Rocket Sports Internet Limited agus Benchwarmers Limited – Cumasc Meán 2020

I gcomhréir le Cuid 3A den Acht Iomaíochta 2002 (an tAcht), arna leasú, tugadh fógra don Aire an 5 Deireadh Fómhair 2020 maidir leis an Éadáil Bheartaithe ar Benchwarmers Limited ag Rocket Sports Internet Limited. I gcomhréir leis an Acht, thug an Roinn faoi iniúchadh 'Céim 1' maidir leis an gcumasc d’fhonn an tionchar a d’fhéadfadh sé imirt ar iolracht meán sa stát a chinneadh. Mar thoradh ar an iniúchadh sin, chinn an tAire, an 20 Samhain 2020, nach ndéanfaí dochar d’iolracht meán sa stát mar gheall ar an gcumasc meán atá beartaithe agus, dá réir, go bhféadfaí é a chur i bhfeidhm.