Eile eolas

Ar De hAoine, 08 Samhain 2024, shínigh an tAire Tithíochta, Rialtais Áitiúil agus Oidhreachta, Darragh O’Brien TD, an tOrdú maidir leis an Lá Vótaíochta i leith an Olltoghcháin a reáchtálfar ar De hAoine, 29 Samhain 2024. Is féidir an preasráiteas a léamh.

Ar an Aoine an 29 Samhain 2024, toghfaidh na toghthóirí 173 Teachta Dála chuig an 34ú Dáil. Meastar an Ceann Comhairle a bheith tofa gan aon toghchán. Reáchtálfar vótáil in 43 dáilcheantar.

Léigh tuilleadh eolais faoin gcaoi a dtoghtar an Dáil.

Páipéar Ballóide Samplach - Olltoghchán 2024

Léarscáileanna Dáilcheantar na Dála 2024

Féach anseo le haghaidh sonraí teagmhála faoi ionad comhairimh an Olltoghcháin.

Is féidir póstaeir a chur suas ón dáta ar síníodh an tOrdú maidir leis an Lá Vótaíochta. Ní mór póstaeir a bhaint anuas taobh istigh de 7 lá ón lá Vótaíochta.

Le hAlt 140 den Acht Toghcháin, 1992, leagtar síos nach foláir ainm agus seoladh chlódóir agus fhoilsitheoir gach fógra, bille nó póstaeir, nó gach doiciméid dá shamhail, a bhaineann le toghchán Dála nó a dháiltear d’fhonn iarrthóireacht aon iarrthóra i dtoghchán Dála a chur chun cinn a bheith ar éadan na nithe sin.

Déantar vótaí a chaitheamh trí rúnbhallóid ag baint úsáid as an gcóras PR-STV (ionadaíocht chionmhar ar mhodh aonvóta inaistrithe) i dtoghchán Dála. Le PR-STV, ligtear do thoghthóirí a gcéad rogha agus na roghanna ina dhiaidh sin maidir le hiarrthóirí a chur in iúl ar an bpáipéar ballóide.

Is féidir teacht ar thuilleadh eolais maidir leis an PR-STV anseo.

Ní mór caiteachas toghcháin a thabhaíonn iarrthóir i dtoghchán Dála a bheith faoi bhun na dteorainneacha seo a leanas:

• €38,900 i ndáilcheantar 3 shuíochán
• €48,600 i ndáilcheantar 4 shuíochán
• €58,350 i ndáilcheantar 5 shuíochán

Tuilleadh eolais faoi theorainneacha caiteachais agus faoin méid aisíocaíochta d’iarrthóirí Dála

Ar an 15 Samhain, 2024, rinne an tAire Tithíochta, Rialtais Áitiúil agus Oidhreachta, Darragh O’Brien TD, Ordú ina gceaptar na huaireanta a mbeidh an vótaíocht ar siúl lena linn ar oileáin áirithe san olltoghchán ar an 29 Samhain2024.

Item was unpublished or removed

Baineann an dlí maidir le Teachtaí Dála a thoghadh agus le clár na dtoghthóirí leis na hAchtanna seo a leanas:

• Airteagal 16 de Bhunreacht na hÉireann
• An tAcht Toghcháin, 1992, arna leasú
• An tAcht Toghcháin, 1997, arna leasú
• An tAcht Toghcháin (Leasú),2023
• An tAcht um Thoghchán, Rialtas Áitiúil agus Pleanáil agus Forbairt, 2013
• An tAcht um Athchóiriú Toghcháin, 2022

Is féidir breathnú ar na foilseacháin sin ar http://www.irishstatutebook.ie/

More information on spending limits and reimbursement amount for Dáil candidates