Plean Measúnaithe agus Gníomhaíochta 2024 – 2026

Faoi Alt 42 den An tAcht fá Choimisiún na hÉireann um Chearta an Duine agus Comhionannas, 2014, tá dualgas dlíthiúil ar gach comhlacht poiblí in Éirinn comhionannas a chur chun cinn, leithcheal a chosc agus cearta daonna a bhfostaithe, a gcustaiméirí, a n-úsáideoirí seirbhíse agus gach duine a bhfuil tionchar ag a gcuid polasaithe agus pleananna orthu a chosaint. Tugtar Dualgas na hEarnála Poiblí um Chomhionannas agus Cearta an Duine nó Dualgas na hEarnála Poiblí air sin.

Ceanglaíonn an tAcht ar chomhlachtaí na hearnála poiblí:

• na saincheisteanna cearta daonna agus comhionannais a bhaineann lena bhfeidhmeanna a mheasúnú agus a shainaithint ina bpleananna straitéiseacha;
• na beartais agus na cleachtais atá i bhfeidhm a shainaithint, nó atá beartaithe a chur i bhfeidhm, agus chun aghaidh a thabhairt ar na saincheisteanna sin;
• tuairisciú ar fhorbairtí agus ar éachtaí ina leith sin ina dtuarascálacha bliantúla.

Is é Measúnú agus Plean Gníomhaíochta Dualgas na hEarnála Poiblí 2024-2026 an chéad phlean dá leithéid de chuid na Roinne. Aithníonn an Plean Gníomhaíochta fiche gníomh ar fud na gceithre chatagóir Acmhainní Daonna/Gníomhartha Inmheánacha; Soláthar Seirbhíse; Feidhm Beartais agus Taighde; agus Maoirseacht agus Feidhm Rialála.

Déanfar dul chun cinn maidir leis na gníomhartha sin a aithníodh a thuairisciú i dTuarascáil Bhliantúil na Roinne.

Cliceáil thíos chun an comhad a íoslódáil