Tacaíocht don tithíocht shóisialta a sholáthraíonn údaráis áitiúla

Is iad údaráis áitiúla príomhsholáthraithe na tacaíochta tithíochta sóisialta do dhaoine nach bhfuil ar a n-acmhainn a dtithe féin a cheannach.

Soláthraítear tacaíocht tithíochta sóisialta trí roinnt scéimeanna difriúla.

Chomh maith le tithíocht thraidisiúnta ón údarás áitiúil, soláthraítear tacaíocht tríd:

• an Scéim Cóiríochta Cíosa (RAS)
• an Íocaíocht Chúnaimh Tithíochta (HAP)
• scéimeanna éagsúla a fhaigheann tacaíocht ó bhuiséad an Chláir Caiteachais Reatha Tithíochta Sóisialta (SHCEP).

Scéimeanna a fhaigheann tacaíocht ó SHCEP

Cuimsíonn sé seo scéimeanna ar nós:

• an Áis Réamhléasaithe Chaipitil (CALF)
• an Ciste Fáltas Gníomhaireachtaí Tithíochta (HAA)
• chomh maith le hairíonna urraithe trí chláir léasaithe ar leith

Cláir léasaithe

• an Scéim Deisiúcháin agus Léasaithe (RLS)
• an Scéim Léasaithe Fhadtéarmaigh
• an Scéim Léasaithe Ghearrthéarmaí
• an Scéim um Morgáiste go Cíos.

Comhlachtaí Tithíochta Ceadaithe

Soláthaíonn Cumainn Tithíochta agus comharchumainn tithíochta, ar a dtugtar comhlachtaí tithíochta ceadaithe, tithíocht shóisialta do dhaoine freisin nach bhfuil in ann cóiríocht a sholáthar as a gcuid acmhainní féin.

Iarrtas ar thacaíocht tithíochta sóisalta

Is féidir leat iarratas a dhéanamh chuig d’údarás áitiúil ar thacaíocht tithíochta sóisialtaa má chomhlíonann tú coinníollacha áirithe cáilitheachta agus riachtanais, lena n-áirítear teorainn ar ioncam.

Ní riarann údaráis an Scéim Forlíonta Chíosa . Riarann an Roinn Cosanta Sóisialta an Scéim Forlíonta Chíosa. Beart gearrthéarmach tacaíochta ioncaim atá ann chun cabhrú le costais chóiríochta réasúnacha ag daoine incháilithe a chónaíonn i gcóiríocht phríobháideach ar cíos agus nach bhfuil in ann íoc as a gcostais chóiríochta as a gcuid acmhainní féin agus nach bhfuil cóiríocht ar fáil dóibh ó fhoinse eile.