Guíonn na hAirí Martin agus Byrne gach rath ar lúthchleasaithe Parailimpeacha na hÉireann i bPáras

“Tá na Cluichí Parailimpeacha ar cheann de na himeachtaí spóirt is mó le rá agus a bhfuiltear ag fanacht go fonnmhar leo ar fud an domhain. Is éacht iontach é d’aon lúthchleasaí an caighdeán atá riachtanach a bhaint amach chun dul san iomaíocht i gcoinne na ndaoine is fearr ar domhan ag Cluichí Pháras. Tá creidiúint agus aitheantas ollmhór tuillte ag gach duine den 35 iomaitheoir atá ag taisteal go Páras as a gcuid oibre crua agus a dtiomantas chun na cluichí a bhaint amach. Tá creidiúint chomhchosúil tuillte ag gach duine a thacaigh leo ar a dturas go Páras, bíodh gur baill teaghlaigh iad nó i gcáil oiliúna. Molaim d’Éireannaigh i ngach áit a bheith taobh thiar den fhoireann sa choicís seo chugainn nó mar sin agus bhur dtacaíocht a thaispeáint dóibh, bíodh sé sin sa Fhrainc nó sa bhaile in Éirinn. Táim lánchinnte go dtabharfaidh siad roinnt léirithe iontacha cuimhneacha sna seachtainí atá romhainn agus táim ag súil freisin le bualadh le cuid de na lúthchleasaithe ag na Cluichí sna laethanta amach romhainn.”

“Ba mhaith liom gach rath a ghuí ar bhaill Fhoireann na hÉireann a bheidh san iomaíocht ag na Cluichí Parailimpeacha. Bhí sé de phribhléid agam cheana féin bualadh le cuid den 35 ball d’Fhoireann na hÉireann agus táim ag tnúth le bualadh le níos mó acu an tseachtain seo chugainn i bPáras. Is éacht é a bheith i do lúthchleasaí Parailimpeach agus ionadaíocht a dhéanamh ar son na tíre, agus tá a fhios agam go n-aithníonn na lúthchleasaithe iad féin é seo, chomh maith leis an bpobal i gcoitinne. Tá baill Fhoireann na hÉireann do na Cluichí Parailimpeacha ag spreagadh an chéad ghlúin eile lúthchleasaithe cheana féin. Is féidir liom a chinntiú do na lúthchleasaithe go bhfuil an Rialtas an-bhuíoch as a gcuid iarrachtaí agus go bhfuil sé i gceist againn leanúint lenár dtacaíocht láidir airgeadais don spórt in Éirinn, ón mbunleibhéal go dtí an leibhéal ardfheidhmíochta. Tá mé ag súil go mór le bheith ina measc siúd a bheidh ag tacú le Foireann na hÉireann, sa bhaile agus ar fud an domhain, agus muid ag gríosú na lúthchleasaithe ag na Cluichí Parailimpeacha.”