leis go bhfuil an fhaisnéis go léir atá in d'aighneacht inmharthana faoin Acht um Shaoráil Faisnéise 2014.
Cad a dhéanfaimid le do fhreagra
Úsáidfear an fhaisnéis a sholáthraíonn freagróirí chun na bearta a bheachtú sa chúigiú Chlár Gníomhaíochta Níotráití d'Éirinn.
Tabhair faoi deara le do thoil go bhféadfar aighneachtaí a fuarthas a chur ar fáil ar shuíomh gréasáin na Roinne, mura n-iarrtar a mhalairt. Ar aon nós, beidh gach aighneacht a fuarthas faoi réir fhorálacha an Achta um Shaoráil Faisnéise agus na reachtaíochta um Chosaint Sonraí. Féach freisin an Ráiteas Príobháideachais faoin nasc cáipéisí thuas.