Is í an tOllamh Deirdre Murray Stiúrthóir Chlárlann Náisiúnta na hÉireann agus Ollamh le hEipidéimeolaíocht Ailse i Scoil Sláinte Poiblí Choláiste na hOllscoile, Corcaigh (UCC). Bhronn UCC céim leighis uirthi agus bhronn Coláiste na hOllscoile, Baile Átha Cliath, Máistreacht sa tSláinte Phoiblí uirthi. Rinne sí a cuid oiliúna cliniciúla in Éirinn agus sa Ríocht Aontaithe agus tá beagnach 20 bliain caite aici ag obair mar Speisialtóir sa Mhíochaine Sláinte Poiblí.
Tá an tOllamh Murray ag obair ar Chlár Náisiúnta Rialaithe Ailse (NCCP) FSS ó bunaíodh é, agus is ball bunaithe í den Fhoireann Bhainistíochta Feidhmiúcháin agus bhunaigh sí agus threoraigh sí feidhm Fhaisnéis Ailse NCCP.
Bhí ról lárnach aici i ndearadh agus i bhforbairt chóras monatóireachta NCCP a raibh sé mar aidhm leis maoirseacht a dhéanamh ar chur chun feidhme príomhchinntí straitéiseacha, tacú le dearbhú cáilíochtaí seirbhísí ailse agus feabhsú seirbhíse sna hocht n-ionad ailse agus ina n-aonaid chóireála satailíte.
Tá sí ag obair mar oiliúnóir i nDámh na Míochaine Sláinte Poiblí agus tá spéis ar leith aici i bhfaisnéis sláinte agus i dtaighde ar sheirbhísí sláinte, agus cuireann sí taighde i láthair mac léinn in UCC, agus ag comhdhálacha náisiúnta agus idirnáisiúnta freisin.