“Is bealach láidir agus fiúntach í Straitéis Ardfheidhmíochta Spórt Éireann chun ár lúthchleasaithe ardfheidhmíochta a chur chun cinn chun leibhéil rathúlachta níos fearr a bhaint amach agus is bealach trialach í chun tacú lenár lúthchleasaithe dul san iomaíocht ag an leibhéal is airde ar an ardán idirnáisiúnta.

“Soláthraítear i ndámhachtainí maoinithe ilbhliantúla leibhéal seasmhachta do lúthchleasaithe chun a gcuid spriocanna spóirt a phleanáil, a dhíriú agus a sheachadadh. Tá lúthchleasaithe na hÉireann ag sárú bacainní le rath leanúnach na mbonn ag an leibhéal idirnáisiúnta agus táim muiníneach go n-eascróidh tuilleadh gnóthachtála ag na leibhéil is airde as an tacaíocht leanúnach seo.”

“Léirítear san fhógra maoinithe is airde riamh do Spórt Ardfheidhmíochta leibhéal láidir tacaíochta na hÉireann do lúthchleasaithe aonair agus foirne ina n-iarracht na spriocanna is airde a bhaint amach. Tá a fhios againn go bhfaigheann infheistíocht phoiblí sa Spórt Ardfheidhmíochta luach a saothair agus méadaítear an fhéidearthacht do lúthchleasaithe Éireannacha dul san iomaíocht ag an leibhéal is airde, agus is é sin an fáth go bhfuil muid ag infheistiú €27m trí Spórt Éireann in 2025.

“Léirítear sa mhéadú suntasach ar mhaoiniú Spórt Ardfheidhmíochta le blianta fada tiomantas leanúnach an Rialtais, i gcomhar le Spórt Éireann, tacaíocht a thabhairt dár lúthchleasaithe agus iad ag leanúint orthu ag iarraidh rathúlacht a bhaint amach.”

“Is iontach an rud é a bheith anseo i gColáiste na Tríonóide i gcomhair Fógra Maoinithe Ardfheidhmíochta 2025. Ag teacht isteach sna geataí tosaigh inniu, shiúl mé thar dhealbh Oliver Goldsmith, a dúirt gurb éard atá san fhíor-eagna ná éifeachtaí a rianú ar a gcúiseanna.

“Tugtar léargas sa mheon sin ar shnáithe amháin den chur chuige a ghlacann Aonad Ardfheidhmíochta Spórt Éireann. Cé go bhfuil muid go léir bródúil as an rath a bhí ar lúthchleasaithe na hÉireann le déanaí, is trí thuiscint a fháil ar na gnéithe taobh thiar de na héachtaí sin is féidir linn iad a bhuanú.

“Ba é ár gcur chuige, le tacaíocht ó bheartas an Rialtais atá fadradharcach agus doimhin, infheistíocht sheasmhach agus inbhuanaithe chun ligean do na Forais Náisiúnta Rialaithe Spóirt struchtúir láidre agus éifeachtacha a fhorbairt lena dtacaítear le lúthchleasaithe ardfheidhmíochta go fadtéarmach.

“Insíonn na torthaí a scéal féin. Is léiriú ar an straitéis seo iad na feidhmíochtaí lenar buadh bonn le blianta beaga anuas, agus go leor Forais Náisiúnta Rialaithe Spóirt ag baint leasa as tacaíocht sheasmhach thar shealanna ceathairbhliantúla.

“Cuirfidh gealltanas maoinithe ilbhliantúil an Rialtais ar chumas Spórt Éireann torthaí leanúnacha ar infheistíocht a léiriú. Ach, ar ndóigh, ní faoi na boinn amháin atá sé, tá ár bhfócas fós ar leas na lúthchleasaí, ag tacú leo dul san iomaíocht go domhanda agus tús áite a thabhairt dá bhfolláine.”

“Méadaíodh an infheistíocht sa spórt ardfheidhmíochta go seasta, le luasghéarú suntasach ó 2018 i leith. Gabhann Spórt Éireann buíochas leis an Rialtas as a gcuid tacaíochta.

“Léirítear san infheistíocht a méadaíodh tiomantas daingean do chur i bhfeidhm beartais; go sonrach, an Beartas Náisiúnta Spóirt 2018-2027 agus an Straitéis Ardfheidhmíochta 2021-2032.

“Tá dul chun cinn mór á dhéanamh againn i dtreo sprioc an Bheartais Náisiúnta Spóirt de €30m faoi 2027.

“Tá infheistíocht Spórt Éireann sa spórt ardfheidhmíochta inchomparáide anois lenár n-iomaitheoirí idirnáisiúnta. Is é an tosaíocht atá againn ná comhoibriú le páirtithe leasmhara ar fud an chórais ardfheidhmíochta chun éifeachtúlacht na hinfheistíochta seo a uasmhéadú trí thionscnaimh agus cláir straitéiseacha ina seachadtar torthaí intomhaiste agus luach ar airgead.”

“Leis na cláir ardfheidhmíochta seo tacaítear le huaillmhianta na lúthchleasaithe agus na bhfoirne a chaitheann geansaí glas na hÉireann go bródúil, agus iad ag déanamh ionadaíochta ar ár náisiún agus iad ag iarraidh na cluichí ceannais agus boinn a bhaint amach ar stáitse an Domhain agus na hEorpa.”