Páirceanna Náisiúnta agus Fiadhúlra

Tá an tSeirbhís Páirceanna Náisiúnta agus Fiadhúlra (NPWS) comhtháite go hiomlán i Rannán Oidhreachta na Roinne agus tá sí freagrach as oidhreacht nádúrtha agus bithéagsúlacht na hÉireann a chosaint agus a chaomhnú ar leibhéal an rialtais náisiúnta. I measc fhreagrachtaí an NPWS tá:

• gnáthóga agus speicis a chosaint trí láithreáin a ainmniú mar Cheantair Speisialta Chaomhnaithe (SAC), Limistéir Faoi Chosaint Speisialta (SPA) agus Limistéir Oidhreachta Nádúrtha (NHA). Cur chun cinn gníomhaíochtaí a mheastar a bheith tairbheach dá gcaomhnú agus dá n-athchóiriú
• córas ceadúnaithe a riar chun gníomhaíochtaí a mbíonn tionchar acu ar ghnáthóga nó speicis in Éirinn a rialáil agus a rialú
• feasacht a ardú faoinár n-oidhreacht nádúrtha trí oideachas agus scaipeadh faisnéise. I measc na samplaí tá an Feachtas Dúil sa Dúlra agus Ionaid Oideachais agus Cuairteoirí NPWS atá lonnaithe ag roinnt suíomhanna cosanta timpeall na tíre
• fardal cuimsitheach speiceas agus gnáthóg in Éirinn a chruthú agus a chothabháil
• tabhairt faoi shuirbhéanna agus taighde eolaíoch, agus sonraí monatóireachta a thiomsú, chun cabhrú le sainchomhairle a sholáthar maidir le beartas poiblí, ainmniúcháin, agus chun gnáthóga agus speicis fiadhúlra a chosaint agus a bhainistiú.
• Plean Bithéagsúlachta Náisiúnta na hÉireann a chur i bhfeidhm
• Reachtaíocht maidir le Caomhnú an Dúlra a chur i bhfeidhm agus coinbhinsiúin agus comhaontuithe idirnáisiúnta a bhaineann leis an oidhreacht nádúrtha a dhaingniú agus a chur i bhfeidhm
• machnamh agus comhairle a thabhairt ar thograí forbartha a bhféadfadh tionchar a bheith acu ar chaomhnú an dúlra
• Páirceanna Náisiúnta agus Dúlra na hÉireann a bhainistiú, a chothabháil agus a fhorbairt
• tacú leis an gComhairle Tailte Móna atá faoi chathaoirleacht neamhspleách

Tá tuilleadh sonraí agus faisnéis faoi na feidhmeanna thuas, mar aon le tionscadail taighde reatha, foilseacháin eolaíochta, reachtaíocht, comhairliúcháin phoiblí agus fógraí ar fáil ar láithreán gréasáin tiomnaithe NPWS . Is féidir teagmháil a dhéanamh linn freisin trí ríomhphost ag natureconservation@housing.gov.ie nó ar an teileafón (sonraí teagmhála sa nasc thíos).

Déan teagmháil le NPWS.

Tá an tSeirbhís Páirceanna Náisiúnta agus Fiadhúlra (NPWS) ag leanúint na comhairle sláinte poiblí ar fad ón Rialtas maidir le Covid-19, agus tá raon beart curtha i bhfeidhm aici chun baill foirne a chosaint agus chun scaipeadh an víris a chosc.

Tá ár gcuid oibre oibríochta riachtanach ag leanúint ar aghaidh. Áirítear leis seo ár bpáirceanna náisiúnta agus ár n-anaclanna dúlra a choinneáil oscailte le haghaidh rochtana áitiúla do choisithe. Ba chóir a thabhairt ar aird, cé go bhfuil na suíomhanna inrochtana, go bhfuil carrchlóis agus gach saoráid ag na suíomhanna dúnta. Leanaimid orainn ag soláthar ceadúnú fiadhúlra agus CITES agus seirbhísí eile dár gcustaiméirí ar fud na tíre. Leanaimid orainn ag soláthar comhairle inár ról mar chomhairlitheoir reachtúil maidir le pleanáil agus forbairt agus maidir le hatreoruithe ó údaráis toilithe eile (faoi reachtaíocht éagsúil) agus le híocaíochtaí bliantúla 2020 a dhéanamh faoin Scéim Cúitimh maidir le Baint Móna a Scor. Ina theannta sin, inár gcáil mar údarás inniúil sa Stát do roinnt coinbhinsiún agus comhaontuithe idirnáisiúnta tábhachtacha don dúlra, leanaimid orainn ag freastal orthu seo agus rannpháirtíocht na hÉireann a chothabháil sna hiarrachtaí chun stop a chur le caillteanas bithéagsúlachta ar fud an domhain.

De réir mar a leanann bearta Covid-19 ar aghaidh sna seachtainí amach romhainn, déanfaimid athbhreithniú ar ghníomhaíochtaí oibríochta, agus ar chomhairle dár bhfoireann agus don phobal, i bhfianaise aon chomhairle nua sláinte poiblí ón Rialtas. Cuirfimid faisnéis nuashonraithe ar fáil anseo.

Tá an chuid is mó dár bhfoireann ag obair go cianda anois. Is féidir teagmháil a dhéanamh leis an bhfoireann trí ríomhphost. Toisc nach bhfuil rochtain ag baill foirne ar a bhfón oifige nó ar a nglórphost molaimid go ndéanfaí teagmháil ar an gcéad dul síos trí r-phost go fóill.

Leanann cruinnithe agus caidreamh lenár gcustaiméirí ach, de réir na dtreoirlínte reatha, tá siad seo á reáchtáil anois trí r-phost, teileafón agus glao agus físchomhdháil.

Tá ár n-oifigí poiblí agus ár n-ionaid chuairteoirí dúnta go sealadach do chuairteoirí. Ná glaoigh ar ár n-oifigí ag an am seo. Is féidir comhfhreagras i scríbhinn a sheoladh chuig ár n-oifigí ach d’fhéadfadh go mbeadh moill ar amanna freagartha. Molaimid, nuair is féidir, ceisteanna nó comhfhreagras a sheoladh chugainn go leictreonach faoi láthair.

• ba chóir ceisteanna ginearálta a sheoladh chuig natureconservation@housing.gov.ie
• ba chóir ceisteanna a bhaineann le ceadúnú fiadhúlra a sheoladh chuig wildlifelicence@housing.gov.ie
• ba chóir ceisteanna a bhaineann leis an Scéim Cúitimh maidir le Baint Móna a Scor, lena n-áirítear athlonnú, a sheoladh chuig designatedbogs@housing.gov.ie
• ba chóir ceisteanna a bhaineann le hathchóiriú portaigh ardaithe a sheoladh chuig peatlandsmanagement@housing.gov.ie
• ba chóir ceisteanna a bhaineann le haimniú láithreán a sheoladh chuig natureconservation@housing.gov.ie
• ba chóir ceisteanna a bhaineann go sonrach le hábhair eolaíochta agus bithéagsúlachta (lena n-áirítear saincheisteanna a bhaineann leis an bPlean Náisiúnta Bithéagsúlachta, feasacht ar bhithéagsúlacht agus Rialacháin an AE maidir le speicis choimhthíocha ionracha, trádáil i speicis atá i mbaol nó Prótacal Nagoya) a sheoladh chuig biodiversitypolicy@housing.gov.ie
• ba chóir ceisteanna a bhaineann le CITES a sheoladh chuig cites@housing.gov.ie
• ba chóir ceisteanna a bhaineann le ceadúnú agus cigireachtaí zú a sheoladh chuig zoos@housing.gov.ie
• ba chóir ceisteanna maidir le hiarratais ar fhorbairt a bhféadfadh tionchar a bheith acu ar oidhreacht thógtha agus nádúrtha a sheoladh chuig Manager.DAU@npws.gov.ie

Cuireadh cuairteanna ar láithreáin agus obair allamuigh a dhéanann ár bhfoireann ar fionraí go sealadach i bhfianaise chomhairle an Rialtais.

Fuair an Roinn líon mór glaonna teileafóin ó iarratasóirí a bhí ag fiosrú faoina n-iarratais ar seilg fianna. Tá NPWS ag próiseáil iarratas seilge fianna faoi láthair agus eiseofar ceadúnais d’iarratasóirí sna seachtainí amach romhainn. D’fhéadfadh go mbeadh roinnt moilleanna ann maidir le ceadúnais a eisiúint i bhfianaise na socruithe oibre reatha mar gheall ar Covid-19 ach rinne NPWS iarracht an oiread ceadúnas agus is féidir a eisiúint roimh thús an tséasúir seilge fianna. Is féidir leat ríomhphost a bhaineann le d'iarratas a sheoladh freisin chuig an Aonad um Cheadúnú Fiadhúlra ag wildlifelicence@housing.gov.ie Is mór againn do chuid foighne san ábhar seo.

Is cuid dhílis d'ailtireacht an Stáit maidir le coireacht a chosc, a imscrúdú agus a ionchúiseamh baill foirne na Seirbhíse Páirceanna Náisiúnta agus Fiadhúlra. Is oifigigh údaraithe iad faoi na hAchtanna Fiadhúlra agus faoi Rialacháin na gComhphobal Eorpach (Éin agus Gnáthóga Nádúrtha) 2011, a bhfuil sé de chúram orthu gnáthóga, speicis agus fiadhúlra atá i mbaol a chosaint i gcoitinne, agus imscrúdú a dhéanamh ar choireacht fiadhúlra amhrasta. I gcomhthéacs shrianta Covid-19, aithnítear foireann NPWS mar oibrithe riachtanacha agus níl siad teoranta do dhualgais faoi dhíon. Is oifigigh údaraithe iad an Garda Síochána freisin faoi na hAchtanna um Fhiadhúlra agus faoi Rialacháin 2011 agus tá foireann NPWS i dteagmháil leo maidir le coireacht fiadhúlra de réir mar is cuí.

Tá ár bPáirceanna Náisiúnta agus ár nAnaclanna Dúlra fós oscailte le haghaidh rochtana áitiúla do choisithe, ach tá carrchlóis, ionaid chuairteoirí, pointí faisnéise agus áiseanna eile dúnta go sealadach. Molaimid duit leanúint de taitneamh a bhaint as na hacmhainní lasmuigh seo ach molaimid duit cloí le treoirlínte reatha an rialtais a bhaineann le taisteal agus scaradh sóisialta.

Meabhraímid duit an tábhacht a bhaineann le cloí le comhairle reatha sláinte poiblí, go háirithe maidir le scaradh fisiceach i gcónaí. Cinntigh le do thoil go gcoinníonn tú achar 2 mhéadar idir tú féin agus daoine eile i gcónaí. Agus cuimhnigh nár chóir go mbeadh níos mó ná ceathrar i ngrúpa ag am ar bith mura bhfuil gach ball den ghrúpa ón teaghlach céanna.