An Straitéis um Bonneagar Feithiclí Leictreacha, 2022-2025

Arna sheoladh in Eanáir 2023, leagann an Straitéis um Bonneagar Feithiclí Leictreacha, 2022-2025 amach an sprioc agus an straitéis atá againn chun líonra luchtaithe feithiclí leictreacha a chur ar fáil, chomh maith leis na bearta praiticiúla is gá a dhéanamh chun an líonra sin a chur ar fáil ar fud na tíre.

Áiríonn sé sin linn luchtairí ardchumhachta gach 60 km ar ár ngréasán mótarbhealaí, chomh maith le luchtú baile/árasáin, luchtú cinn scríbe agus luchtú comharsanachta cónaithe (lena n-áirítear moil nua soghluaisteachta).

Agus 14,000 aighneacht mar bhonn eolais fúithi, freagraíonn an straitéis don ghéarghá atá ann aghaidh a thabhairt ar an athrú aeráide agus an gá atá ann le haistriú straitéiseach agus cóir a dhéanamh chuig modhanna taistil inbhuanaithe.

Glacann an straitéis cur chuige a thugann tús áite do dhaoine, ag díriú ar na riachtanais éagsúla iompair atá ann ar fud na tíre.Mar bhonn eolais faoin straitéis, tá teicneolaíochtaí éagsúla agus roghanna éagsú laluchtaithe atá á bpíolótú in Éirinn faoi láthair.

Rinneadh Plean Forfheidhmithe a fhorbairt in éineacht leis an Straitéis Náisiúnta d’fhonn sraith tosaigh gníomhartha agus spriocanna insoláthartha a chur ar fáil chun tacú le cur i bhfeidhm na straitéise. Áirítear leis seo forbairt an Phlean um Luchtú Feithiclí Leictreacha ar an nGréasán Náisiúnta Bóithre agus an Phlean Réigiúnaigh agus Áitiúil um Líonra Luchtaithe d’Fheithiclí Leictreacha.

Tá na doiciméid ar fáil thíos: