gov - Úsáid Níos Lú – Tacaíochtaí

Tá an Rialtas ag cur tacaíochtaí éagsúla ar fáil chun ualach na n-ardchostas fuinnimh ar ár dteaghlaigh a laghdú.

Cuirfear trí cinn de chreidmheasanna leictreachais €150 i bhfeidhm i leith billí leictreachais baile; ceann amháin roimh Nollaig agus na cinn eile sna timthriallta billeála i mí Eanáir/i mí Feabhra agus i mí an Mhárta/i mí Aibreáin.
Is é is an Liúntas Breosla ann ná íocaíocht chun cabhrú leis an gcostas atá i gceist le do theaghais a théamh le linn mhíonna an gheimhridh. Is féidir leat é a fháil má tá tú 70 bliain d’aois nó níos sine nó má tá íocaíochtaí fadtéarmacha leasa shóisialaigh á bhfáil agat. Is féidir leat tuilleadh faisnéise a fháil ag gov.ie/FuelAllowance
Is é is Íocaíocht ar Riachtanais Bhreise ann ná íocaíocht a bheidh ar fáil duit má tá caiteachais bhunriachtanacha agat nach féidir leat a íoc ó d’ioncam seachtainiúil. Is íocaíocht de réir tástáil acmhainne í sin agus is í Seirbhís Leasa Pobail na Roinne Coimirce Sóisialaí a riarann í. Is féidir leat tuilleadh faisnéise a fháil ag gov.ie/ANP
Tá tacaíochtaí Costais Maireachtála eile ar fáil freisin ón Roinn Coimirce Sóisialaí.
Tá an Scéim um Chúnamh Tithíochta do Dhaoine Breacaosta ar fáil chun cabhrú le daoine breacaosta atá ag cónaí i dteach a bhfuil drochbhail air a chinntiú go ndéanfaí na deisiúcháin nó na feabhsuithe is gá. Riarann údaráis áitiúla an scéim.

Úsáid Níos Lú – Tacaíochtaí