Ó An Roinn Comhshaoil, Aeráide agus Cumarsáide
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
Tá tábhacht straitéiseach shuntasach don Stát ag baint le nascacht ardchaighdeáin, slán agus iontaofa leis an gcnámh droma Idirlín Domhanda i líonraí teileachumarsáide.
Is é cuspóir an chomhairliúcháin phoiblí seo tuairimí na bpáirtithe leasmhara a lorg i dtaca le stádas reatha na nascachta idirnáisiúnta in Éirinn. Cuirfidh sé seo ar chumas na Roinne Comhshaoil, Aeráide agus Cumarsáide (RCAC) eolas a bhailiú agus tuairimí ó pháirtithe leasmhara a mheas mar bhonn le forbairt beartais agus cinnteoireacht.
Leis an doiciméad comhairliúcháin thíos cuirtear réamhrá ar fáil don topaic agus cuirtear i láthair achoimre ar na torthaí ó shuirbhé tionscail a rinne RCAC le linn 2019. Cuirtear seacht gceist ar leith a bhaineann le hacmhainn, ilchineálacht bealaí, príomhdhúshláin agus mar atá Éire suite go hidirnáisiúnta.
Tríd an gcomhairliúchán seo, tá RCAC ag lorg aighneachtaí ó sholáthraithe seirbhíse teileachumarsáide agus úsáideoirí móra de naisc idirnáisiúnta (lena n-áirítear soláthraithe ábhair agus úinéirí ionad sonraí).
Is é 5pm an 27 Samhain 2020 an dáta deiridh d’aighneachtaí.
Is féidir leat d’aighneacht a chur le r-phoist chuig IntComms@decc.gov.ie
