Iarratas a dhéanamh ar thacaíocht tithíochta sóisialta le d’údarás áitiúil

Cuireann údaráis áitiúla tacaíocht tithíochta sóisialta ar fáil do dhaoine nach bhfuil an acmhainn acu a dtithe féin a cheannach.

Déanann d’údarás áitiúil measúnacht ar iarratais chomhlánaithe ar thacaíocht tithíochta sóisialta de réir na gcritéar reatha bunaithe ar an méid seo a leanas:

• caithfidh nach rachaidh tairseach ioncaim (i mBéarla amháin), .i. d’ioncam os cionn teorainneacha áirithe – braithfidh na teorainneacha sin ar an údarás tithíochta agus ar mhéid an teaghlaigh
• ceart fadtéarmach le cónaí in Éirinn
• cibé an bhfuil lóistín eile agat atá ar fáil duit a d’fhéadfadh freastal ar do riachtanas tithíochta
• cibé an bhfuil riaráiste cíosa agat ó thionóntacht roimhe agus na socruithe atá i bhfeidhm chun an riaráiste sin a aisíoc

Cuirfear méid do theaghlaigh san áireamh sa mheasúnacht freisin, chomh maith le cineál do chóiríochta reatha, an bhail atá air agus aon chúinsí speisialta amhail míchumas, aois agus cúinsí leighis.

Más náisiúntach neamh-Éireannach thú atá ag lorg tacaíochta, caithfidh tú forálacha Chiorclán 41/2012 (i mBéarla amháin) a chomhlíonadh freisin.

Má bhíonn tú cáilithe, cuirfear thú ar liosta feithimh tithíochta an údaráis nó taifead na dteaghlach cáilithe

Leithdháilfear tionónacht oiriúnach duit nuair a bhíonn sé ar fáil.

Dréachtann gach údarás áitiúil gcuid rialacha féin maidir le cinntí a dhéanamh i dtaobh ord na dtosaíochtaí ar an liosta feithimh (“Scéim Leithdháilte”).

Is féidir leat cóip de seo a fháil ó d’údarás áitiúil.

Féadfaidh tú tairiscint réasúnta chóiríochta a dhiúltadh in aon tréimhse 12 mhí gan dul i bhfeidhm ar d’áit ar an liosta feithimh.

Má dhiúltaíonn tú dhá thairiscint réasúnacha in imeacht thréimhse 12 mhí áfach, déanfar thú a chur ar fionraí ón liosta feithimh ar feadh 12 mhí, agus ní charnfaidh tú aon am ar an liosta lena linn sin.

Chun iarratas a dhéanamh ar thacaíocht tithíochta sóisialta, lena n-áirítear tacaíocht ó chomhlacht tithíochta ceadaithe, ba cheart duit dul i dteagmháil le d’údarás áitiúil ábhartha i dtosach a fhéadfaidh foirm iarratais a thabhairt duit le comhlánú.