English

Cuardaigh ar fad gov.ie

Faisnéis eagraíochta

Maidir leis an Roinn Turasóireachta, Cultúir, Ealaíon, Gaeltachta, Spóirt agus na Meán


Réamhrá

Is é an misean na Roinne chun forbairt inbhuanaithe na Turasóireachta, na Meán agus na Gaeltachta a threorú agus rannpháirtíocht a chur chun cinn sa Chultúr, sna hEalaíona, sa Spórt agus sa Ghaeilge ag tacú le dul chun cinn sóisialta, agus fás cultúrtha agus eacnamaíoch a bhreisiú ar fud shochaí na hÉireann.

Is de thoradh na spriocanna ardleibhéil seo a bhaint amach a dhéanfar an Misean a chomhlíonadh:

• Tacaíocht a thabhairt chun earnáil iomaíoch Turasóireachta a fhorbairt go hinbhuanaithe agus béim ar leith ar an tacaíocht don fhorbairt chothrom i bpobail ar fud na tíre agus, san am céanna, ár dtimpeallacht agus acmhainní nádúrtha a chosaint.

• Tacú le rannpháirteachas daoine agus pobal, agus é a fhorbairt, leis na healaíona, an cultúr agus an chruthaitheacht, agus iontu, chun leas a bhaint as gníomhaíocht chultúrtha agus chruthaitheach chun cur le saol daoine; ealaíona, cultúr agus cruthaitheacht na hÉireann a chur chun cinn ar fud na cruinne; agus Geilleagar Oíche níos bríomhaire agus níos éagsúla a spreagadh.

• Tacú le húsáid na Gaeilge ar fud na hÉireann, san Aontas Eorpach agus ar fud an domhain. Úsáid na Gaeilge a normalú in oibríochtaí na Roinne 6mar eiseamláir do ghníomhaireachtaí stáit eile agus úsáid na teanga a láidriú mar phríomhtheanga an phobail sa Ghaeltacht.

• Níos mó rannpháirtíochta sa spórt ag cách a chur chun cinn agus béim ar leith ar rannpháirtíocht na mban agus ar an éagsúlacht. San am céanna, infheistíocht leanúnach a dhéanamh in áiseanna spóirt nua, lúthchleasaithe ardfheidhmíochta agus imeachtaí móra a chur os comhair an phobail.

• Tacú leis na meáin seirbhíse poiblí agus ábhar seirbhíse poiblí a sholáthar ina léireofar an éagsúlacht atá le fáil i sochaí na hÉireann; creat rialála agus forbartha ina mbeifear ag tacú le hearnáil na meán a bheidh saor, iolraíoch, éagsúil agus inbhuanaithe ó thaobh an chomhshaoil de; spreagadh a thabhairt chun creat láidir don tsábháilteacht ar líne agus don rialáil dhigiteach a fhorbairt in Éirinn.

• Comhoibriú Thuaidh-Theas a chur chun cinn faoi chuimsiú Chomhaontú Aoine an Chéasta agus Thionscnamh an Rialtais um Oileán Comhroinnte, go háirithe san obair a dhéanann an Foras Teanga agus Turasóireacht Éireann.

Rannóga na Roinne

Tá 5 rannóg sa Roinn Turasóireachta, Cultúir, Ealaíon, Gaeltachta, Spóirt agus Meán:

  • Turasóireacht agus Spórt
  • Cultúr agus na hEalaíona
  • An Ghaeltacht
  • Craolachán agus na Meáin
  • Gnóthaí Corparáideacha

Tá tuilleadh sonraí faoi struchtúr agus sraitheanna bainistíochta na Roinne ar fáil ar Cé a Dhéanann Cad

Naisc Chorparáideacha