Cóiríocht don Lucht Siúil

Ceanglaítear le hAcht na dTithe (Cóiríocht don Lucht Siúil) 1998 ar gach údarás áitiúil, tar éis próiseas comhairliúcháin, cláir chóiríochta rollta 5 bliana a ullmhú, a ghlacadh agus a chur i bhfeidhm chun freastal ar riachtanais chóiríochta reatha agus réamh-mheasta an Lucht Siúil ina gceantair.

Soláthraíonn na cláir seo treochlár do thosaíochtaí infheistíochta na nÚdarás Áitiúil thar thréimhse an Chláir. Tá siad mar bhunús le leithdháileadh maoinithe ón Roinn Tithíochta, Rialtais Áitiúil agus Oidhreachta.

Cuirtear cóiríocht ar fáil don Lucht Siúil thar raon roghanna agus is féidir leis an Lucht Siúil aon chineál cóiríochta a roghnú.

Ina measc seo tá:

• tithíocht chaighdeánach údaráis áitiúil, a mhaoinítear ó leithdháiltí caipitil na Roinne do thithíocht shóisialta
• cóiríocht phríobháideach ar cíos
• tithíocht phríobháideach le cúnamh ó údaráis áitiúla nó eagraíochtaí deonacha
• cóiríocht a bhaineann go sonrach leis an Lucht Siúil a fhaigheann maoiniú caipitil 100% ón Roinn. Cuimsíonn cóiríocht a bhaineann go sonrach leis an Lucht Siúil scéimeanna tithíochta grúpa agus láithreáin stad.

Seo a leanas na Treoirlínte maidir le cóiríocht don Lucht Siúil:

• Roghanna Cóiríochta don Lucht Siúil
• Páirceanna Carbhán Cónaithe don Lucht Siúil
• Freastal ar Theaghlaigh Lucht Siúil Neamhbhuana
• Cóiríocht don Lucht Siúil - Seirbhísí Bunúsacha
• Grúpthithíocht don Lucht Siúil