Vótálaí - Toghchán Dála

Faoin reachtaíocht, cúig bliana an saolré uasta atá ag Dáil. Tarlaíonn olltoghchán idir 18 agus 25 lá (gan Domhnaigh, laethanta saoire poiblí agus Aoine an Chéasta a áireamh) tar éis lánscor na Dála.

Eisítear Cárta Faisnéise Vótaíochta do vótálaí sna laethanta roimh lá na vótaíochta. Insíonn an Cárta Faisnéise Vótaíochta duit cá háit le dul chun vóta a chaitheamh agus na hamanna a bhíonn an stáisiún vótála oscailte. Insíonn sé duit freisin cé na doiciméid aitheantais ba chóir duit a thabhairt leat. Níl cárta faisnéise vótaíochta ag teastáil uait chun vóta a chaitheamh.

Eisítear Cártaí Faisnéise Vótaíochta ar vótálaithe sna laethanta roimh lá na vótaíochta. Tá sé ráite ar an gCárta Faisnéise Vótaíochta cá háit le dul chun do vóta a chaitheamh, chomh maith le huaireanta oscailte an stáisiúin vótaíochta. Tá sé ráite freisin cad iad na doiciméid chéannachta nach mór duit a thabhairt leat. Ní theastaíonn cárta faisnéise vótaíochta uait chun vóta a chaitheamh.

D’fhéadfaí go n-iarrfar ort fianaise ar chéannacht a thabhairt ag an ionad vótaíochta. Glactar leis na doiciméid seo a leanas chun críocha aitheantais.

(i) pas

(ii) ceadúnas tiomána

(iii) cárta aitheantais fostaí ar a bhfuil grianghraf

(iv) cárta aitheantais scoláire arna eisiúint ag institiúid oideachais agus ar a bhfuil grianghraf

(v) doiciméad taistil ar a bhfuil ainm agus grianghraf

(vi) leabhar bainc nó coigiltis nó comhar creidmheasa ar a bhfuil do sheoladh sa toghcheantar nó toghlimistéar áitiúil (más cuí)

(vii) Cárta Seirbhísí Poiblí

nó

aon cheann de na nithe seo a leanas in éineacht le doiciméad breise a dheimhníonn seoladh an tsealbhóra sa toghcheantar nó toghlimistéar áitiúil (más cuí):

(viii) seicleabhar

(ix) seic-chárta

(x) cárta creidmheasa

(xi) teastas breithe

(xii) deimhniú pósta.

Thug an tAcht Toghcháin (Leasú) 2015 isteach foirm nua páipéir ballóide do thoghcháin Dála. Is páipéar ballóide samplach é seo.

Ba chóir duit na treoracha gairide ar an bpáipéar ballóide a thug an tOifigeach Uachtaránachta duit a léamh go cúramach. Scríobh uimhir 1 sa bhosca in aice leis an iarrthóir is rogha leat, scríobh uimhir 2 sa bhosca in aice le do dhara rogha, agus mar sin de. Níor cheart duit aon rud eile a scríobh ar an bpáipéar ballóide – d’fhéadfadh sé sin do vóta a chur ar neamhní.

Féadfaidh vótálaí a bhfuil tinneas fisiciúil nó míchumas fisiciúil air nó uirthi, nach bhfuil a (h)ainm ar liosta na vótálaithe poist ná speisialta, agus a bhféadfadh deacracht a bheith aige nó aici rochtain a fháil ar a stáisiún vótála áitiúil iarratas a dhéanamh chun a vóta a aistriú chuig stáisiún vótála níos inrochtana ina t(h)oghcheantar. Seo ceann de na tacaíochtaí atá ar fáil do vótálaithe.

Léigh tuilleadh faoi thacaíochtaí do vótálaithe.

Níl cosc sonrach ar ghrianghraif a thógáil sa dlí toghcháin. Mar sin féin, má roinntear aon ghrianghraif de pháipéar ballóide atá marcáilte nó atá á mharcáil i dtoghchán, d’fhéadfadh sé sin cur isteach ar shláine agus ar rúndacht na ballóide. Dá bhrí sin, ní cheadaítear grianghraif nó ‘féiníní’ den sórt sin a thógáil i stáisiúin vótála.

Tá 43 Dáilcheantar ann. Rinneadh foráil do na toghcheantair seo sa dlí tríd an Acht Toghcháin (Leasú) 2023. Féach léarscáileanna na nDáilcheantar.

Nuair a thagann folúntas Dála chun cinn, ordaíonn an Dáil do Cheann Comhairle (cathaoirleach) na Dála a ordú do Chléireach na Dála an eascaire a eisiúint le haghaidh fothoghcháin. Ní mór é seo a eisiúint a luaithe is féidir tar éis tréimhse folúntais sé mhí, mura dtugann an Dáil treoir don Cheann Comhairle treoir a thabhairt do Chléireach na Dála roimhe sin.

Léigh faoi na daoine ar féidir leo seasamh i dtoghchán Dála agus faoi na teorainneacha caiteachais agus aisíocaíochta d’iarrthóirí

Léigh tuilleadh eolais faoin gcaoi a dtoghtar an Dáil.

Léigh tuilleadh maidir le conas a fheidhmíonn PR-STV

Cláraigh chun vóta a chaitheamh nó nuashonraigh do shonraí clárúcháin vótálaí.