Sonraí tosaithe míosúla le haghaidh mhí Feabhra foilsithe

Léirítear sna sonraí gur cuireadh tús le 1,017 teach i mí Feabhra 2025.

Ar bhonn atrátha 12 mhí (mí an Mhárta 2024 go mí Feabhra 2025), cuireadh tús le 64,175 teach, arb ardú 79% é ó na 12 mhí roimhe sin (nuair a cuireadh tús le 35,776 teach).

As na 1,017 teach ar cuireadh tús leo i mí Feabhra, is áiteanna cónaithe scéime iad 21%, is árasáin iad 61%, agus baineann 18% le haonaid aonuaire.

As na tithe ar fad ar cuireadh tús leo le linn na míosa sin, bhí 47% díobh sna ceithre údarás áitiúla i mBaile Átha Cliath agus 44% i gCathair Bhaile Átha Cliath féin. De réir údarás áitiúil, ba i gCathair Bhaile Átha Cliath a cuireadh tús leis an líon ba mhó tithe (451) agus bhí Luimneach (109) agus Dún na nGall (89) ina dhiaidh sin.