Faisnéis eagraíochta
An Roinn Coimirce Sóisialaí Ráiteas Príobháideachais
Foilsithe
An t-eolas is déanaí
Foilsithe
An t-eolas is déanaí
I measc nithe eile, baineann an Ráiteas Príobháideachais seo le próiseáil sonraí pearsanta i ndáil le fíordheimhniú céannachta (clárú SAFE 2) agus leis an gCárta Seirbhísí Poiblí (CSP).
Ailt 2.11, 3.2, 5.3.2, 7.1.16 agus 11.5 Nuashonraithe le go mbeadh faisnéis iontu maidir le próiseáil sonraí ag Oifig an Ard-Chláraitheora.
Ailt 4, 5 agus 5.8 Nuashonraithe le go mbeadh faisnéis sa bhreis iontu maidir le feidhmiú feidhmchlár físchomhdhála ag an roinn.
Ailt 5.3.5, 6.1 agus 9.3.8 nuashonraithe le faisnéis faoin tseirbhís chlárúcháin SAFE ar líne.
Foscríbhinn 2 Nuashonraithe le go gcuimseofaí I.R. Uimh. 746/2020 inti
Nuashonraithe le mioneagarthóireacht, ar nós naisc nuashonraithe chuig suíomhanna seachtracha.
Nuashonraithe chun an téacs ‘I measc nithe eile, baineann an Ráiteas Príobháideachais seo le próiseáil sonraí pearsanta i ndáil le fíordheimhniú céannachta (clárú SAFE 2) agus leis an gCárta Seirbhísí Poiblí (CSP)’ ag tús an doiciméid.
Nuashonraithe le mionathruithe lena chinntiú go bhfuil faisnéis chorparáideach cothrom le dáta agus cruinn - mar shampla, ainm nuashonraithe na roinne, uimhreacha teagmhála, agus faisnéis nuashonraithe ar staitisticí na roinne is déanaí i Roinn 1.1.
Nuashonrú ar an Ráiteas Príobháideachais chun faisnéis a chur i láthair i sraith leathnaithe ceannteideal agus chun faisnéis bhreise a sholáthar chun aghaidh a thabhairt ar na heasnaimh sa Ráiteas Príobháideachais roimhe seo mar a shainaithin an Coimisinéir Cosanta Sonraí (DPC) i ndáil le próiseáil sonraí pearsanta lena n-áirítear i ndáil le fíordheimhniú céannachta (clárú SAFE 2) agus leis an gCárta Seirbhísí Poiblí (CSP).
Tagann an Ráiteas Príobháideachais seo in ionad an tseanleagan den Ráiteas Príobháideachais atá ar fáil anseo.
Tá na heasnaimh a shainaithin an DPC sa ráiteas sin leagtha amach in Aguisín a ghabhann leis an ráiteas sin. Is é is cuspóir do na hathbhreithnithe atá san áireamh sa leagan nuashonraithe seo den Ráiteas Príobháideachais:
i. Faisnéis a chur i láthair i bhformáid le sraith leathnaithe ceannteideal atá beartaithe chun cabhrú le léitheoirí rannáin ar leith a bhfuil spéis ar leith acu iontu a aithint agus a aimsiú;
ii. Faisnéis a chur ar fáil faoi fheidhmeanna na roinne (Roinn 1);
iii. Faisnéis bhreise a sholáthar maidir le Sonraí Aitheantais Seirbhíse Poiblí a bhailiú ó chomhlachtaí poiblí eile (Roinn 2);
iv. Faisnéis bhreise a sholáthar maidir le sonraí a nuashonrú agus na hiarmhairtí a d'fhéadfadh a bheith ann d'ábhair sonraí má theipeann ar ábhair sonraí an Roinn a chur ar an eolas faoi aon athruithe a théann i bhfeidhm ar a dteidlíocht ar shochar nó ar sheirbhís (Roinn 3);
v. Faisnéis bhreise a sholáthar maidir leis na cineálacha sonraí pearsanta a bhailítear agus faisnéis maidir le nuashonrú sonraí pearsanta a sholáthraítear chun críocha fíordheimhniúcháin céannachta (SAFE 2/ CSP) agus na hiarmhairtí a d'fhéadfadh a bheith ann d'ábhair sonraí dá dteipfeadh ar ábhair sonraí an Roinn a chur ar an eolas faoi athruithe ar na sonraí pearsanta sin (Roinn 3);
vi. Tuilleadh faisnéise a sholáthar faoi cé air a ndéantar sonraí pearsanta a phróiseáil (Roinn 4);
vii. Faisnéis a chur ar fáil maidir leis an gcaoi a mbailímid sonraí pearsanta (Roinn 5);
viii. Faisnéis bhreise a sholáthar ar an mbunús dlí faoin Rialachán Ginearálta maidir le Cosaint Sonraí agus faoin Treoir maidir le Forfheidhmiú an Dlí araon lena ndéantar foráil maidir leis an bpróiseáil a dhéantar (Roinn 6);
ix. Tabhair tuilleadh faisnéise faoi chuspóirí na próiseála a rinneadh lena n-áirítear próifíliú (Roinn 7);
x. Faisnéis bhreise a sholáthar maidir le sonraí a roinntear le heagraíochtaí eile (Roinn 9);
xi. Tabhair tuilleadh sonraí maidir le haistrithe sonraí chuig tríú tíortha (Roinn 10);
xii. Faisnéis bhreise a sholáthar maidir le beartais coinneála sonraí agus an réasúnaíocht le haghaidh tréimhsí coinneála sonraí (Roinn 11);
xiii. Faisnéis bhreise a sholáthar maidir leis an bpróiseáil bhreise a dhéanann an Roinn ar shonraí pearsanta. (Roinn 12);
xiv. Faisnéis bhreise a sholáthar maidir le cearta na n¬ábhar sonraí (Roinn 13).
Is é RGCS Rialachán Ginearálta an Aontais Eorpaigh maidir le Cosaint Sonraí. Tháinig sé i bhfeidhm an 25 Bealtaine 2018. Leagtar amach ann sraith rialacha de chuid an Aontais maidir leis an gcaoi ar féidir le heagraíochtaí sonraí a phróiseáil agus a úsáid. Is é cuspóir an Rialacháin ná dlíthe cosanta sonraí a neartú agus a chaighdeánú do shaoránaigh uile an Aontais. Tá feidhm ag an Rialachán seo maidir le haon eagraíocht a chinneann críocha agus modhanna próiseála sonraí pearsanta (Rialaitheoir Sonraí) agus freisin aon eagraíocht eile a phróiseálann sonraí thar ceann an Rialaitheora Sonraí (Próiseálaí Sonraí). I measc na ndaoine atá freagrach as cloí leis an Rialachán seo tá fostaithe na heagraíochta ábhartha, conraitheoirí, sainchomhairleoirí, gníomhairí agus tríú páirtithe a bhfuil rochtain acu ar shonraí go díreach nó go hindíreach.
Is iad na príomhphrionsabail a bhaineann le próiseáil sonraí pearsanta faoin RGCS ná dlíthiúlacht, cothroime agus trédhearcacht; teorannú de réir cuspóra; íoslaghdú sonraí; cruinneas; teorannú stórála; sláine agus rúndacht; agus cuntasacht (Airteagal 5 den RGCS). Tá tuilleadh faisnéise faoi RGCS agus na céimeanna atá le glacadh chun comhlíonadh a chinntiú ar fáil ar shuíomh Gréasáin an Choimisiúin um Chosaint Sonraí (DPC) ag RGCSandYou.ie nó dataprotection.ie
Tháinig an Treoir maidir le Forfheidhmiú an Dlí (Treoir (AE) 2016/680) i bhfeidhm freisin ó mhí na Bealtaine 2018. Déileálann sé le próiseáil sonraí pearsanta ag rialaitheoirí sonraí i gcás ina ndéantar an phróiseáil chun ‘críocha fhorfheidhmiú an dlí’, ar críocha iad nach dtagann faoi raon feidhme RGCS.
Trasuíodh an LED isteach i ndlí na hÉireann go príomha le Roinn 5 den Acht um Chosaint Sonraí 2018.
1.1 An Rialaitheoir Sonraí
Tacaíonn an Roinn leis an Aire Coimirce Sóisialaí i gcur i gcrích dualgais rialtais, pharlaiminte agus roinne.
I measc phríomhfheidhmeanna na Roinne tá:
Is í an Roinn Coimirce Sóisialaí (RCS) an Rialaitheoir Sonraí do na sonraí pearsanta go léir a bhailítear chun críche a gnó. Cinneann an Roinn na sonraí pearsanta a theastaíonn uainn a bhailiú uaitse, agus ó dhaoine eile, chun ligean dúinn ár scéimeanna agus ár seirbhísí a oibriú. Déantar doiciméadú ar ár bpróisis sonraí.
Gach seachtain, faigheann thart ar 1.61 milliún duine íocaíocht leasa shóisialaigh. Faigheann thart ar 633,000 teaghlach íocaíochtaí sochair linbh i leith níos mó ná 1.2 milliún leanbh gach mí. Tá thart ar 6,000 ball foirne fostaithe go díreach sa Roinn. Tá treoirlínte oibríochta dár scéimeanna go léir ar fáil ar ár suíomh gréasáin www.gov.ie/dsp
Is féidir leat teagmháil a dhéanamh leis an Roinn ar aon cheann de na bealaí seo a leanas:
Tríd an bpost: An Roinn Coimirce Sóisialaí, Áras Mhic Dhiarmada,
Sráid an Stórais, Baile Átha Cliath 1.
Trí ríomhphost: info@welfare.ie
1.2 An tOifigeach Cosanta Sonraí
De réir Airteagal 37 den RGCS, tá Oifigeach Cosanta Sonraí (OCS) ceaptha ag an Roinn atá i gceannas ar Aonad tiomnaithe Cosanta Sonraí (DPU).
Más mian leat teagmháil a dhéanamh lenár nOifigeach Cosanta Sonraí (OCS) is féidir leat é sin a dhéanamh ar aon cheann de na bealaí seo a leanas:
Tríd an bpost: Oifigeach Cosanta Sonraí,
An Roinn Coimirce Sóisialaí, Teach Goldsmith,
Sráid an Phiarsaigh, Baile Átha Cliath 2.
Trí ríomhphost: dpo@welfare.ie
Bailímid faisnéis fút ar chúiseanna éagsúla agus ó fhoinsí éagsúla, chomh maith leat féin. Is iad seo a leanas na cásanna coitianta ina mbailímid sonraí pearsanta:
2.1 Nuair a dhéanann tú iarratas ar Uimhir Phearsanta Seirbhíse Poiblí (UPSP);
2.2 Nuair a dhéantar d'aitheantas a fhíordheimhniú trí phróiseas ar a dtugtar clárú Timpeallachta Creata Fíordheimhniúcháin Chaighdeánaigh (SAFE), eisítear Cárta Seirbhísí Poiblí (CSP) mar chomhartha den chlárú SAFE;
2.3 Nuair a thuilleann tú ioncam – bailímid sonraí faoi do ranníocaíochtaí árachais shóisialta agus faighimid faisnéis faoi d'ioncam ó na Coimisinéirí Ioncaim;
2.4 Nuair a dhéanann tú éileamh ar aon cheann dár scéimeanna nó dár seirbhísí, nó nuair a úsáideann tú iad, go pearsanta nó ar líne;
2.5 Nuair a fhaigheann tú íocaíocht agus nuair a chuireann tú athrú ar do chúinsí in iúl dúinn;
2.6 Nuair a dhéanfaimid athbhreithniú ar d'éileamh;
2.7 Nuair a bhíonn leanbh agat – agus UPSP á leithdháileadh ar an leanbh freisin;
2.8 Faighimid faisnéis freisin ó Ranna agus gníomhaireachtaí Rialtais eile – féach Alt 9. Inár ról mar rialaitheoir sonraí don tacar sonraí* Aitheantas Seirbhíse Poiblí (ASP), d’fhéadfaí go mbaileoimis faisnéis chéannachta ó na comhlachtaí sainithe eile, a d’fhéadfaí go mbainfí úsáid as ar mhaithe le tacar sonraí ASP a nuashonrú. Tá liosta de na comhlachtaí sainithe leagtha amach i Sceideal 5 den Acht Comhdhlúite Leasa Shóisialaigh 2005 (arna leasú) ar féidir teacht air anseo.
2.9 Forbraíonn agus soláthraíonn an roinn seirbhísí freisin trí ghníomhaireachtaí/comhlachtaí ar conradh a d'fhéadfadh faisnéis a bhailiú uait ar son na roinne. Áirítear ar na gníomhaireachtaí/comhlachtaí sin, soláthraithe seirbhísí leasa, lia-chleachtóirí (a dheimhníonn incháilitheacht do scéimeanna breoiteachta agus míchumais) agus soláthraithe seirbhísí fostaíochta agus pobail (lena n-áirítear Scéimeanna Fostaíochta Pobail, Seirbhísí Fostaíochta Limistéir Áitiúil Chomhpháirtithe Intreo, Seirbhís Náisiúnta Fostaíochta Chomhpháirtithe Intreo, Infhostaitheacht, Tús agus JobPath). Tá na gníomhaireachtaí/comhlachtaí uile rannpháirteach faoi chonarthaí atá ceangailteach ó thaobh dlí agus a éilíonn go gcloítear le rialacha RGCS;
2.10 Féadfaimid sonraí a bhailiú freisin ó Theachtaí Dála nó ó chomhairleoirí atá ag gníomhú ar do shon, nó ó dhaoine eile atá faofa agat chun gníomhú ar do shon.
2.11 Déanann Oifig an Ard-Chláraitheora (OAC), an tSeirbhís um Chlárú Sibhialta a riar faoi choimirce na roinne. Bailíonn an OAC faisnéis fút nuair a chláraítear imeacht saoil ag an Seirbhís um Chlárú Sibhialta, ar nós breith, marbh-bhreith, uchtú, pósadh nó bás.
3.1 Is é beartas na roinne gan ach an fhaisnéis a theastaíonn chun críocha dlisteanacha a bhailiú, amhail iad siúd a leagtar amach i Roinn 7 . Braitheann an fhaisnéis a bhailímid fút ar nádúr d'idirbhearta linn ach féadfaimid an fhaisnéis a úsáid le haghaidh aon cheann dár bhfeidhmeanna. Bealach éasca lena fháil amach cén cineál faisnéise a phróiseálann an roinn le haghaidh tacaíocht ioncaim nó seirbhís fostaíochta ar leith is ea féachaint ar an bhfoirm éilimh don tacaíocht/seirbhís sin.
3.2 Is féidir na nithe seo a leanas a bheith san áireamh sna sonraí pearsanta a bhailímid:
3.3 Uaireanta, d'fhéadfadh sé go mbeadh orainn sonraí pearsanta ‘catagóir speisialta’ a bhailiú mar a shainmhínítear faoi Airteagal 9 de RGCS anseo. Mar shampla, áirítear leis sin sonraí a bhaineann le sláinte, bunadh ciníoch nó eitneach, ballraíocht i gceardchumann, cionta lena n-áirítear cionta líomhnaithe, imeachtaí coiriúla, torthaí agus pianbhreitheanna.
3.4 Má iarraimid faisnéis phearsanta ort, ní mór duit:
Cabhraíonn sé sin linn:
Má theipeann ort an roinn a thabhairt cothrom le dáta maidir le haon athruithe ar an bhfaisnéis a chuir tú ar fáil roimhe seo, go háirithe maidir le do sheoladh, do shocruithe maireachtála, lena n-áirítear comhchónaí/pósadh, agus do stádas fostaíochta nó do thuilleamh, nó aon tosca eile a d'fhéadfadh dul i bhfeidhm ar do theidlíocht ar sheirbhís nó ar shochar, d'fhéadfadh seachadadh mícheart seirbhísí/sochair nó mainneachtain seirbhísí nó sochair a bhfuil tú ina dteideal a sholáthar a bheith mar thoradh air. Chaithfí aon sochair/seirbhísí a seachadadh trí dhearmad a tharraingt siar ansin agus chaithfí aon íocaíochtaí a rinneadh go mícheart a aisghabháil. D'fhéadfadh sé gur mbeadh gá le himscrúdú a thosú freisin chun a chinneadh an raibh an mhainneachtain faisnéis nuashonraithe a sholáthar d'aon ghnó agus más amhlaidh go raibh, an bhfuil ionchúiseamh i leith calaoise iomchuí.
3.5 Tá sé tábhachtach go ndéanann tú an roinn a nuashonrú le haon athruithe ar na sonraí a bhailítear chun críocha fíordheimhnithe aitheantais (SAFE/CSP) toisc go bhféadfadh comhlachtaí sonraithe eile tagairt a dhéanamh don fhaisnéis seo agus iad i mbun seirbhíse leat.
Mura ndéantar an fhaisnéis a nuashonrú, d'fhéadfadh moill a bheith ar na comhlachtaí sin a fhíoraíonn d'aitheantas agus/nó a phróiseálann iarratas
Próiseálann an roinn sonraí pearsanta faoi na nithe seo a leanas:
4.1 Teastaíonn faisnéis ón roinn uaireanta faoi dhaoine seachas an duine a rinne iarratas ar thacaíocht ioncaim nó ar sheirbhís chun teidlíocht an duine sin ar sheirbhís nó ar shochar a mheasúnú agus, más cuí, a ríomh. Mar shampla, d'fhéadfadh go mbeadh gá le faisnéis faoi bhaill eile den teaghlach chun méid ceart íocaíochta a ríomh i gcásanna ina ndéantar tástáil acmhainne ar an íocaíocht sin (e.g. Liúntas Cuardaitheora Poist), áit a bhféadfadh méid na híocaíochta a bheith ag brath ar líon na ndaoine sa teaghlach atá spleách ar ioncam an éilitheora (e.g. íocaíochtaí pinsin) nó sa chás go mbraitheann an teidlíocht íocaíochta ar chúinsí duine eile sa teaghlach (e.g. íocaíochtaí cúramóra).
Éilítear sonraí pearsanta leanaí chun éilimh ar Shochar Linbh agus ar Íocaíocht Caomhnóra a phróiseáil agus gach scéim ina mbíonn tionchar ag líon na leanaí cáilitheacha ar an ráta íocaíochta.
Féadfaimid do shonraí pearsanta a bhailiú ar aon cheann de na bealaí seo a leanas:
Ní dhéanann an roinn aon phlé aghaidh ar aghaidh ná glaonna/cruinnithe ar fheidhmchláir físchomhdhála a thaifead agus níl cead ag aon duine é sin a dhéanamh.
Tugann an méid seo a leanas tuilleadh sonraí faoin gcaoi a mbailímid sonraí ar na bealaí atá liostaithe thuas:
5.1 Is iondúil go ndéantar foirmeacha éilimh agus comhfhreagras eile a fhaightear tríd an bpost a scanadh isteach i gcórais ríomhaireachta na roinne, a bhaineann le héileamh an duine agus go ndéileálann an t-aonad ábhartha um sheirbhís do chustaiméirí leo. Scriostar an comhfhreagras cruachóipe bunaidh go daingean. Mura ndéantar comhfhreagras a scanadh ach go gcoinnítear i gcóip chrua é, baineann sé leis an gcomhad ábhartha.
5.2 Tá baint ag ríomhphoist ó dhaoine a fhaigheann rochtain ar ár seirbhísí leis an éileamh/seirbhís ábhartha agus déileálann an t-aonad ábhartha seirbhíse do chustaiméirí leo.
5.3 Déanann an t-aonad ábhartha seirbhíse do chustaiméirí sonraí a bhailítear trí sheirbhísí ar líne a phróiseáil chun éileamh a phróiseáil nó chun an tseirbhís ábhartha a sholáthar.
5.3.1 Is Tairseach Seirbhísí Aitheantais ar líne é MyGovID www.mygovid.ie a chuireann ar chumas úsáideoirí logáil isteach agus rochtain a fháil ar sheirbhísí rialtais a chuirtear ar fáil ar líne (mar shampla MyAccount na gCoimisinéirí Ioncaim; MyWelfare.ie) ar bhealach sábháilte agus slán. Ní bhailíonn láithreán gréasáin MyGovID aon sonraí pearsanta, seachas faisnéis a thugann tú go deonach (mar shampla, nuair a líonann tú foirm) agus do sheoladh IP. Cuireann tairseach aitheantais MyGovID ar chumas daoine cuntas MyGovID a chruthú ar cheann amháin de dhá leibhéal rochtana – rochtain bhunúsach ar chuntas (lena gcumasaítear rochtain ar raon teoranta seirbhísí) agus rochtain ‘fhíoraithe’ ar chuntas (lena gcumasaítear rochtain ar raon níos leithne seirbhísí lena n-áirítear seirbhísí a ligeann do dhuine iarratas a dhéanamh ar shochair agus féachaint orthu agus a gcuid sonraí a nuashonrú); logáil isteach agus a gcéannacht a fhíordheimhniú trína gcuntas MyGovID a úsáid; a n-uimhir fóin póca a nuashonrú (úsáidtear SMS fón póca mar chuid den phróiseas logála isteach le haghaidh cuntais fhíoraithe); a bpasfhocal a athrú; agus a gcuntas a fháil ar ais.
Mar chuid den phróiseas chun aitheantas duine a fhíordheimhniú chun rochtain a fháil ar shuíomhanna gréasáin seirbhíse ar nós MyWelfare.ie agus mar shampla Revenue MyAccount, féadfaidh tairseach aitheantais MyGovID, do shonraí aitheantais seirbhíse poiblí ar nós UPSP agus dáta breithe a roinnt le ranna/gníomhaireachtaí Rialtais eile a úsáideann MyGovID, de réir dlí. Aon sonraí a chomhroinntear, is sonraí iad a bhfuil teideal dlí ag an gcomhlacht sonraithe iomchuí chucu agus a éilíonn sé chun a sheirbhís(í) a sholáthar.). Sula logálann duine isteach ar MyGovID, cuirtear in iúl dóibh go bhfuil siad ag comhaontú a sonraí pearsanta agus a bhfaisnéis teagmhála a roinnt leis an gcomhlacht rialtais a bhfuil sé i gceist acu rochtain a fháil ar a sheirbhísí ar líne. Tá an t-eolas a roinntear le gníomhaireachtaí Rialtais eile ar fáil ag www.mygovid.ie
Féadfaidh MyGovID an fhaisnéis seo a leanas a bhailiú ó gach úsáideoir den láithreán:
5.3.2 Is cainéal seirbhíse ar líne é MyWelfare ( www.mywelfare.ie ) do dhaoine ar mian leo rochtain a fháil ar sheirbhísí na Roinne. Ní bhailíonn láithreán gréasáin MyWelfare aon sonraí pearsanta, seachas faisnéis a thugann tú go deonach (mar shampla, nuair a bhíonn foirm á líonadh agat) agus do sheoladh IP. Ní úsáidtear aon fhaisnéis a sholáthraíonn tú ar an mbealach seo ach amháin chun na críche ar chuir tú ar fáil í. I measc na gcuspóirí sin faoi láthair tá: ceapachán a dhéanamh chun cuairt a thabhairt ar oifig de chuid na roinne; iarratas a dhéanamh ar scéimeanna tacaíochta do chuardaitheoirí poist, do thuismitheoirí, do leanaí agus do theaghlaigh; iarratas a dhéanamh ar athríomh pinsin; ráiteas ranníocaíochtaí agus íocaíochtaí a iarraidh nó a fheiceáil, agus aisíocaíochtaí chun rochtain a fháil ar shochar áireamháin oibre; agus incháilitheacht le haghaidh sochair chóireála a sheiceáil. Scriostar aon fhaisnéis a chuirtear ar fáil chun rochtain a fháil ar áireamháin sochair oibre a luaithe a théann an seisiún in éag.
Úsáideann MyWelfare MyGovID mar sheirbhís bainistíochta aitheantais agus rochtana agus chun úsáideoirí a fhíordheimhniú. Féadfaidh sé an fhaisnéis seo a leanas a bhailiú ó gach úsáideoir den láithreán:
5.3.3 Is cainéal seirbhíse ar líne é WelfarePartners ( www.welfarepartners.ie do chomhpháirtithe gnó na roinne. Tacaíonn an láithreán gréasáin faoi láthair le scéimeanna Fostaíochta Pobail agus Fóirdheontais Pá chun seirbhísí a sholáthar thar ceann na Roinne. Tacaíonn sé freisin le fiaclóirí, radharceolaithe agus éisteolaithe chun seirbhísí Sochair Cóireála a sholáthar. Féadfaidh na comhpháirtithe gnó seo faisnéis a sholáthar ar nós UPSP, dáta breithe agus seoladh an chliaint. Ina theannta sin, féadfaidh urraitheoirí Fostaíochta Pobail faisnéis a sholáthar maidir le hoiliúint agus oideachas agus taithí oibre a dtugann cliant fúthu mar chuid dá rannpháirtíocht sa Scéim Fostaíochta Pobail. Cuireann sé seo ar chumas na roinne an soláthraí a mhaoiniú ionas go soláthraítear an tseirbhís/íocaíocht ábhartha don duine lena mbaineann. Ina theannta sin, féadfaidh fostóirí na Scéime Fóirdheontais Pá faisnéis a chur ar fáil maidir le stádas fostaíochta cliaint, uaireanta an chloig oibrithe agus olltuilleamh. Cuireann sé seo ar chumas na Roinne an Íocaíocht Fóirdheontais Pá chuí a sholáthar don fhostóir sin.
Baineann Comhpháirtithe Leasa úsáid as bonneagar deimhnithe dhigitigh ROS na gCoimisinéirí Ioncaim chun úsáideoirí gnó a fhíordheimhniú agus féadfaidh siad an fhaisnéis seo a leanas a bhailiú ó gach úsáideoir den láithreán:
5.3.4 Is seirbhís fógraíochta agus meaitseála poist ar líne é JobsIreland.ie (www.jobsireland.ie) a chuireann ar chumas úsáideoirí clárú mar fhostóir agus folúntais phoist a fhógairt ar líne nó clárú mar chuardaitheoir poist agus a bpróifíl a chur ar líne chun cabhrú leo folúntais a chuardach agus a mheaitseáil. Faigheann cuardaitheoirí poist rochtain ar shuíomh gréasáin jobsireland.ie trí shuíomh gréasáin MyGovID, ar modh é chun rochtain a fháil ar sheirbhísí ar líne an rialtais ar bhealach sábháilte agus slán. Ní bhailíonn láithreán gréasáin JobsIreland.ie aon sonraí pearsanta, seachas faisnéis a thugann tú go deonach (mar shampla, nuair a bhíonn foirm á líonadh agat) agus do sheoladh IP.
Cuireann suíomh gréasáin JobsIreland.ie ar chumas an úsáideora a chuntas pearsanta a chruthú agus a líonadh isteach, logáil isteach agus a gcéannacht a fhíordheimhniú trí phasfhocal a úsáid; na sonraí pearsanta atá stóráilte ar a bpróifíl a nuashonrú; a bpasfhocal a athrú; agus a iarraidh go scriosfaí a bpróifíl. Mar chuid den phróiseas chun aitheantas duine a fhíordheimhniú chun rochtain a fháil ar Jobsireland.ie, féadfaidh tairseach aitheantais MyGovID do shonraí aitheantais seirbhíse poiblí amhail UPSP agus dáta breithe a roinnt le ranna/gníomhaireachtaí Rialtais eile a úsáideann MyGovID, agus le seirbhísigh agus gníomhairí na roinne i gcomhréir leis an dlí. Sula logálann duine isteach ar JobsIreland.ie, cuirtear in iúl dóibh go bhfuil siad ag aontú a gcuid sonraí pearsanta agus sonraí teagmhála a roinnt leis an gcomhlacht rialtais a bhfuil sé i gceist acu rochtain a fháil ar a gcuid seirbhísí ar líne.
D'fhéadfadh suíomh gréasáin JobsIreland.ie an t-eolas seo a leanas a bhailiú ó gach úsáideoir ar an suíomh:
5.3.5 Is seirbhís ar líne é clárú SAFE ar líne is féidir le sealbhóirí áirithe Pasanna Éireannacha a úsáid chun a gcéannacht a fhíordheimhniú, Cárta Seirbhísí Poiblí agus cuntas fíoraithe MyGovID a fháil. Is féidir an tseirbhís a íoslódáil saor in aisce ó ardáin Apple agus Google.
Tá clárú SAFE ar líne roghnach; is féidir le haon duine cáilitheach ar gá dó nó di a c(h)éannacht nó ar mian leis nó léi a c(h)éannacht a fhíordheimhniú trí chlárú SAFE an tseirbhís seo a úsáid nó is féidir leis nó léi freastal ar chlárú SAFE go pearsanta ag ceann d'oifigí na Roinne.
Déanann an tseirbhís seo macasamhlú ar chéimeanna an phróisis chláraithe SAFE go pearsanta agus baineann sí le húsáid aip fóin chliste atá forbartha ag an Roinn agus tógtha ag Daon, a fheidhmíonn mar phróiseálaí sonraí don Roinn maidir le próiseáil sonraí pearsanta a dhéanann an aip.
Próiseálann an aip na sonraí pearsanta seo a leanas do gach duine a úsáideann an tseirbhís chlárúcháin SAFE ar líne:
Úsáidtear an aip chun do phas a fhíorú agus teimpléid bhithmhéadracha a chruthú ó na grianghraif atá stóráilte ar do phas agus ar a shlis, agus ó ghrianghraf féinín. Déanann an aip comparáid idir na grianghraif sin agus, má mheaitseálann siad, aistrítear na sonraí pearsanta a bhailíonn an aip chuig an Roinn agus scriostar iad ó fhreastalaithe Daon.
Ní úsáidtear na sonraí pearsanta seo chun aon chríocha eile agus ní stóráiltear aon sonraí pearsanta ar d'fhón cliste.
An phróiseáil bhithmhéadrach a dhéanann an aip, tá sí ar leithligh ón bpróiseáil bhithmhéadrach a dhéanann an Roinn nuair a chruthaíonn sí teimpléad bithmhéadrach chun do ghrianghraf a chur i gcomparáid leis na grianghraif atá ina seilbh cheana féin, chun críche fíordheimhniú céannachta (féach roinn 12.4 thíos); ní roinntear an teimpléad seo le Daon.
Seachas na sonraí a phróiseálann an aip, próiseálann an Roinn sonraí pearsanta eile mar chuid den tseirbhís chlárúcháin SAFE ar líne, a liostaítear thíos;
Ní roinntear na sonraí seo le Daon agus is í an Roinn amháin a phróiseálann iad.
Déanann oifigeach de chuid na Roinne athbhreithniú ar na sonraí pearsanta go léir a chuirtear ar fáil mar chuid den phróiseas clárúcháin SAFE ar líne; ní dhéantar aon chinnteoireacht uathoibrithe, san aip ná ar chóras ríomhaireachta na Roinne.
Tá tuilleadh eolais ar fáil inár gCeisteanna Coitianta maidir le Clárú SAFE Ar Líne
5.4 Úsáideann an roinn cuntais meán sóisialta chun cumarsáid a dhéanamh leis na daoine a úsáideann a seirbhísí agus le páirtithe leasmhara eile. Breathnaítear ar theachtaireachtaí nó ar phoist a fhaigheann an Roinn ar na hardáin sin agus déantar tuilleadh próiseála ar na sonraí, mar shampla, má fhaightear ceist maidir le héileamh nó próiseas iarratais. Freagraítear an cheist go díreach nó seoltar í chuig an aonad ábhartha seirbhíse do chustaiméirí le haghaidh gníomhaíochta.
5.5 Baineann cuid d'oifigí na roinne úsáid as teilifís chiorcaid iata (TCI) chun cabhrú le slándáil a bhainistiú agus daoine a choinneáil slán. Más tionónta i bhfoirgneamh í an roinn, féadfaidh an tiarna talún óna bhfuil an t-áitreabh ar cíos (nó cuideachta bainistíochta), nó cuideachta a sholáthraíonn seirbhísí don oifig, seirbhísí TCI a sholáthar. I gcás roinnt foirgneamh tá conradh ag Oifig na nOibreacha Poiblí leis an gcuideachta a chuireann seirbhísí TCI ar fáil. Tugann comharthaí inár n-oifigí comhairle do na daoine ar cheart duit teagmháil a dhéanamh leo maidir le haon ábhar a bhaineann le CCTV a úsáid. Is é Airteagal 6(1(f) RGCS an bunús dlí le haghaidh próiseáil TCI i.e. ní mór é a bheith riachtanach le haghaidh leasanna dlisteanacha na roinne. De ghnáth, coimeádtar taifid TCI ar feadh tréimhse 28 lá. Sa chás go dtarlaíonn teagmhas nó go bhfuil amhras ann go ndearnadh cion, is féidir cóip de scannánaíocht TCI a choinneáil ar feadh tréimhse níos faide, agus is féidir í a chur ar fáil don Gharda Síochána nó do chomhlachtaí eile a bhfuil cumhachtaí imscrúdaithe acu, chun imscrúdú agus imeachtaí cúirte a cheadú.
5.6 Baineann suíomhanna gréasáin na roinne úsáid as fianáin áirithe. Is féidir ár Ráiteas Fianán a fheiceáil anseo
5.7 Ní dhéanann an roinn glaonna teileafóin ó chustaiméirí a thaifeadadh. Le linn glaonna ó chustaiméirí, féadfar sonraí pearsanta a roinntear leis an Roinn a úsáid chun ceisteanna a fhreagairt go díreach nó féadfar iad a atreorú chuig aonaid eile seirbhíse do chustaiméirí chun go ndéileálfar leo de réir mar is cuí. Féadfar nótaí a bhaineann le hábhar an chomhrá teileafóin a thaifeadadh i gcomhad leictreonach nó i gcomhad páipéir.
5.8 D’fheadfadh an roinn úsáid a bhaint as feidhmchláir físchomhdhála ar líne chun bualadh le daoine a mbíonn ag idirghníomhú leis an Roinn chun críocha gnó nó chun glao a chur orthu. I measc na faisnéise a d’fheadfaí a bhailiú le linn na hidirghníomhachtaí seo tá, ainm, seoladh ríomhphoist, grianghraf (má tá sé uaslódáilte ag an úsáideoir mar chuid dá p(h)róifíl), uimhir ghutháin agus seoladh IP.
Braitheann an bunús dlí chun sonraí pearsanta a phróiseáil ar an gcuspóir a bhfuil an phróiseáil á déanamh ina leith.
6.1 Is iad na príomhbhunúis dlí faoin RGCS ar a bhfuil an roinn ag brath chun críocha sonraí pearsanta a phróiseáil ná Airteagal 6 (1) (c) agus / nó 6 (1) (e): .i.
Airteagal 6 (1) (c) : is gá an phróiseáil a dhéanamh chun oibleagáid dhlíthiúil a bhfuil an rialaitheoir faoina réir a chomhlíonadh.
Airteagal 6 (1) (e) : is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe don rialaitheoir.
Tá an chuid is mó de na scéimeanna agus na seirbhísí a sholáthraíonn an roinn leagtha amach i reachtaíocht a sholáthraíonn an t-údarás don roinn, agus an oibleagáid, na seirbhísí lena mbaineann a sholáthar. Is í an phríomhreachtaíocht ná, an tAcht Comhdhlúite Leasa Shóisialaigh 2005 (arna leasú).
Ina theannta sin, tá na hAirteagail seo a leanas den Rialachán Ginearálta maidir le Cosaint Sonraí ábhartha freisin.
Airteagal 6 (1) (a) : i gcás ina bhfuil toiliú tugtha ag an ábhar sonraí a shonraí pearsanta nó a sonraí pearsanta a phróiseáil chun ceann amháin nó níos mó de chríocha sonracha. Sampla den chás go mbíonn toiliú i gceist is ea nuair a lorgaíonn soláthraithe Jobpath do thoiliú chun sonraí pearsanta áirithe a bhaineann leat a sholáthar do d'fhostóir nó nuair a roghnaíonn tú an tseirbhís chlárúcháin SAFE ar líne a úsáid chun d'aitheantas a fhíordheimhniú (is é an bunús dlí do chlárú SAFE ná an tAcht Comhdhlúite Leasa Shóisialaigh 2005 (arna leasú), ach má thoilíonn tú leis an tseirbhís ar líne seo a úsáid, braitheann an Roinn ar thoiliú do na gnéithe de phróiseáil sonraí pearsanta a dhéantar in aip).
Airteagal 6 (1) (b) : is gá an phróiseáil a dhéanamh chun conradh ar páirtí ann an t-ábhar sonraí a chomhlíonadh nó chun bearta a dhéanamh arna iarraidh sin ag ábhar sonraí sula ndéanfaidh sé nó sí conradh. (e.g. sonraí a phróiseáiltear i ndáil le hoibríochtaí scéime Fostaíochta Pobail).
Airteagal 6 (1) (d) : is gá an phróiseáil a dhéanamh chun leasanna ríthábhachtacha an ábhair sonraí nó duine nádúrtha eile a chosaint. (e.g. i gcás ina bhfuil an roinn i seachadadh a seirbhísí ina hábhar imní maidir le folláine ábhair sonraí, féadfaidh sí an duine lena mbaineann a tharchur chuig soláthraí/gníomhaireacht sainseirbhíse eile)
Airteagal 6 (1) (f) : is gá an phróiseáil a dhéanamh chun críocha na leasanna dlisteanacha atá á saothrú ag an rialaitheoir nó ag tríú páirtí, seachas i gcás ina mbeidh sáraíocht ag na leasanna sin ar leasanna nó ar chearta bunúsacha agus ar shaoirsí bunúsacha an ábhair sonraí, lena gceanglaítear go ndéanfar sonraí pearsanta a chosaint, go háirithe más leanbh é an t-ábhar sonraí. Ní bhaineann an bunús dlí seo le próiseáil a dhéanann an roinn agus ár gcúraimí á gcomhlíonadh againn. Baineann sé le sonraí pearsanta de chuid bhaill foirne na roinne a phróiseáil agus an caidreamh fostaíochta á riar.
A mhéid a phróiseálann an roinn catagóirí speisialta sonraí pearsanta, lena n-áirítear sonraí bithmhéadracha agus sonraí a bhaineann le sláinte duine, is iad seo a leanas na bunúis dlí ar a bhfuil an roinn ag brath go príomha
Airteagal 9 (2) (b) : is gá an phróiseáil a dhéanamh chun oibleagáidí agus cearta sonracha a chomhlíonadh i réimse dhlí na fostaíochta agus na slándála sóisialta agus na cosanta sóisialta;
Airteagal 9 (2) (g) : is gá an phróiseáil a dhéanamh ar mhórchúiseanna leasa an phobail
Airteagal 9 (2) (h) : is gá an phróiseáil a dhéanamh chun acmhainneacht oibre a mheasúnú agus chun córais agus seirbhísí cúraim shóisialta a sholáthar agus a bhainistiú.
6.2 Feidhmíonn an roinn faoi roinnt Achtanna a fhorálann gur féidir sonraí pearsanta a phróiseáil go dlíthiúil. Is é an Príomh-Acht an tAcht Comhdhlúite Leasa Shóisialaigh 2005 (comhdhlúthú reatha), arna leasú. Is féidir breathnú ar chomhdhlúthú riaracháin Acht 2005 anseo. Tá roinnt píosaí eile reachtaíochta príomhúla agus tánaisteacha ann freisin a ligeann don roinn sonraí pearsanta a phróiseáil. Más mian leat tuilleadh eolais a fháil fúthu seo, féach an liosta atá san áireamh in Aguisín 1.
6.3 Tá an Roinn i dteideal freisin sonraí pearsanta a phróiseáil faoi fhorálacha reachtaíochta eile a chuireann bonn ar fáil do gach roinn Rialtais chun seirbhísí agus tacaíochtaí a riar agus chun sonraí a chomhroinnt chun na gcríoch sin.
6.4 Déileálann LED le próiseáil sonraí pearsanta ‘chun críocha fhorfheidhmiú an dlí’ ag rialaitheoirí sonraí a thagann faoin sainmhíniú ar a bheith ina ‘údarás inniúil’ chun críocha LED, arna thrasuí i ndlí na hÉireann, go príomha le Roinn 5 den Acht um Chosaint Sonraí 2018.
6.5 Sainmhínítear in Alt 70 den Acht um Chosaint Sonraí 2018 raon feidhme na próiseála ar shonraí pearsanta a thagann faoin gcuid sin den Acht. Luaitear ann go bhfuil feidhm ag Roinn 5 den Acht maidir le próiseáil sonraí pearsanta a dhéantar
“chun críocha (i) cionta coiriúla a chosc, a imscrúdú, a bhrath nó a ionchúiseamh, lena n-áirítear coimirciú a dhéanamh in aghaidh bagairtí don tslándáil phoiblí agus na bagairtí sin a chosc, nó (ii) pionóis choiriúla a fhorghníomhú...”
6.6 Sainmhínítear an téarma 'údarás inniúil' in Alt 69 den Acht um Chosaint Sonraí 2018 mar, inter alia,
"Údarás poiblí atá inniúil chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú sa Stát, lena n-áirítear coimirciú a dhéanamh in aghaidh bagairtí don tslándáil phoiblí agus na bagairtí sin a chosc".
6.7 I gcás gníomhaíochtaí próiseála áirithe a dhéanann sí, is 'údarás inniúil' í an roinn chun críocha Chuid 5 d'Acht 2018.
6.8 Is é Alt 71(2) den Acht um Chosaint Sonraí 2018 an bunús dlí atá ag an Roinn chun sonraí pearsanta a phróiseáil mar 'údarás inniúil' ina bhforáiltear:
“Beidh próiseáil sonraí pearsanta dleathach más rud é, agus sa mhéid –
(a) Go bhfuil an phróiseáil riachtanach chun feidhm rialaitheora a chomhlíonadh chun críche a shonraítear in alt 70(1)(a) agus tá bunús dlí ag an bhfeidhm i ndlí an Aontais Eorpaigh nó i ndlí an Stáit....”
6.9 Forálann an tAcht Leasa Shóisialaigh (Comhdhlúthú) 2005 arna leasú, go háirithe Ailt 250 – 279 den Acht sin, do chalaois leasa shóisialaigh a chosc, a bhrath, a imscrúdú agus a ionchúiseamh. Is féidir breathnú ar chomhdhlúthú riaracháin Acht 2005 anseo .
Tugtar sonraí sa Straitéis um Chomhlíonadh agus Frith-Chalaoise 2024-2028 ar an gcineál gníomhaíochtaí rialaithe a dhéanann an roinn.
7.1 Déanaimid sonraí pearsanta a phróiseáil chun na críocha seo a leanas:
7.1.1 Uimhreacha pearsanta seirbhíse poiblí (UPSPanna) a sholáthar.
7.1.2 Céannacht a bhailíochtú agus a fhíordheimhniú, clárúcháin SAFE a dhéanamh agus Cártaí Seirbhísí Poiblí (CSPanna) a sholáthar mar chomhartha clárúcháin den sórt sin. Cuirtear sonraí PSI ar fáil freisin chun tacú le fíordheimhniú céannachta ag comhlachtaí sonraithe eile – is féidir tuilleadh sonraí a fháil sa Treoir chuimsitheach maidir le clárú SAFE agus sa chárta seirbhíse poiblí .
7.1.3 Ranníocaíochtaí árachais shóisialta a bhailiú agus a cheangal le daoine sonracha inaitheanta d'fhonn aon teidlíocht ar scéimeanna agus íocaíochtaí áirithe a thaifeadadh i gceart anois nó amach anseo - mar shampla an Pinsean Ranníocach Stáit.
7.1.4 Chun seiceáil a dhéanamh ar incháilitheacht duine chun rochtain a fháil ar aon scéimeanna a bhaineann le haois oibre nó breoiteacht agus má tá sé nó sí incháilithe, socrú a dhéanamh chun an méid ábhartha a íoc leis an duine lena mbaineann.
7.1.5 Iarratais a phróiseáil le haghaidh aon cheann den réimse fostaíochta nó tacaíochtaí eile a chuirimid ar fáil agus le haghaidh seirbhísí gaolmhara.
7.1.6 Seirbhísí agus tacaíochtaí a chur ar fáil d'fhostóirí.
7.1.7 Chun tacaíochtaí a chur ar fáil do dhaoine a chailleann a bpost mar gheall ar iomarcaíocht nó dócmhainneacht fostóra.
7.1.8 Conarthaí le soláthraithe seirbhíse seachtracha a láimhseáil.
7.1.9 Déileáil le gearáin faoi sheirbhís do chustaiméirí.
7.1.10 Chun freagra a thabhairt ar cheisteanna agus iarratais seirbhíse ó dhaoine (e.g. chun ráitis ar ranníocaíochtaí a rinneadh agus íocaíochtaí a fuarthas a sholáthar).
7.1.11 Íocaíochtaí a dhéanamh le daoine.
7.1.12 Athbhreithniú agus seiceáil a dhéanamh ar theidlíocht leanúnach aon duine tacaíochtaí agus seirbhísí ioncaim a fháil. Mar shampla, seoltar thart ar gach foirm 18 mí chuig formhór na n-éilitheoirí Sochair Linbh. Ní mór na foirmeacha a chomhlánú agus a chur ar ais chuig an Roinn mar go gcuidíonn siad linn a chinneadh ar cheart leanúint leis an íocaíocht. Mura gcomhlánaítear na foirmeacha, cuirfidh an Roinn na híocaíochtaí Sochair Linbh ar fionraí.
7.1.13 Athbhreithniú a dhéanamh ar úsáid ár scéimeanna agus seirbhísí chun bonn eolais a chur faoi mheasúnú agus faoi fhorbairt polasaí.
7.1.14 Chun cabhrú le bainistíocht ár scéimeanna agus seirbhísí agus chun aon chalaois nó earráid in íocaíocht sochar a bhrath agus a leigheas.
7.1.15 Le haghaidh feidhmeanna acmhainní daonna inmheánacha.
7.1.16 Ar mhaithe le himeachtaí saoil, ar nós uchtuithe, breitheanna, básanna, póstaí nó marbh-bhreitheanna a chlárú; teastais maidir le himeachtaí saoil a eisiúint; a chinntiú go bhfuil póstaí bailí de réir an dlí; agus sollúnú na bpóstaí.
I gcásanna áirithe, féadfar sonraí a roinnt le heagraíochtaí eile freisin, de réir na reachtaíochta agus mar atá leagtha amach i gCuid 9
7.2 Cinnteoireacht Uathoibrithe
Is éard is cinneadh uathoibrithe ann cinneadh a dhéanann córas ríomhaireachta go hiomlán, gan idirghabháil ó dhuine dár n-oifigigh.
Baineann an roinn úsáid as roinnt próiseas cinnteoireachta uathoibrithe, ach i ngach cás, tá an cinneadh uathoibrithe teoranta do dhámhachtain rathúil íocaíochta nó seirbhíse. Ní bhfaighidh duine fógra uathoibrithe ach amháin má d'éirigh leo ina n-éileamh. Ciallaíonn sé seo, i gcás ina léiríonn córas ríomhaireachta nach féidir le duine cáiliú le haghaidh íocaíochta, déanfaidh an córas an t-iarratas lena mbaineann a tharchur chuig oifigeach de chuid na roinne. Déanann an t-oifigeach sin athbhreithniú ar an iarratas agus cinneann sé teidlíocht agus is é an t-oifigeach sin a chomhfhreagróidh leis an duine lena mbaineann.
Ar an mbealach seo, níl aon chás ann ina ndiúltódh córas ríomhaireachta íocaíocht do dhuine. Ina theannta sin, tá sé de cheart i gcónaí ag custaiméirí achomharc a dhéanamh i gcoinne cinnidh agus/nó athbhreithniú a lorg ar chinneadh a rinne an Roinn.
7.3 Próifíliú
Is éard atá i gceist le próifíliú ná sonraí pearsanta agus sonraí eile a phróiseáil chun bonn eolais a chur faoi chinntí gnó nó seirbhísí do chustaiméirí. Úsáideann an roinn teicnící próifílithe in dhá réimse – measúnú ar infhostaitheacht duine agus measúnú ar riosca calaoise agus earráide a d'fhéadfadh a bheith ann.
7.3.1 Mar a fhoráiltear in Alt 244A den Acht Leasa Shóisialaigh (Comhdhlúthú) 2005 arna leasú agus in Ionstraim Reachtúil 373/2012, úsáideann an Roinn sonraí pearsanta chun measúnú a dhéanamh ar an dóchúlacht go bhfaighidh cuardaitheoirí poist dífhostaithe fostaíocht.
Is éard atá i gceist leis an measúnú seo ná ceistneoir a bheith comhlánaithe ag an gcuardaitheoir poist lena mbaineann. Cuidíonn an t-eolas seo, dá réir sin, leis an gcur chuige a ghlacann an Roinn maidir le tacaíochtaí fostaíochta agus seirbhís a sholáthar don duine lena mbaineann.
7.3.2 Déanann an roinn anailís freisin ar threochtaí agus ar phatrúin íocaíochtaí éilitheora chun cásanna féideartha a aithint ina bhfuil riosca calaoise agus earráide níos airde ná an gnáthriosca. Roghnaítear na cásanna sin ansin lena n-athbhreithniú, agus ar mhaithe le gníomhaíocht más cuí.
8.1 Stóráil Leictreonach Do Shonraí Pearsanta
Stóráiltear sonraí pearsanta a stórálann an roinn go leictreonach ar ár gcórais inmheánacha TFC (Teicneolaíochtaí Faisnéise agus Cumarsáide) atá lonnaithe i lárionaid sonraí atá slán, faoi úinéireacht agus á n-oibriú ag an roinn. Tá na córais seo cosanta go hiomlán ag bogearraí frithvíreas agus frith-malware. Áirítear le sonraí leictreonacha cóipeanna scanta d'fhoirmeacha iarratais, fianaise ar aitheantas, faisnéis teagmhála, faisnéis airgeadais, sonraí teaghlaigh, gnóthachtálacha oideachais agus oiliúna, cóipeanna de chomhfhreagras leictreonach, ranníocaíochtaí árachais shóisialta, stair fostaíochta agus stair éilimh.
Tá rochtain ar shonraí pearsanta teoranta do na baill foirne sin a dteastaíonn an fhaisnéis uathu chun a ndualgais oifigiúla a chomhlíonadh. Rialaítear rochtain trí ainm úsáideora agus pasfhocal uathúil a bheith ag gach ball foirne agus trí ainmneacha úsáideora a bheith nasctha leis na ceadanna íosta is gá chun ligean don bhall foirne oibriú i dtimpeallacht shlán agus gan rochtain a fháil ach ar na sonraí pearsanta a theastaíonn uathu dá bpoist. Ina theannta sin, níl cead ag ár mbaill foirne déileáil le héilimh ó ghaolta, dlúthchairde agus comhghleacaithe / iar-chomhghleacaithe a bhfuil aithne phearsanta acu orthu.
Stóráiltear roinnt sonraí pearsanta a sholáthraíonn cliaint do chonraitheoirí a choinníonn an Roinn chun seirbhísí a sholáthar thar a ceann (mar shampla JobsIreland online jobsite, Local Employment or Community Employment Services) in Éirinn ag conraitheoirí tríú páirtí atá faoi réir RGCS agus a gceanglaítear orthu faoi chonradh leis an Roinn cloí le beartais shonraithe maidir le sonraí a bhailiú, a phróiseáil agus a stóráil.
8.2 Stóráil Comhaid Cóipe Crua (Páipéar)
I gcás ina bhfuil taifid pháipéir ina bhfuil sonraí pearsanta duine i seilbh na roinne, stóráiltear iad sin ar chomhaid aonair a choinnítear in áitreabh slán. I gcás ina bhfuil comhaid phearsanta á stóráil ag soláthraithe seachtracha, ní féidir ach le foireann an tsoláthraí rochtain fhisiciúil a fháil ar na comhaid. Tá aisghabháil comhad teoranta do bhaill foirne ainmnithe laistigh den roinn agus ní sheachadfar iad ach chuig oifigí cláraithe na roinne. Seachadtar na comhaid iarrtha chuig an oifig iarrthacha tríd an bpost cláraithe nó trí chúiréir slán trí sheachadadh taifeadta. Ní thabharfar cóipeanna boga de chomhaid, más gá, ach do bhaill foirne réamhcheadaithe na roinne.
Baintear é seo amach trí shlándáil fhisiciúil, áit a bhfuil rochtain ar oifig roinne le cárta svaidhpeála nó cárta rochtana agus áit a ndéantar cuairteoirí a scagadh, a shíniú isteach agus a thionlacan ag ball foirne, ionas nach féidir leo rochtain a fháil ar aon sonraí pearsanta atá stóráilte ag an roinn
9.1 Féadfaidh an roinn faisnéis a roinnt le heagraíochtaí eile agus faisnéis a fháil uathu. Ceadaíonn an tAcht Comhdhlúite Leasa Shóisialaigh 2005 (arna leasú) sonraí a roinnt le comhlachtaí poiblí, lena n-áirítear faisnéis maidir le híocaíochtaí ioncaim agus leasa shóisialaigh agus sonraí aitheantais na seirbhíse poiblí. Is féidir leis an roinn sonraí aitheantais seirbhíse poiblí duine a roinnt le raon eagraíochtaí, atá liostaithe i sceideal 5 den Acht sin agus atá le fáil anseo ar Leathanaigh 542 go 544 Déanann reachtaíocht a rialaíonn comhlachtaí eile foráil maidir le faisnéis phearsanta a roinnt leis an roinn.
Oibríonn an Roinn go dlúth le codanna eile den rialtas, le heagraíochtaí neamhrialtasacha agus le heagraíochtaí pobail chun cuidiú, le go leor tacaíochtaí agus seirbhísí a chur ar fáil. Áirítear orthu sin seirbhísí amhail soláthar tacaí ioncaim, seirbhísí fostaíochta, slándáil shóisialta, seirbhísí d'fhostóirí, agus seirbhísí eile do leanaí, mic léinn, daoine ag an obair, iad siúd atá faoi mhíchumas/faoi mhíchumas nó atá ar scor.
Agus é ag gníomhú mar údarás poiblí a sholáthraíonn seirbhísí agus tacaíochtaí ioncaim, beidh comhroinnt sonraí pearsanta ag cloí le ceanglais an RGCS. Agus sonraí á gcomhroinnt chun calaois leasa shóisialaigh a chosc, a bhrath, a imscrúdú nó a ionchúiseamh, tá an Roinn ag gníomhú mar 'údarás inniúil' agus is é an creat reachtach cuí an Treoir maidir le Forfheidhmiú an Dlí agus Roinn 5 den Acht um Chosaint Sonraí 2018 (Féach alt 6).
9.2 Oibríonn an roinn agus na Coimisinéirí Ioncaim go dlúth le chéile, agus roinneann siad faisnéis ar bhonn leanúnach. Tá sé seo amhlaidh toisc go dtéann an méid a thuilleann duine agus an ÁSPC a íocann duine i bhfeidhm ar theidlíochtaí leasa shóisialaigh. Bíonn tionchar ag sochair, pinsin agus íocaíochtaí eile a fhaigheann duine ón Roinn ar an méid cánach a d'fhéadfadh a bheith le híoc acu, nó ar na creidmheasanna cánach a fhéadfaidh na Coimisinéirí Ioncaim a cheadú.
Roinntear faisnéis idir an dá eagraíocht freisin chun calaois amhrasta a chosc agus a bhrath
nó gníomhaíocht éagórach a d'fhéadfadh a bheith ina chúis le híocaíochtaí míchearta a bheith á ndéanamh ag an Roinn agus/nó íocaíochtaí cánach leis na Coimisinéirí Ioncaim a sheachaint.
Áirítear le faisnéis phearsanta a mhalartaítear leis na Coimisinéirí Ioncaim, sonraí a aithint, sonraí a bhaineann le fostóirí, ranníocaíochtaí ÁSPC a íocadh, tuilleamh, ioncam agus íocaíochtaí leasa shóisialaigh a rinneadh.
9.3 Is iad seo a leanas na catagóirí eagraíochtaí eile a roinnfeadh an roinn faisnéis leo nó a gheobhadh faisnéis uathu de ghnáth:
aisíocaíocht ón gciste. Sampla eile is ea faisnéis ioncaim agus aitheantais a roinnt leis an Roinn Leanaí agus Gnóthaí Óige le haghaidh iarratas ar chúram leanaí.
Ranna/Gníomhaireachtaí ar nós an Garda Síochána chun cionta a chosc, a bhrath, a imscrúdú agus a ionchúiseamh. Ceadaíonn Alt 41(b) den Acht um Chosaint Sonraí 2018 dúinn é seo a dhéanamh.
10.1 D’fhéadfaí go mbeadh ócáidí ann nuair a chaithfí sonraí pearsanta a aistriú lasmuigh den Limistéar Eorpach Eacnamaíoch (LEE). (Áirítear leis an LEE, tíortha an Aontais Eorpaigh, agus An Íoslainn, An Iorua, agus Lichtinstéin). Nuair a aistríonn muid faisnéis chuig tíortha lasmuigh den LEE, gníomhaíonn muid i gcónaí lena chinntiú go ndéantar aon aistriú faisnéise a bhainistiú go cúramach chun cearta príobháideachais faoi RGCS a chosaint.
10.2 Tá comhaontuithe déthaobhacha ag an roinn le roinnt tíortha lasmuigh den LEE atá liostaithe in Aguisín 2 . Is comhaontuithe iad seo atá ceangailteach ó thaobh dlí, a bhfuil sé mar phríomhchuspóir acu cearta pinsin daoine a d'oibrigh agus a d'íoc ranníocaíochtaí slándála sóisialta in Éirinn agus sna tíortha sin a chosaint. Baintear é seo amach trí chead a thabhairt ranníocaíochtaí slándála sóisialta ináirithe a íoctar i gceann de na tíortha seo a chomhiomlánú le ranníocaíochtaí árachais shóisialta ar ráta iomlán na hÉireann chun cáiliú d'íocaíochtaí áirithe ranníocacha in Éirinn nó sna tíortha eile sin. Déileálann na comhaontuithe freisin le stádas slándála sóisialta na n-oibrithe a chuirtear ar shannacháin shealadacha ó thír amháin go tír eile. Déantar foráil sna comhaontuithe sin maidir le réimse beart, lena n-áirítear malartú faisnéise, a bhfuil gá leo chun a bhforálacha a chur chun feidhme.
Déantar aon aistriú sonraí chuig tríú tíortha a choimirciú i gcomhréir le Caibidil V RGCS.
11.1 Coimeádtar taifid ranníocaíochtaí árachais shóisialta, UPSP, sonraí éilimh roimhe seo agus sonraí céannachta ar feadh shaolré an duine lena mbaineann móide tréimhse deich mbliana. Tá sé seo riachtanach ar roinnt cúiseanna:
Ar an gcéad dul síos, ionas gur féidir le duine teidlíocht ar sheirbhísí agus ar shochair a éileamh – a bhféadfadh sé nach mbeadh go leor díobh dlite go dtí go dtarlódh teagmhas áirithe le linn shaolré duine – nach féidir a dháta a bheith ar eolas, mar shampla breoiteacht, míchumas, freagrachtaí cúraim nó baintreachas.
Ar an dara dul síos, tá UPSP agus sonraí céannachta ríthábhachtach chun calaois aitheantais a chosc, a bhrath agus a ionchúiseamh, rud a d'fhéadfadh tarlú arís ag tráth anaithnid. Tá sé ríthábhachtach freisin maidir le riarachán éifeachtach cásanna eastáit (i.e. íocaíochtaí a dhéantar nó a aisíoctar tar éis do dhuine bás a fháil). D'fhéadfadh go dtógfadh cásanna eastáit réadaigh roinnt blianta le réiteach.
Ar an tríú dul síos, tá gá le sonraí éilimh roimh ré toisc go bhféadfadh sé difear a dhéanamh do theidlíocht íocaíochtaí amach anseo, toisc gur féidir le duine, faoin dlí, athbhreithniú a iarraidh i ndáil le haon chinneadh éilimh tráth ar bith. Chomh maith leis sin
a d'fhéadfadh a bheith riachtanach chun bonn eolais a chur faoi imscrúdú ar chalaois nó earráid roimhe sin a bhraitear tráth éilimh nó teagmhais saoil ina dhiaidh sin.
11.2 Féadfar doiciméid lena dtacaítear le sonraí éilimh agus céannachta (e.g. doiciméid lena bhfianaítear ioncam agus céannacht) a choinneáil fad a choinnítear na sonraí éilimh agus céannachta. Tá gá leis sin chun tacú le hionchúiseamh agus réiteach aon saincheiste a d'fhéadfadh teacht chun cinn a bhaineann le teidlíocht duine ar sheirbhís nó ar shochar nó ar a gcéannacht. Mar shampla, fiú nuair a dhúntar éileamh nó nuair a thagann deireadh le seirbhís, d'fhéadfadh saincheisteanna teacht chun cinn nuair a bhíonn eastát duine á shocrú, nuair a éilíonn an duine sochar nó seirbhís eile ina dhiaidh sin nó nuair a fhéachann duine eile le seirbhís nó sochar a éileamh in ainm an chéad duine. Ina theannta sin, is féidir iarraidh ar an Roinn ag am ar bith céannacht aon duine ar eisigh sí UPSP dó/di a fhíorú
11.3 Sa chás go mbailítear nó go bpróiseáiltear sonraí (seachas ranníocaíocht árachais shóisialta, UPSP, aitheantas agus sonraí éilimh) mar chuid de chaidreamh leanúnach roinne/cliant, féadfar iad a choinneáil ar feadh shaolré an chaidrimh sin móide deich mbliana. (Mar shampla, coimeádfar sonraí a bhaineann le soláthar seirbhísí fostaíochta do dhuine fad is atá an duine i gceist ag fáil seirbhísí fostaíochta móide suas le deich mbliana). Cuireann coinneáil na sonraí ar feadh tréimhse suas le deich mbliana tar éis dheireadh an chaidrimh seirbhíse dírí ar chumas na roinne rochtain a fháil ar stair seirbhíse roimhe seo i gcás go rachaidh an duine lena mbaineann i dteagmháil leis an tseirbhís arís ar dháta amach anseo.
11.4 I gcás ina mbailítear sonraí idirbheartaíochta eile, scriosfar iad a luaithe a sheirbheálfar a gcuspóir. Sampla de seo is ea nuair is féidir leis an roinn liostaí custaiméirí a ghiniúint le haghaidh cuirí chuig aontaí poist. Scriostar na liostaí sin laistigh de shé mhí tar éis an t-imeacht ábhartha a thabhairt chun críche.
11.5 Déantar sonraí a bhailíonn an tSeirbhís um Chlárú Sibhialta (atá á bainistiú ag Oifig an Ard-Chláraitheora) a choimeád go buan chun críocha lena n-áirítear, mar fhoinse do staitisticí ríthábhachtacha ar mhaithe le taighde stairiúil agus ginealaigh, agus lena n-úsáid i gceapadh beartais.
12.1 An úsáidfear do shonraí pearsanta a bailíodh chun aon chríche eile?
Mar a luadh cheana, tá cead ag an roinn de réir an dlí sonraí pearsanta a bhailiú agus a phróiseáil ar raon cúiseanna. Tá cead againn freisin sonraí pearsanta a bhailiú ar chúis ar leith agus iad a úsáid chun críche comhoiriúnach eile. Tá sé seo toisc go soláthraíonn an roinn raon leathan seirbhísí gaolmhara agus go mbeadh sé neamhphraiticiúil dúinn, agus míchaoithiúil don duine, dá n-iarrfaimis an fhaisnéis chéanna arís agus arís eile ar an duine arís agus arís eile.
12.2 Sampla de seo is ea an t-eolas a d'fhéadfadh duine a chur ar fáil d'éileamh Cuardaitheora Poist, ach is féidir an t-eolas seo a úsáid chun tacaíochtaí oideachais nó oiliúna a chur ar fáil ina dhiaidh sin, amhail an Liúntas Éadaí agus Coisbhirt don Scoilbhliain Nua nó an Liúntas Breosla. Ar an mbealach seo, is fearr is féidir linn cabhrú leis an duine lena riachtanais ioncaim agus dul ar aghaidh ó spleáchas ar íocaíocht leasa shóisialaigh go fostaíocht.
12.3 Sampla eile is ea go bhféadfaí faisnéis a d'fhéadfadh duine a sholáthar do Phinsean Stáit a úsáid chun ligean don chustaiméir pas saorthaistil nó pacáiste sochar teaghlaigh a fháil.
12.4 Sampla eile is ea próiseáil bhithmhéadrach grianghraf a sholáthraítear mar chuid de phróiseas fíordheimhnithe céannachta SAFE/eisiúint CSPanna. Cruthaíonn an phróiseáil bhithmhéadrach seo ar an ngrianghraf teimpléad uimhríochtúil a cheadaíonn comparáid bheacht a dhéanamh idir an grianghraf atá i gceist agus cinn eile atá i seilbh na roinne.
Cuidíonn sé sin, dá réir sin, le cásanna a shainaithint inar fhéach an duine céanna le clárú faoi dhó nó níos mó faoi ainmneacha éagsúla. Cuidíonn sé freisin le cásanna a aithint ina bhféachann duine le haitheantas duine eile a ghlacadh, rud a chosnaíonn i gcoinne goid aitheantais. Is í an roinn a dhéanann an phróiseáil bhithmhéadrach sin agus ní chomhroinntear an teimpléad uimhríochtúil a tháirgtear le haon chomhlacht sonraithe eile, ná ní stóráiltear ar an CSP é.
12.5. Mar a luaitear i Roinn 4 , is féidir sonraí pearsanta duine a phróiseáil más gá cinneadh a dhéanamh faoin méid atá le híoc le duine a bhaineann leat féin nó le do theaghlach nó a bhfuil tú ag tabhairt aire dó/di.
12.6. Sampla eile is ea go bhféadfaidh an roinn nó a gníomhairí teagmháil a dhéanamh le duine uaireanta chun a dtuairimí a lorg maidir lena dtaithí ar sheirbhís do chustaiméirí nó maidir le hábhair eile a bhaineann le scéimeanna agus seirbhísí na roinne. Is féidir liosta de na suirbhéanna a fheiceáil anseo.
Tá cearta áirithe ag ár gcustaiméirí uile (ábhair sonraí) faoin RGCS agus faoi na hAchtanna um Chosaint Sonraí:
13.1 An ceart chun faisnéise
Faoi Airteagal 13 agus 14 den RGCS, tá sé de cheart agat faisnéis a fháil faoi do shonraí pearsanta a phróiseálann an Roinn, lena n-áirítear:
Feidhmíonn an ráiteas príobháideachais seo chun an fhaisnéis thuas a sholáthar duit.
13.2 An ceart chun rochtain a fháil ar do shonraí pearsanta (an fhaisnéis atá againn fút)
Tá tú i dteideal iarraidh orainn cóipeanna a dhéanamh d'aon sonraí pearsanta de do chuid a bhailíomar agus a stórálamar. Is féidir iarratais den sórt sin a chur isteach i scríbhinn chuig Rannóg na nIarratas Rochtana Ábhair, Oifig na Seirbhísí Leasa Shóisialaigh, Lóiste na Sionainne, Cora Droma Rúisc, Co. Liatroma nó trí ríomhphost ag SARS@welfare.ie . Beidh orainn d'aitheantas a fhíorú sula ndéileálfaimid le haon iarraidh ar chóipeanna de do shonraí pearsanta. Faoin RGCS, tá mí amháin againn chun na hiarratais seo a phróiseáil.
13.3 An ceart chun ceartúcháin
Déanaimid iarracht i gcónaí a chinntiú go bhfuil an fhaisnéis atá againn fút cruinn agus cothrom le dáta. Uaireanta, b'fhéidir go n-iarrfaimid ort an fhaisnéis seo a fhíorú. Má athraíonn do chuid faisnéise nó má chreideann tú go bhfuil faisnéis againn nach bhfuil cothrom le dáta, cuir in iúl dúinn le do thoil. D'fhéadfadh sé seo a bheith ina fhaisnéis, mar do sheoladh, nuair a thosaíonn tú ag obair, nuair a bhíonn tú ag tuilleamh níos mó nó nuair a athraíonn sonraí do theaghlaigh.
Ní féidir linn ligean d'aon duine eile ach duit féin do chuid sonraí pearsanta a nuashonrú, mura bhfuil ionadaí pearsanta lán-údaraithe agat.
13.4 An ceart go ndéanfaí sonraí pearsanta a léirscriosadh
Tá sé de cheart ag gach duine a bhfuil sonraí ina leith ag an Roinn iarraidh ar an Roinn aon fhaisnéis atá á coimeád a scriosadh, faoi réir fhorálacha an RGCS. Mar atá leagtha amach i gCuid 11, i bhfianaise chineál na seirbhísí agus na sochar a sholáthraíonn an roinn, is gá don roinn roinnt sonraí a choinneáil ar feadh tréimhse fada ama.
Próiseálann an roinn sonraí pearsanta a bhailíonn sí toisc go bhfuil bunús reachtúil leis an bpróiseáil. Sa chás go bhfaigheann an roinn iarratas uait ag iarraidh do cheart scriosta a fheidhmiú, ansin déanfaidh an roinn measúnú ar cibé an bhfuil gá le scriosadh na sonraí lena mbaineann faoin RGCS. Agus é sin á dhéanamh aici, cuirfidh sí san áireamh an laghdódh aon scriosadh den sórt sin cumas na roinne seirbhísí a sholáthar duit, sláine a seirbhísí agus a híocaíochtaí a chinntiú, cearta daoine eile a gcuireann an roinn seirbhísí ar fáil dóibh a chosaint agus a feidhmeanna reachtúla a chomhlíonadh.
Más mian leat leas a bhaint as an gceart seo chun sonraí pearsanta a scriosadh, is féidir leat teagmháil a dhéanamh linn i scríbhinn nó trí ríomhphost. (Féach na sonraí teagmhála thíos i Roinn 14) .
13.5 An ceart chun srian a chur le próiseáil
I gcúinsí áirithe, tá sé de cheart agat iarraidh orainn srian a chur le próiseáil do chuid sonraí pearsanta. Déantar foráil dó seo faoi Airteagal 18 den RGCS. Déanfaidh an roinn measúnú ar cé acu is féidir nó nach féidir iarratas duine chun srian a chur le próiseáil a shonraí a chur chun feidhme.
Más mian leat leas a bhaint as an gceart seo, is féidir leat teagmháil a dhéanamh linn i scríbhinn nó trí ríomhphost (féach na sonraí teagmhála ag Roinn 14 )
13.6 An ceart chun agóid a dhéanamh
13.6.1 Tá sé de cheart agat agóid a dhéanamh i gcoinne phróiseáil do shonraí pearsanta sa chás go bhfuil an phróiseáil sin á déanamh:
Is féidir stop a chur le próiseáil sonraí pearsanta ar na cúiseanna thuas ach amháin má tá cúiseanna dlisteanacha láidre leis an bpróiseáil:
Más mian leat leas a bhaint as an gceart seo, is féidir leat teagmháil a dhéanamh linn i scríbhinn nó trí ríomhphost. (Féach na sonraí teagmhála ag Roinn 14). Ba cheart duit na sonraí pearsanta atá i gceist agus na cúiseanna a mheasann tú gur cheart srian a chur leis an bpróiseáil a leagan amach go soiléir. Deonóimid d'iarratas gan moill mhíchuí
Nó míniú a thabhairt duit cén fáth nach ndéanfaimid amhlaidh.
13.6.2 An ceart chun agóid a dhéanamh i gcoinne cinnteoireacht uathoibrithe, próifíliú san áireamh:
Tugann RGCS an ceart duit cur i gcoinne cinnteoireacht uathoibrithe ag córais ríomhaireachta na roinne, i gcás ina mbíonn tionchar dlíthiúil nó suntasach ort mar chustaiméir. Mar atá luaite i Roinn 7.2 , níl aon chás sa Roinn ina ndiúltófar íocaíocht do chustaiméir mar gheall ar chinneadh uathoibrithe.
13.7 An ceart chun iniomparthacht sonraí
Próiseálann an roinn sonraí pearsanta a bhailíonn sí de ghnáth toisc go bhfuil bunús reachtúil leis an bpróiseáil. Sa chás gur bhailigh an roinn do shonraí pearsanta trí thoiliú nó trí chonradh, tá sé de cheart agat na sonraí a fháil i bhformáid leictreonach le tabhairt do rialaitheoir sonraí eile.
Ní féidir an ceart sin a úsáid chun cur isteach ar phríomhfheidhmeanna na roinne – féach Roinn 1
Más mian leat leas a bhaint as an gceart seo, is féidir leat teagmháil a dhéanamh linn i scríbhinn nó trí ríomhphost ag leagan amach na sonraí ar mhaith leat a fháil agus an fhormáid inar mian leat iad a sheachadadh. (Féach na sonraí teagmhála thíos i Roinn 14 )
13.8 An ceart chun toiliú a tharraingt siar
I gcásanna ina mbraitheann an roinn ar do thoiliú chun críocha próiseála sonraí, féadfaidh tú an toiliú seo a tharraingt siar tráth ar bith. Más mian leat toiliú a tharraingt siar, déan teagmháil linn i scríbhinn nó trí ríomhphost ina leagtar amach an phróiseáil sonraí is mian leat a scor. (Féach na sonraí teagmhála thíos i roinn 14). Breithneoidh an roinn an bhfuil a ceart chun an phróiseáil sonraí seo a dhéanamh ag brath ar do thoiliú agus cuirfidh sí a cinneadh in iúl duit i scríbhinn.
13.9 An ceart chun fógra a fháil maidir le Sárú ar Shonraí
Is é an sainmhíniú a thugtar ar shárú i ndáil le sonraí pearsanta ná:
"sárú slándála as a dtiocfaidh díothú, cailleadh, athrú, nó nochtadh neamhúdaraithe sonraí pearsanta a rinneadh a tharchur, a stóráil nó a phróiseáil ar bhealach eile, nó rochtain neamhúdaraithe ar na sonraí sin, bíodh sé sin de thaisme nó neamhdhleathach,"
Sa chás go sárófar do chuid sonraí pearsanta, cuirfidh an Roinn é sin in iúl don Choimisiún um Chosaint Sonraí mura rud é nach dócha go mbeidh riosca ann do chearta agus do shaoirsí mar thoradh ar an sárú. Má mheastar go bhfuil riosca ard ann do chearta agus do shaoirsí mar thoradh ar an sárú, cuirfimid an sárú in iúl duit freisin.
Ní mór dúinn ligean duit do chearta a fheidhmiú mar atá leagtha amach i Roinn 13 . Is féidir leat iarratas a dhéanamh faoi aon cheann de na cearta sin trí theagmháil a dhéanamh le hOifigeach Cosanta Sonraí na Roinne ag an seoladh seo:
Tríd an bpost: Oifigeach Cosanta Sonraí,
An Roinn Coimirce Sóisialaí, Teach Goldsmith,
Sráid an Phiarsaigh, Baile Átha Cliath 2.
trí ríomhphost: dpo@welfare.ie
Ba cheart an ceart go ndéanfaí iarrataí ar léirscriosadh (an ceart go ndéanfaí ligean i ndearmad) a sheoladh chuig an gCeart go ndéanfaí Iarrataí a ligean i ndearmad, Oifig na Seirbhísí Leasa Shóisialaigh, Lóiste na Sionainne, Cora Droma Rúisc, Co. Liatroma nó
trí ríomhphost chuig: RTBF@welfare.ie
Ba chóir Iarratais Rochtana Ábhair a sheoladh chuig Rannóg na nIarratas Rochtana Ábhair, Oifig na Seirbhísí Leasa Shóisialaigh, Lóiste na Sionainne, Cora Droma Rúisc, Co. Liatroim,
trí ríomhphost chuig: SARS@welfare.ie
B'fhéidir go mbeidh orainn d'aitheantas a dheimhniú ar dtús, mar ní féidir linn do chuid sonraí pearsanta a thabhairt do dhaoine eile.
Nuair a bheidh d'aitheantas fíoraithe againn, féachfaimid leis an bhfaisnéis a d'iarr tú a fháil a luaithe is féidir.
Má dhéanann tú iarratas leictreonach, ní mór dúinn freagra a thabhairt ort go leictreonach, mura fearr leat a mhalairt.
Is gnách go ndéantar aon rud a dhéanaimid mar fhreagra ar d'iarratas agus aon fhaisnéis a sholáthraímid saor in aisce. Má dhéanann tú iarratais iomarcacha (m.sh. an rud céanna a dhéanamh arís agus arís eile) nó mura bhfuil aon bhunús ag d'iarrataí i ndáiríre, féadfaimid táille a ghearradh ort nó diúltú gníomhú air. Ní ghearrfaimid táille ort i gcás ina ndearna tú botún, ach ní ghníomhóimid de réir d'iarratais.
Ag brath ar na sonraí a chuirtear ar fáil, d'fhéadfaimis iarraidh ort d'iarratas a shoiléiriú. Is féidir leat cabhrú linn d'iarratas ar shonraí pearsanta a chomhlíonadh trí bheith chomh sonrach agus is féidir, go háirithe maidir le do dhéileáil nó do theagmháil linn.
Má tá aon cheist agat faoin ráiteas príobháideachais seo, déan teagmháil, le do thoil, leis an Aonad um Chosaint Sonraí (DPU) ag dpo@welfare.ie
Oibríonn an Roinn go crua chun do chuid sonraí a láimhseáil go freagrach agus glacaimid go dáiríre lenár bhfreagrachtaí maidir le cosaint sonraí. Mura bhfuil tú sásta leis an gcaoi a ndéanaimid é sin, téigh i dteagmháil le hOifigeach Cosanta Sonraí na Roinne ag an seoladh a leagtar amach thuas. Ina theannta sin, tá sé de cheart agat gearán a dhéanamh leis an gCoimisiún um Chosaint Sonraí (DPC). Is féidir teagmháil a dhéanamh leis an DPC:
Tríd an bpost: An Coimisiún um Chosaint Sonraí,
21 Cearnóg Mhic Liam Theas,
D02 RD28
Trí ríomhphost: info@dataprotection.ie
Ar an bhfón: 01 7650100 nó uimhir glaoch áitiúil 1800 437 737
Más mian leat tuilleadh faisnéise a fháil faoin gcaoi a n-oibríonn réimse den Roinn agus faoin méid a theastaíonn chun cinneadh a dhéanamh maidir le héileamh nó seirbhís, téigh chuig ár suíomh Gréasáin ag www.gov.ie/dsp. Tá treoirlínte oibríochta san áireamh i ngach ceann dár scéimeanna.
Reachtaíocht phríomha (iad go léir arna leasú)
| An tAcht Comhdhlúite Leasa Shóisialaigh 2005 | An tAcht um Chomhairle 2000 |
| An tAcht um Chosaint Fostaithe (Dócmhainneacht Fostóirí), 1984 | Na hAchtanna um Chlárú Sibhialta 2004 – 2014 |
| Acht na bPinsean 1990 | An tAcht um Inscne a Aithint 2015 |
| Na hAchtanna um Fhaisnéis do Shaoránaigh 2000 - 2007 | An tAcht um Íocaíochtaí Iomarcaíochta 1967 |
Príomhreachtaíocht thánaisteach (ionstraimí reachtúla)
I.R. Uimh. 120/1995 An tOrdú Leasa Shóisialaigh (Tuiscint le Québec ar Shlándáil Shóisialach), 1995.
I.R. Uimh 701/2007 - Ordú Leasa Shóisialaigh (Comhaontú Déthaobhach leis an Ríocht Aontaithe maidir le Slándáil Shóisialach) 2007. An tOrdú Leasa Shóisialaigh (Comhaontú Déthaobhach leis an Ríocht Aontaithe maidir le Slándáil Shóisialta) 2007.