Poist pholasaí
Nósanna Imeachta chun Iompraíocht Bhulaíochta a Chosc agus Dul i nGleic léi do Bhunscoileanna agus d’Iarbhunscoileanna
Foilsithe
An t-eolas is déanaí
Foilsíodh gnásanna Bí Cineálta chun bulaíocht a chosc agus dul i ngleic léi do bhunscoileanna agus d’iar-bhunscoileanna ar an 19 Meitheamh 2024. Tagann na gnásanna seo in ionad na ngnásanna frithbhulaíochta do bhunscoileanna agus d’iar-bhunscoileanna 2013 agus tiocfaidh ceanglais na ngnásanna sin i bhfeidhm ón 1 Meán Fómhair 2025.
Tháinig na gnásanna seo ar an bhfód mar thoradh ar athbhreithniú ar ghnásanna frithbhulaíochta do bhunscoileanna agus d’iar-bhunscoileanna’ 2013 agus ar fhorfheidhmiú Cineáltas: Plean Gníomhaíochta ar an mBulaíocht a foilsíodh i mí na Nollag 2022.
Rinneadh na gnásanna Bí Cineálta seo a fhorbairt i gcomhar leis na comhpháirtithe oideachais agus tá siad go mór faoi threoir ag tuairimí leanaí agus daoine óga, tuismitheoirí, foirne scoile, bhaill na mbord bainistíochta agus an phobail oideachais i gcoitinne. Ciallaíonn Bí Cineálta “Cineáltas a Léiriú”. Tá Cineáltas a léiriú agus a bheith cineálta lena chéile mar
thaca leis na gnásanna seo agus leis an gcur chuige atá againn chun iompraíocht bhulaíochta a chosc agus dul i ngleic léi.
Bunaíodh grúpa oibre in 2022 chun athbhreithniú a dhéanamh ar na gnásanna frithbhulaíochta do bhunscoileanna agus d’iar-bhunscoileanna 2013. Is féidir téarmaí tagartha agus ballraíocht an ghrúpa oibre a fháil ach dul chuig an nasc seo a leanas:
Soláthraíonn na gnásanna leasaithe treo agus treoir do scoileanna maidir leis na bearta chun iompraíocht bhulaíochta a chosc.
Tá gnásanna Bí Cineálta bunaithe ar chur chuige atá dírithe ar chearta an linbh agus tacaíonn siad le cur chuige i gcomhar, áit a n-oibríonn baill uile phobal na scoile le chéile chun iompraíocht bhulaíochta a chosc agus dul i ngleic léi. Tá uasdátú déanta ar na gnásanna chun bulaíocht maidir le féiniúlacht inscne, cibearbhulaíocht, bulaíocht chiníoch, agus ciapadh gnéasach a chur san áireamh. Tacaíonn siad le scoileanna chun straitéisí soiléire a fhorbairt chun na hiompraíochtaí bulaíochta sin a chosc agus dul i ngleic leo.
Tiocfaidh na nósanna imeachta athbhreithnithe i bhfeidhm ó thús scoilbhliain 2025/2026.
Soláthraíonn Ciorclán 0055/2024 sonraí na n-athruithe agus na tacaíochtaí forbartha gairmiúla a chuirfear ar fáil, chun tacú le rannpháirtíocht, comhoibriú agus foghlaim ghairmiúil ceannairí scoile agus foirne scoile, de réir mar a fheidhmíonn siad é.
Nósanna Imeachta chun Iompraíocht Bhulaíochta a Chosc agus Dul i nGleic léi do Bhunscoileanna agus d’Iar¬bhunscoileanna
Íosluchtaigh nasc le haghaidh
Íoslódáil
féachaint ar an gcomhad
Amharc
Aguisín A Polasaí Bí Cineálta Scoile chun Iompraíocht Bhulaíochta a Chosc agus Dul i nGleic léi
Íosluchtaigh nasc le haghaidh
Íoslódáil
Aguisín C Treoir maidir le Dul i nGleic le hIompraíocht Bhulaíochta
Íosluchtaigh nasc le haghaidh
Íoslódáil
féachaint ar an gcomhad
Amharc
Aguisín D Treoir maidir leis an Uasdátú ar Iompraíocht Bhulaíochta a Sholáthar
Íosluchtaigh nasc le haghaidh
Íoslódáil
féachaint ar an gcomhad
Amharc
Aguisín F Fógra faoi athbhreithniú bliantúil an Bhoird Bainistíochta ar Pholasaí Bí Cineálta na scoile
Íosluchtaigh nasc le haghaidh
Íoslódáil
féachaint ar an gcomhad
Amharc
Aguisín G Forléargas ar Ghnásanna an Pholasaí Bí Cineálta chun Iompraíocht Bhulaíochta a Chosc agus Dul i nGleic léi
Íosluchtaigh nasc le haghaidh
Íoslódáil
féachaint ar an gcomhad
Amharc
Tá acmhainní chun tacú le forfheidhmiú pholasaí Bí Cineálta scoile chun iompraíocht bhulaíochta a chosc agus dul i ngleic léi ar fáil anseo:
Thug an roinn roinnt seimineár eolais ar líne do cheannairí scoile ar Phlean Gníomhaíochta Cineáltas ar an mBulaíocht agus Nósanna Imeachta Bí Cineálta chun Aghaidh a Thabhairt ar Iompraíochtaí Bulaíochta agus Iad a Chosc do Bhunscoileanna agus d’Iar-bhunscoileanna, chomh maith leis an tsamhail Cigireachta Folláine a Chur Chun Cinn le linn Dheireadh Fómhair 2024.
Tá taifeadadh ar cheann de na seimineáir seo ar fáil anseo:
Tá na sleamhnáin a úsáideadh ag an seimineár ar fáil anseo:
Treoir bhreise chun tacú le cur Bí Cineálta i bhfeidhm
Tá foghlaim phroifisiúnta i láthair go pearsanta á cur ar fáil ag Oide, ag tosú go díreach tar éis an bhriste leath-théarma i dtéarma 1 den scoilbhliain reatha 2024/2025. Is féidir le beirt bhall foirne freastal ar an imeacht, agus déanfaidh Oide teagmháil dhíreach le gach scoil le cuireadh do cheannaire scoile agus do bhall foirne eile chun freastal air.
Ceadaítear le hionadú ionas gur féidir le príomhoidí agus le múinteoirí freastal ar TPL Oide. I scoileanna móra agus meánacha, ní mór don cheannaire scoile agus don mhúinteoir ón scoil a bhfuil sé ar intinn aige/aici freastal ar an imeacht a bheith cláraithe agus áit a chur in áirithe ar an imeacht céanna. I scoileanna beaga, d’fhéadfadh sé nach mbeadh sé indéanta go bhfreastalódh an bheirt mhúinteoirí ar an imeacht ag an lá céanna, agus is féidir leis an gceannaire scoile agus leis an múinteoir freastal ar imeacht eile.
Tá sé beartaithe ag Oide trí cinn déag de na himeachtaí TPL Bí Cineálta a chur ar fáil trí mheán na Gaeilge.
Is féidir teagmháil a dhéanamh le Oide trí ríomhphost ag info@oide.ie
Is féidir le bunscoileanna, scoileanna speisialta, iar-bhunscoileanna agus ionaid oideachais leas a bhaint as dúnadh scoile leath lae i rith na scoilbhliana 2024/2025 chun rannpháirtíocht fhoireann uile na scoile a éascú le nósanna imeachtaí Bí Cineálta. Tá an dúnadh leath lae seo i dteannta le dúnadh scoile eile atá ceadaithe ag an roinn.
Is féidir le scoileanna dáta dhúnadh an leath lae a roghnú faoina rogha féin. É sin ráite, ba cheart fógra an dáta a chur ar fáil dá bpobal scoile roimhe ré. Tá sé tábhachtach go ndéanann scoileanna a machnamh ar chur isteach ar phobal na scoile a íoslaghdú agus an dúnadh leath lae á sceidealú.
Tá lánrogha ag scoileanna maidir leis an gcaoi a gcuireann siad struchtúr ar rannpháirtíocht leath lae le foireann uile na scoile, lena n-áirítear CRSanna, rúnaithe agus ball foirne na scoile nach múinteoirí iad agus na hacmhainní a úsáidtear, toisc go bhfuil scoileanna san áit is fearr chun cinneadh a dhéanamh maidir leis an gcaoi ar cheart dóibh oibriú lena bpobal scoile chun a mbeartas Bí Cineálta a fhorbairt.
Tá sé tábhachtach go nglacann foireann na scoile páirt sa choinne seo toisc go bhfuil freagracht ag foireann uile na scoile aghaidh a thabhairt ar iompraíochtaí bulaíochta a tharlaíonn inár scoileanna agus iad a chosc.
D’fhorbair an Roinn Oideachais Cineáltas: Plean Gníomhaíochta ar an mBulaíocht i gcomhar le Coiste Stiúrtha ilchineálach, faoi stiúir an Dr. Noel Purdy ó Choláiste Ollscoile Stranmillis i mBéal Feirste, agus cuimsíonn an plean tuairimí leanaí agus daoine óga, tuismitheoirí, oibrithe scoile, páirtnéirí oideachais agus daoine aonair ón bpobal chun an dalta a chur ag croílár an phlean.
Tógann an plean seo ar atá bainte amach agus ar uaillmhian an Phlean Gníomhaíochta ar an mBulaíocht 2013, a chuaigh roimhe, agus ar an obair atá déanta le blianta anuas le cinntiú gur áiteanna sábháilte agus sona d’ár leanaí agus daoine óga uile iad ár scoileanna.
Tá cóip den bPlean Gníomhaíochta ar fáil anseo: www.gov.ie/pleangniomhaiochtaarbhulaiocht