Poist pholasaí
Ciste na gCuntas Díomhaoin
Ó An Roinn Forbartha Tuaithe agus Pobail
Foilsithe
An t-eolas is déanaí
Ó An Roinn Forbartha Tuaithe agus Pobail
Foilsithe
An t-eolas is déanaí
Is é príomhchuspóir na nAchtanna um Chuntais Dhíomhaoine sealbhóirí cuntais a athaontú lena n-airgead. Aistrítear airgead neamhéilithe chuig Ciste na gCuntas Díomhaoin a bhainistíonn Gníomhaireacht Bainistíochta an Chisteáin Náisiúnta. Cé go bhfuil sé de cheart ag an úinéir tairbhiúil an t-airgead a fháil ar ais am ar bith, foráiltear sna hAchtanna d’úsáid a bhaint as airgead neamhéilithe do bhearta chun dul i ngleic le míbhuntáiste geilleagrach, sóisialta agus oideachais, nó bearta a thacaíonn le daoine a bhfuil míchumas orthu. Tá an tAire Forbartha Tuaithe agus Pobail freagrach as Ciste na gCuntas Díomhaoin a riar, lena n-áirítear na bearta atá le maoiniú tríd an gCiste a chuirtear ar fáil ar fud réimse ranna rialtais a fhormheas.
Trí Chiste na gCuntas Díomhaoin, táthar in ann airgead neamhéilithe ó chuntais in institiúidí creidmheasa in Éirinn a úsáid chun tacú le forbairt daoine atá faoi mhíbhuntáiste geilleagrach nó oideachais, nó daoine atá faoi mhíchumas, laistigh de bhrí an Acht um Stádas Comhionann.
Is ionann cuntas díomhaoin agus cuntas atá i bhforas creidmheasa nár tharla aon idirbhearta custaiméara iontu le 15 bliain. Áirítear ar fhorais chreidmheasa, bainc, cumainn foirgníochta, comhair chreidmheasa agus an Post. Breithnítear polasaí árachais saoil le téarma sonraithe a bheith díomhaoin 5 bliana tar éis den téarma sin a bheith críochnaithe.
Baintear úsáid as airgead i gcuntas díomhaoin ar mhaithe le leas an phobail.
Baintear úsáid as an airgead seo chun cuidiú le daoine:
Mar a luadh cheana, is é príomhchuspóir na reachtaíochta sealbhóirí cuntais nó polasaí in institiúidí creidmheasa nó gealltanais árachais a athaontú lena n-airgead agus ina leith sin, éilítear ar na comhlachtaí seo céimeanna a ghlacadh chun úinéirí cuntas díomhaoin agus úinéirí polasaithe árachais saoil neamhéilithe a aithint agus dul i dteagmháil leo.
Déantar cistí díomhaoine nó polasaithe árachais saoil neamhéilithe nach bhfuil faighte ar ais ag an sealbhóir cuntas/polasaí bunaidh ná a chuid tairbhithe, a aistriú gach bliain ón institiúid is sealbhóir chuig Ciste na gCuntas Díomhaoin arna bhainistiú ag Gníomhaireacht Bainistíochta an Chisteáin Náisiúnta (NTMA). Déantar an t-airgead a aistriú ar an mbonn go bhfuil ceart faoi ráthaíocht ag an úinéir tairbhiúil a mhaoin a fháil ar ais am ar bith sa todhchaí.
Tá tuilleadh eolais maidir leis an gcaoi is féidir leis an úinéir dlisteanach airgead a fháil ar ais ó chuntas díomhaoin ar fáil ó Banking and Payments Federation Ireland :
Tá aire rialtais ainmhithe freagrach as na cuntais dhíomhaoine. Bunaíodh é sin de réir dlí trí achtú Acht na gCuntas Díomhaoin (Leasú) 2012. I
Ó mhí Iúil 2017 i leith, tá an tAire Forbartha Tuaithe agus Pobail freagrach as an bhfeidhm seo, agus tá an fheidhm seo tarmligthe ar an Aire Stáit.
Tugtar breac-chuntas i Scéim Eisíocaíochtaí Chiste na gCuntas Díomhaoin
Rinne an roinn Athbhreithniú ar Scéimeanna Eisíocaíochta DAF 2013-16 agus 2017-19 , a foilsíodh i mí Iúil 2018.
Rinne an roinn Athbhreithniú ar Shócmhainní Díomhaoine in 2019 inar aithníodh sócmhainní díomhaoine eile a d’fhéadfadh a bheith ann.
Ní mór don aire, gach uile bhliain, Plean Gníomhaíochta na gCuntas Díomhaoin a fhoilsiú ina liostaítear:
I bPlean Gníomhaíochta na gCuntas Díomhaoin 2020, leithdháiltear maoiniú €45.5 mhilliún san iomlán ar fud 9 roinn agus do 43 beart a bhfuil sé mar aidhm leo dul i ngleic le míbhuntáiste nó tacú le daoine a bhfuil míchumas orthu.
Trí na bearta a leagtar amach i bPlean Gníomhaíochta 2020 déanfar tairbhe go sonrach do roinnt de na codanna is leochailí den daonra, agus cuideofar le dul i ngleic le saincheisteanna ar nós ionchuimsiú sóisialta, cúnamh a thabhairt d’imircigh, tacaíocht a chur ar fáil do chúramóirí, daoine gan dídean a aistriú chuig tithíocht fhadtéarmach, bearta spóirt do phobail faoi mhíbhuntáiste, daoine óga a chosaint ar choireacht agus feasacht a ardú ar fhoréigean baile agus gnéasach.
Chun breathnú ar Phleananna Gníomhaíochta Chiste na gCuntas Díomhaoin ó 2014, cliceáil ar an nasc seo a leanas : Ciste na gCuntas Díomhaoin: Pleananna Gníomhaíochta Bliantúla.
Faoin reachtaíocht maidir le Cistí Díomhaoine, éilítear ar an Roinn Forbartha Tuaithe agus Pobail tuarascáil bhliantúil a ullmhú maidir le hairgead a íocadh amach ó Chiste na gCuntas Díomhaoin le linn na bliana roimhe sin. I mí Meithimh 2019, d’fhoilsigh an Roinn Tuarascáil Bhliantúil Chiste na gCuntas Díomhaoin 2018. Tugtar achoimre sa tuarascáil faoi mar a chaith Ciste na gCuntas Díomhaoin €28.2 milliún in 2018 ar fud líon ranna agus gníomhaireachtaí rialtais.
Chun breathnú ar Thuarascálacha Bliantúla Chiste na gcuntas Díomhaoin ó 2014 i leith, cliceáil ar an nasc seo a leanas: Ciste na gCuntas Díomhaoin: Tuarascálacha Bliantúla.