An Rannán Pleanála

Tá sé de chúram ar an Rannán Pleanála a chinntiú go bhfuil an creat straitéiseach beartais agus pleanála reachtaíochta i bhfeidhm chun fás eacnamaíoch inbhuanaithe agus forbairt réigiúnach chothrom a chur chun cinn (mar shampla: trí Thionscadal Éireann 2040 agus an Creat Pleanála Náisiúnta (NPF) a chur i bhfeidhm) agus córas pleanála trédhearcach láidir a chothabháil, agus treoir agus acmhainní beartais iomchuí a sholáthar d’údaráis phleanála agus don Bhord Pleanála chun a bhfeidhmeanna agus a riachtanais reachtúla agus a bhfeidhmeanna nua a bhaineann le hOifig an Rialtóra Pleanála (OPR) a sheachadadh.

Is éard atá i gceist leis seo idirghníomhaíocht ar Straitéisí Réigiúnacha Spásúla agus Eacnamaíocha (RSES), beartas athghiniúna uirbí lena n-áirítear an Ciste Athghiniúna agus Forbartha Uirbí agus beartas bainistíochta talún, lena n-áirítear an Ghníomhaireacht Forbartha Talún.

Tá an rannán freagrach freisin as pleanáil mhuirí, trí chéad Phlean Spásúil Mara na hÉireann a fhorbairt agus trí fhorbairt agus gníomhaíocht a rialáil ar an imeall trá a shíneann feadh níos mó ná 3000 km de líne chladaigh ón líne bairr láin go 12 mhuirmhíle (22km) de réir fhorálacha an Achta Imeall Trágh 1933, arna leasú.