Sábháilteacht dóiteáin i gcarbháin

Tá na prionsabail a bhaineann le bheith sábháilte ó dhóiteáin i gcarbhán nó i dteach soghluaiste, mar an gcéanna leis na prionsabail a bhaineann le bheith sábháilte ó dhóiteáin i dteach ach tá roinnt fachtóirí eile le breithniú orthu.

• tá dóiteáin i gcarbháin an-dainséarach ar fad
• bíodh plean aslonnaithe ullmhaithe agat, chun fáil amach go gasta
• bíodh do mhúchtóir dóiteáin agus do phluid dóiteáin féin agat agus déan cinnte go bhfuil a fhios ag gach duine conas agus cá huair a úsáidtear iad
• déan cinnte go bhfuil do shorcóir gáis (LPG) taobh amuigh agat, ar leibhéal na talún agus go bhfuil sé i láthair atá aeraithe go maith ar shiúl ó fhoinse teasa ar bith
• déan cinnte go bhfuil nasc maith leis an bpíobán gáis agus go bhfuil an sorcóir daingnithe
• seas téitheoir breosla sholadaigh ar bith ar leac miotail nó cloiche mar is ceart
• ná húsáid breosla peitril, pairifín nó díosail choíche agus sorn nó téitheoir breosla sholadaigh á lasadh agat
• ba chóir luaith a bhaint le sluasaid mhiotail agus buicéad miotail agus iad a fhágáil taobh amuigh in áit shábháilte agus dhaingean lena fuarú
• úsáid sciath le d’fhearais téimh.

• déan cinnte go bhfuil druil dóiteáin nó gnáthamh sábháilteachta agus bealach chun glaoigh ar na seirbhísí éigeandála ar do láithreán
• faigh amach cá bhfuil an trealamh comhraicthe dóiteáin atá ar fáil agus bíodh a fhios agat cén dóigh a n-oibríonn sé
• páirceáil carbháin agus tithe soghluaiste 6 mhéadar ar a laghad óna chéile
• páirceáil carranna i bhfad ar shiúil ó charbháin agus ó thithe soghluaiste
• ná stóráil gabhdáin pheitril, díosail nó gháis faoi do charbhán nó faoi do theach soghluaiste choíche
• cuir gabhdáin fholmha in áit shábháilte nó in áit stórála oiriúnach ar shiúl ó charbháin agus ó fheithiclí agus ar shiúl ó fhoinse teasa ar bith
• ná lig do bhruscar carnadh thart ar charbhán. Guais dóiteáin atá ann.