Cruthaigh cuntas

Chun do Bhosca Poist Digiteach a úsáid beidh cuntas MyGovID fíoraithe ag teastáil uait

Déanfar rochtain aonair ar an Digiteach a fhíordheimhniú trí MyGovID.

Cinnteoidh MyGovID go mbeidh rochtain an duine ar an mBosca Poist Digiteach sábháilte agus slán.

Níl cuntas MyGovID agam

Cad is MyGovID ann?

Tá cuntas MyGovID fíoraithe agam

Má shocraíonn tú am ar bith nach dteastaíonn uait leas a bhaint as an mBosca Poist Digiteach níos mó, is féidir leat do chuntas a scriosadh agus do thoiliú a tharraingt siar. Ach do chuntas a scriosadh, ní sheolfar teachtaireachtaí chuig do Bhosca Poist Digiteach a thuilleadh.

Tabhair faoi deara – ní haon dóithín é do chuntas a scriosadh. Scriosfar do chuid teachtaireachtaí agus fillteán ar fad. Smaoinigh ar an méid seo sula scriosann tú do chuntas. Más mian leat leanúint ar aghaidh, moltar duit do chuid teachtaireachtaí ar fad a íoslódáil ar dtús. Is féidir é seo a dhéanamh ach an uirlis ‘Sonraí a Easpórtáil’ a úsáid.

Bíonn tréimhse chairde 48 uair an chloig i gceist – tar éis na tréimhse seo, scriosfar do chuntas agus an t-ábhar ar fad atá i do Bhosca Poist Digiteach. Ina theannta sin, ní sheolfar tuilleadh teachtaireachtaí chuig do Bhosca Poist Digiteach.

Tá eisceacht amháin ar an riail seo a bhaineann leis na logaí gníomhaíochta. Bíonn teacht ar fhaisnéis amhail “teachtaireachtaí seolta” nó “fógraí ríomhphoist seolta” i logaí gníomhaíochta. Coimeádfar an fhaisnéis seo ar feadh tréimhse ionas go mbeidh taifead ag Comhlachtaí Seirbhíse Poiblí ar cé chucu ar sheol siad teachtaireachtaí. Coinneofar an fhaisnéis seo ar feadh cúig bliana ar a mhéad.

Lean na céimeanna seo a leanas chun do Bhosca Poist Digiteach a scriosadh;

• Céim 1. Logáil isteach sa Bhosca Poist Digiteach, téigh go dtí ‘Próifíl Úsáideora’
• Céim 2. Scrollaigh síos chun ‘Scrios do chuntas’ a fháil

Beidh sé ar chumas na gComhlachtaí Seirbhíse Poiblí seo a leanas (liostaithe thíos) teachtaireachtaí a sheoladh chugat. Is féidir an liosta seo a leagsú ó am go chéile, agus cuirfear ar an eolas thú má chuirtear aon chomhlacht eile leis an liosta.

Tá smacht iomlán agat ar cé is féidir agus cé nach féidir teachtaireachtaí a sheoladh chugat, tríd an ngné “bainistigh seoltóiri” sa Bhosca Poist Digiteach. Ag am ar bith, is féidir leat Comhlacht Seirbhíse Poiblí ar leith a stopadh ó do chuid teachtaireachtaí a sheoladh go dtí do Bhosca Poist Digiteach.

Tá liosta oifigiúil na gcomhlachtaí sonraithe i Sceideal 5 den Acht Comhdhlúite Leasa Shóisialaigh 2005 (arna leasú). Is féidir leis na comhlachtaí poiblí atá liostaithe sa sceideal seo teachtaireachtaí a sheoladh chuig do Bhosca Poist Digiteach. Féach an liosta thíos ar mhaithe le héascaíocht.