Comhairliúchán Poiblí maidir le hAthbhreithniú ar Fhorbairt Dhíolmhaithe

Tá ár ndíolúintí pleanála reatha i bhfeidhm le breis agus 20 bliain anuas, agus rinneadh roinnt leasuithe orthu le linn na tréimhse sin.

Athraíodh agus forbraíodh an tsochaí le fiche bliain anuas, agus athruithe suntasacha tagtha ar an gcaoi a mairimid, a n-oibrímid agus a gcaithimid ár gcuid ama mar dhaoine aonair, mar theaghlaigh agus mar phobail.

Tá méadú tagtha ar dhigitiú na sochaí, ar fhás daonra agus ar an ngá atá le bonneagar a sholáthar chun freastal ar riachtanais reatha agus riachtanais amach anseo freisin.

Mar thoradh ar na hathruithe seo, tá sé in am machnamh a dhéanamh ar a bhfuil díolmhaithe againn ó phleanáil faoi láthair agus measúnú a dhéanamh ar cé acu an bhfuil sé oiriúnach don fheidhm nó nach bhfuil agus an bhféadfaí é a fheabhsú.

Molaimid d’aon duine a bhfuil suim acu aighneacht a dhéanamh chun eolas a chur ar fáil dár mbeartas agus dár gcur chuige maidir le cad a mheastar a bheith ina fhorbairt atá díolmhaithe ó chead pleanála.

Is é an spriocdháta le haghaidh aighneachta ná 26 Lúnasa 2025.

Tabhair faoi deara nach gcuirfear aon aighneachtaí a fhaightear tar éis an dáta seo san áireamh.

[https://consult.housing.gov.ie/]

Exempted Development 2001 regulations - Schedule 2
Appendix 1-Proposed changes to exempt development regulations

Exempted Development Public Consultation Privacy Statement

introduction of new classes [Download PDF]

Tá na haighneachtaí agus na tráchtanna uile a gcuirtear faoi bhráid na Roinne chun na críche sin faoi réir scaoilte faoin Acht um Shaoráil Faisnéise (SF), 2014 agus faoi Rialacháin na gComhphobal Eorpach (Rochtain ar Fhaisnéis maidir leis an gComhshaol) 2007-2014. Tá aighneachtaí faoi réir na reachtaíochta um Chosaint Sonraí freisin.

Níor chóir eolas pearsanta, rúnda nó rúnda ó thaobh na tráchtála de a chur san áireamh i d'aighneacht agus glacfar leis go bhfuil tú sásta an t-eolas go léir atá i d'aighneacht a scaoileadh faoin Acht um Shaoráil Faisnéise, 2014.

Tá ráiteas príobháideachta a bhaineann le haon sonraí pearsanta a d’fhéadfaí a sholáthar ar fáil le híoslódáil faoin gceannteideal Doiciméid.

Déanfar d’aiseolas a thaifeadadh, a chomhordú, a anailísiú agus a mheas chun athruithe cuí ar an Rialacháin um Fhorbairt Dhíolmhaithe. a chinneadh. Tabhair faoi deara le do thoil go bhféadfadh an Roinn Tithíochta, Rialtais Áitiúil agus Oidhreachta achoimre ar thorthaí an tsuirbhé a fhoilsiú agus sonraí gan ainm a fhoilsiú ó na freagraí a fuarthas.

Tabhair faoi deara, le do thoil, go bhféadfaí aighneachtaí a fuarthas a chur ar fáil (gan faisnéis phearsanta) ar shuíomh gréasáin na Roinne, agus féadfaidh iad a roinnt, mura n-iarrtar a mhalairt. Ar aon chuma, beidh gach aighneacht a gheofar faoi réir fhorálacha an Achta um Shaoráil Faisnéise agus reachtaíocht maidir le Cosaint Sonraí.