Déan Iarratas um Shaoráil Faisnéise (FOI)

Cuireann FOI faisnéis bhreise ar fáil trí rochtain ar thaifid nach gcuirtear ar fáil go rialta a cheadú.

Ní mór iarratas faoin Acht um Shaoráil Faisnéise a dhéanamh i scríbhinn agus ba cheart go léireodh sí go bhfuil an fhaisnéis á lorg faoin Acht um Shaoráil Faisnéise. Ba cheart go mbeadh an iarraidh soiléir go leor freisin le cur ar ár gcumas na taifid atá á lorg a aithint.

Más mian leat na taifid a athbhreithniú ar bhealach ar leith (m.sh. iniúchadh a dhéanamh ar na taifid, fótachóipeanna, diosca ríomhaire, srl.) ba cheart duit é seo a shonrú nuair a dhéanann tú iarratas.

Mura bhfuil tú cinnte cad ba cheart duit a iarraidh, beidh foireann an Aonaid um Shaoráil Faisnéise sásta cabhrú leat. Is féidir teagmháil a dhéanamh leis an Aonad um Shaoráil Faisnéise ar an bhfón ag +353 (0)53 911 7385 (Alison Barron), +353 (0)53 911 7334 (Laura Molloy) nó +353 (0)53 911 7387 (Aoife Carroll), agus trí r-phost ag foi@housing.gov.ie

Is féidir iarratais a dhéanamh tríd an bpost trí scríobh chuig:

Tabhair do chuid sonraí teagmhála le do thoil agus iarratas um Shaoráil Faisnéise á dhéanamh agat.

Ba cheart go gcuirfí an cinneadh maidir le d’iarratas in iúl duit laistigh de 4 seachtaine tar éis d’iarratas a fháil.

Ní ghearrtar aon táille ar iarratais. D’fhéadfadh go mbeadh táillí ann as an am a chaitear ag aisghabháil taifead agus cuirfear in iúl duit más amhlaidh an cás.

Tagann na taifid seo a leanas faoi raon feidhme an Achta um Shaoráil Faisnéise:

• gach taifead a bhaineann le faisnéis phearsanta iarratasóirí is cuma cathain a cruthaíodh iad
• gach taifead eile a cruthaíodh ó thosach feidhme an Achta um Shaoráil Faisnéise (an 21 Aibreán, 1998)
• aon taifid is gá chun taifead reatha a thuiscint fiú má cruthaíodh iad roimh an 21 Aibreán 1998.

Tá taifid áirithe díolmhaithe óna scaoileadh faoin Acht. I measc na bpríomh-dhíolúintí tá taifid a bhaineann le:

• cruinnithe rialtais
• próisis phlé an chomhlachta phoiblí
• cúrsaí parlaiminte agus cúirte
• forfheidhmiú an dlí agus sábháilteacht phoiblí · slándáil, cosaint agus caidreamh idirnáisiúnta
• faisnéis rúnda agus íogair ó thaobh na tráchtála de
• faisnéis phearsanta (seachas faisnéis a bhaineann leis an duine a dhéanann an t-iarratas)

Tabhair ar aird le do thoil gurb é beartas na roinne iarratais um Shaoráil Faisnéise a fhoilsiú ar an láithreán gréasáin seo.

Má tá tú míshásta le cinneadh na roinne, féadfaidh tú athbhreithniú inmheánach a iarraidh ag ball athbhreithnithe níos sinsearaí sa roinn. Ba chóir iarratais ar athbhreithniú inmheánach a dhéanamh i scríbhinn chuig an Aonad um Shaoráil Faisnéise.

Tá táille iarratais de 30 euro, (10 euro d’iarratasóirí a chumhdaítear le cártaí leighis), ar iarratais ar athbhreithniú inmheánach ar iarratais um Shaoráil Faisnéise. Ní ghearrtar aon táille ar iarratas ar athbhreithniú inmheánach ar chinneadh a bhaineann le faisnéis phearsanta an iarratasóra nó ar iarratas ar athbhreithniú inmheánach ar chinneadh táillí a ghearradh.

Má tá tú míshásta leis an gcinneadh a rinne an t-athbhreithnitheoir inmheánach, tá sé de cheart agat achomharc a dhéanamh chuig an gCoimisinéir Faisnéise, a bhfuil a sonraí teagmhála mar seo a leanas:

Oifig an Choimisinéara Faisnéise,

Seoladh: 6 Ardán Phort an Iarla, Baile Átha Cliath 2, D02 W773

Láithreán Gréasáin: www.oic.ie/

Ríomhphost: info@oic.ie

Uimhir theileafóin: +353 (0) 1 639 5689

Tá táille iarratais 50 euro (15 euro ar iarratais a chumhdaítear le cártaí leighis) as iarratas ar athbhreithniú chuig an gCoimisinéir Faisnéise. Ní ghearrtar aon táille ar iarratas ar athbhreithniú chuig an gCoimisinéir Faisnéise ar chinneadh athbhreithnithe inmheánaigh a bhaineann le faisnéis phearsanta an iarratasóra nó le cinneadh táillí a ghearradh.