Mar bhall den Aontas Eorpach, bíonn ról ag Éirinn ó thaobh beartais a fhorbairt a mbíonn tionchar acu ar mhuintir na hÉireann agus ar mar a idirghníomhaíonn an AE leis an gcuid eile den domhan. Is féidir beartas AE a dheighilt ina mbeartais inmheánacha (comhbheartais) agus ina mbeartais sheachtracha.
Tugtar comhbheartais ar bheartais inmheánacha an AE freisin. Bíonn tionchar díreach acu ar shaoránaigh an AE i ngach mballstát agus áirítear saincheisteanna mar iad seo a leanas leo:
Díríonn beartais seachtracha ar chomhoibriú polaitíochta idir bhallstáit ar saincheisteanna mar iad seo a leanas:
Oibríonn na trí phríomh-Institiúid de chuid an AE – an Coimisiún, an Chomhairle Eorpach agus Parlaimint na hEorpa – le chéile chun beartais AE a chruthú agus a cheadú. Mar sin féin, tá ról éagsúil ag gach aon institiúid.
Baineann An Coimisiún Eorpach le leasanna an Aontais Eorpaigh in iomlán. Moltar reachtaíocht nua don Chomhairle agus don Pharlaimint agus cinntítear go bhfeidhmíonn na ballstáit dlí an AE mar is cuí.
Is i gComhairle an Aontais Eorpaigh a dhéanann na hairí rialtais ionadaíocht ar Éirinn. Tagann siad le chéile le hairí ó bhallstáit eile chun beartas AE a mholann an Coimisiún a leasú agus chun vótáil ar na moltaí sin.
Déanann Feisirí de Pharlaimint na hEorpa i bParlaimint na hEorpa ionadaíocht ar dhearcaí agus ar ábhar imní na ndaoine a ndéanann siad ionadaíocht orthu tráth a mbíonn moltaí beartais á bplé laistigh de choistí agus le linn suí iomlánach den Pharlaimint iomlán. Is féidir leis an bParlaimint leasuithe a dhéanamh freisin ar mholtaí beartas.