Faireachas ar an Margadh maidir le Táirgí Foirgníochta

Cé gur tháinig an Rialachán maidir le Táirgí Foirgníochta i bhfeidhm ar an 1 Iúil 2013, agus go bhfuil cur i bhfeidhm dlíthiúil díreach aige ar fud an Aontais Eorpaigh ar fad ó shin i leith, bíonn gach Ballstát freagrach as a chuid gníomhaíochtaí faireachais féin ar an margadh a rialáil i gcomhréir le ceanglais ar leith an RTF agus leis na ceanglais uileghabhálacha níos leithne i gCaibidil III de Rialachán (AE) Uimh. 765/2008 Pharlaimint na hEorpa agus na Comhairle ar an 9 Iúil 2008 a leagann amach na ceanglais do chreidiúnú agus faireachán margaidh maidir le margaíocht táirgí agus lena n-aisghairtear Rialachán (CEE) Uimh 339/9.

Tar éis don Ríocht Aontaithe tarraingt siar as Acht an Aontais Eorpaigh (Forálacha Iarmartacha) Acht 2020 (Táirgí Foirgníochta - Faireachas Margaidh) Rialachán 2020 (I.R. 682/2020), ceapadh Comhairle Cathrach Bhaile Átha Cliath ina húdarás inniúil chun gníomhaíochtaí faireachán margaidh a dhéanamh faoi Rialacháin 2013 (I.R. Uimh.225 de 2013) an Aontais Eorpaigh (Táirgí Foirgníochta) ar gach táirge foirgníochta (faoi raon feidhme an RTF) sa Stát.

Is í Comhairle Cathrach Bhaile Átha Cliath-Oifig Náisiúnta um Rialú Foirgníochta (CCBÁC-ONRF), an tAonad um Fhaireachas Margaidh a dhéanann monatóireacht ar na ceanglais reachtúla, agus a chuireann i bhfeidhm iad, mar a leagtar amach faoi Rialacháin 2013 agus Rialachán (AE) Uimh. 305/2011 an Aontais Eorpaigh (Táirgí Foirgníochta) ar fud na tíre.

Is féidir teagmháil a dhéanamh le CCBÁC-ONRF ag: support@nbco.gov.ie

Déantar foráil le Rialacháin 2013 (I.R. 225 de 2013) an Aontais Eorpaigh (Táirgí Foirgníochta) maidir le:

• faireachán margaidh ar tháirgí foirgníochta ag féachaint do cheanglais an RTF agus do Rialachán (AE) Uimh. 765/2008
• bunú údarás um rialú foirgníochta mar na húdaráis faireachais ar an margadh do tháirgí foirgníochta. Ceapadh oifigigh údaraithe chomh maith i ngach ceann de na 31 údarás áitiúil um rialú foirgníochta chun na ceanglais reachtúla, mar a leagtar amach faoi Rialacháin 2013 agus Rialachán (AE) Uimh. 305/2011 an Aontais Eorpaigh (Táirgí Foirgníochta), a chur i bhfeidhm.
• cionta, pionóis agus ionchúisimh, agus
• scrios nó diúscairt táirgí foirgníochta i gcás go bhfuil duine ciontaithe ar díotáil i gcionta áirithe faoi na rialacháin seo.

De bhun Airteagal 18(5) de Rialachán (CE) 765/2008, tá clár Náisiúnta na hÉireann um fhaireachas margaidh 2021 foilsithe ar shuíomh gréasáin an Choimisiúin Eorpaigh.

An rialachán um Fhaireachas Margaidh is déanaí