Aistritheoirí Óga
-
Ó: An Roinn Turasóireachta, Cultúir, Ealaíon, Gaeltachta, Spóirt agus Meán
- Foilsithe: 29 Márta 2021
- An t-eolas is déanaí: 29 Márta 2021
Eagraíonn an Coimisiún Eorpach i gcomhar leis an Roinn an comórtas aistriúcháin, Aistritheoirí Óga. Tá an comórtas oscailte do dhaltaí ar fud na hÉireann a raibh 15 bliana acu an 1 Meán Fómhair (den bliain acadúil reatha) agus a bhfuil sé de chumas iontu aistriúchán a dhéanamh ó Bhéarla go Gaeilge, nó ó cheann de 5 theanga Eorpacha eile go Gaeilge.
Tá trí sprioc ag an gcomórtas: ardchaighdeán Gaeilge a chur chun cinn, ilteangachas a spreagadh i measc daltaí meánscoile agus spéis daltaí i ngairmeacha teanga a mhúscailt.
Sé chatagóir atá sa chomórtas: duais don aistriúchán is fearr ó Bhéarla as gach cúige, mórdhuais don aistriúchán is fearr as oileán na hÉireann ar fad agus duais don duine a rinne an t-aistriúchán is fearr ó theanga seachas an Béarla.
Tá tuilleadh eolais faoin gcomórtas, an próiseas clárúcháin agus rialacha an Chomórtais le fáil anseo.