Foilsiú
Saoire Foréigin Baile do Mhúinteoirí agus do Chúntóirí Riachtanas Speisialta
Foilsithe
An t-eolas is déanaí
Foilsithe
An t-eolas is déanaí
Féadfaidh múinteoir/cúntóir riachtanas speisialta ar íospartach foréigin baile é/í leas a bhaint as Saoire Foréigin Baile. Féadfaidh múinteoir/cúntóir riachtanas speisialta leas a bhaint as Saoire Foréigin Baile freisin i gcás go bhfuil sé/sí ag tabhairt tacaíocht do dhuine iomchuí. Is tréimhse saoire íoctha í Saoire Foréigin Baile agus cuimsíonn sí lá scoile amháin nó níos mó, ach ní mór nach mó í ná cúig lá scoile ar a mhéad i dtréimhse 12 mhí as a chéile.
Chun tuilleadh faisnéise a fháil faoi Shaoire Foréigin Baile do mhúinteoirí, féach Ciorclán 0059/2023 dar teideal “Saoire Foréigin Baile do Mhúinteoirí Cláraithe atá fostaithe i mBunscoileanna agus in Iar-bhunscoileanna Aitheanta”.
Chun tuilleadh faisnéise a fháil faoi Shaoire Foréigin Baile do chúntóirí riachtanas speisialta, féach Ciorclán 0060/2023 dar teideal “Saoire Foréigin Baile do Chúntóirí Riachtanas Speisialta atá fostaithe i mBunscoileanna agus in Iar-bhunscoileanna Aitheanta”.
Ceanglaítear ar mhúinteoir a bhaineann leas as Saoire Foréigin Baile an Fhoirm Iarratais in Aguisín A a ghabhann le Ciorclán 0059/2023 a chomhlánú. Ba cheart an Fhoirm Iarratais a chomhlánú agus a chur isteach chuig an bhfostóir a luaithe is indéanta le réasún sula mbainfear leas as saoire den sórt sin nó tar éis leas a bhaint aisti.
Ceanglaítear ar chúntóir riachtanas speisialta a bhaineann leas as Saoire Foréigin Baile an Fhoirm Iarratais in Aguisín A a ghabhann le Ciorclán 0060/2023 a chomhlánú. Ba cheart an Fhoirm Iarratais a chomhlánú agus a chur isteach chuig an bhfostóir a luaithe is indéanta le réasún sula mbainfear leas as saoire den sórt sin nó tar éis leas a bhaint aisti.