Tuarascáil an Choimisiúin um Thodhchaí na Meán

Cuireadh de chúram ar an gCoimisiún um Thodhchaí na Meán, a bhunaigh an Rialtas i mí Mheán Fómhair 2020, moltaí a fhorbairt maidir le maoiniú poiblí inbhuanaithe agus tacaíochtaí eile chun a chinntiú go bhfanann na meáin in Éirinn inmharthana, neamhspleách agus in ann aidhmeanna seirbhíse poiblí a sheachadadh. Iarradh ar an gCoimisiún moltaí sonracha a dhéanamh maidir le maoiniú RTÉ chomh maith.

Tá 50 moladh san iomlán i dtuarascáil an Choimisiúin agus is clár oibre straitéiseach atá iontu chun earnáil meán na hÉireann a athrú ó bhonn. Foilsíodh an tuarascáil ón gCoimisiún an 12 Iúil 2022.